HEBRAI 11:37 - Khumi Common Language Bible

³⁷ naibaly lengseaung y aphi nai py awm, raw y hihyh baw nai py awm, parawi naira py avum, haisau y ateng ka nai py awm; nichi ly beram peih hawi mi-i peih akhiu nai aleaung u ryry iy, avaw py avaw, patang py patang, ana hai nai py awm;

HEBRAI 11:37 ပူးပေါင်းရင်းမြစ်များ

2 SAMUELA 12:31

Huni mary i khumichi ai hawi i, rawchi, phalavachi, atiuchi hawi sa nai kalop py, iukhi sa nai kalop py sa hai bo. Samrang ly Ammon pri i takhra marychira i khumichi ai py, hina nai kamta sa hai. Naibaly mymy hawi mymy i khumichi ly Jerusalem mary y vawi u bo.

1 ARENG KEH 18:13

Areng i amochi ai Jezebeli my padei nai thym khala y, kai ly amo leaung chungvaireichi ai kamkawm nyhrei sa iy, kamkawm ha harei y leaung vui pangrei, tapiu theung y kaimy heu vui iy teichachi hawi tui pei pi nai ly nang thai y nai sai a?

1 ARENG KEH 18:4

Areng i amochi ai padei nai thym khala y, Obadia ly amo leaung chungvaireichi ai kamkawm nyhrei sa i, kamkawm harei y leaung vui pangrei, tapiuchira y heu iy teicha teinei hawi tui py pei pi nai ne.)

1 ARENG KEH 19:1

Samrang Ahab ly Aju Jezabela teng y Elija i sa nai cheaungkhangchi hawi, bala amo bawibawichi ai padei nai saichi py amti pi.

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

1 ARENG KEH 19:13

Huni raawi thai nai khala y Elija ly my i meimai y ateaung amyn naimy theu i, tapiu pa-khora angdo bo. Huna nai khala, “Elija awi, nang ly hini meingtym y ati sa nai mo?” nanai deng nai raawi thai bo.

1 ARENG KEH 19:14

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u. Kai leaungrei naini tleaung i, nichi my kai ai padei ai nai hau u bo,” napi.

1 ARENG KEH 19:19

Elija ly hu i nai theu nai khala y, si katai nyhrei hawi li thawn nai Elisa ai avum; ni i mo y si katai bom holai nyhrei awm i, ni ly kangkhym mang si bomrei hawi li thawn nai ne. Elija ly my i ateaung aleng iy, Elisa i tlang tleaung y chang bo.

1 ARENG KEH 21:10

Khumi hawi y nai leaung nyhrei ai Naboth i mo y ateh hai iy, ‘hini khumi ly Tameuh hawi samrang ai thui tamawn nai keung ne,’ nanai seu hawi na sy; naibaly huni khumi ai mary angam mang y patheu iy lengseaung hawi aphi u ka,” nanai ne.

2 ARENG KEH 1:8

Huni khumichi my, “Ni ly mawipeih baichu amchiu iy, mawipeih khobai akawm nai ne,” nanai pathang u. Samrang my, “Huni khumi ly Elija na a tu ly!” napi.

2 ARENG KEH 2:13

Naibaly ni ly Elija teng i tla nai ateaung akhui iy Jordan tavo mang y ali teang.

2 ARENG KEH 2:8

Naibaly Elija ly my i ateaung aleng iy taeang i, tui y pakhau bo. Huna nai khala tui ly akhawi vui i, nini leaung nyhrei ly khaileaung kaphui salo y tako iy, tavo vai mang y ang peang hawi nai ne.

1 NENG SATANG 20:3

Huni mary i khumichi ai hawi iy raw, phalava, atiuchi hawi sa ai tla nai kalop ramchi sa hai bo. Davida ly Ammon pri takhra marychi ra i khumichi ai py, hina nai kamta sa iy, mymy i tavaimichi hawi vanrei, Jerusalem mary y vawi ali teang bo.

2 NENG SATANG 24:21

Samrang Josha ly Zekhariah i tlang tleaung y hawi y sa ai nai ka-dawn mang y abawi i, ni i leu pei nai kamta khumichi ly Zekhariah ai Achura yhm apai theung i ly-um y, lengseaung hawi aphi u kha bo.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 26:23

Nichi ly Uriah ai Aikupta pri i dengdairei samrang Jehojakim teng y pahawi ali teang i, samrang ly ni ai padei iy ni i veu ai ly khumichi i tapreaung y aphi hai su bo.)

ZEKHARIAH 13:4

Huni neng tym nai khala, mani mo amo py, my i paleung mei y niu nai molam y am-e ai ny y. Amimi py amo i sa nai kamta sa ai ny y; li-tapawp ai nai molam y amo i ateaung py amthyp ai ny y.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MATTHAI 21:35

Naibaly akho kry nai keungchi my ly mymy i miseaungchi ai patiu iy, leaungrei ai ly pakhau, leaungrei ai ly padei, leaungrei ai ly lengseaung y aphi u ka.

MATTHAI 3:4

Naibaly huni Johan ly kula-iu mui akhiu i, akeng y ly mawipeih khobai py akawm; mymy i cha nai ly akhu tama hawi khawi hang ne.

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

LUKA 13:34

Aw Jerusalem, Jerusalem amochi ai padei nai keung nang teng y pato naichi ai ly lengseaung y aphi ka nai keung awi: A nu my mymy i chochi ai pakhi anui y o hai achu nai kamta, nang i chanuchi ai o hai achu ai nai tlen majirei kang tau mo? Na i py nangchi ly ngai u y.

AMTAW 14:19

Na i py Antiokei hawi Ikonion avang i nai Juda amichi mo hu y tym iy, khumi mipuichi ai ly parawi tanga bo; hunaibaly nichi ly Pawla ai lengseaung y aphi i dei ai nai athang khai nai deaungkho y avang i dengdairei ryh bo.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

HEBRAI 11:25

mymy ly kamngo i kra y nai sala chy i vui awm nai amo theu naira ai kawn nai tleaung y ly Tameuh i khumichi hawi ana hai nai patang naira y kham tanga ai nai vawi lawh veng;

HEBRAI 13:3

Theaung y tla naichi hawi vanrei theaung y tla nai kamta nichi ai pany u jojo ly:nangchi py tlang y awm nai ne teang nai deaungkho y ngari patang naichi ai ly pany u jojo.

AMTENG HAI NAI 11:3

Naibaly kai i leu pany hai nai keung nyhrei teng y ly leu kapei ai i, nini ly mawi mui kanih akhiu naimy kani sang atlo chungvai nyh pa-thom kani vui tariu ryrei ly leu thui hawi ai,” ang napi.