29 Ym naira deaungkho y nichi ly mawi tleaung y tako nai kamta Pangli Kamsen y tako prei: Aikuptachi ly huna nai kamta sa teang ai nai tau u i, anum u be bo.
Nang ly nangmy i khumichi i vui pangli angpeang ai nai lam sa pi iy, nichi ai khaileaung kaphui salo y tako hai bo. Nichi ai patiu ai nai hui naichi ai ly pangli tui sampyh theung y lengseaung tup nai kamta anum hai nai ne.
Mymy ly pangli ai kacheng khaileaung lawm hai nai deaungkho y, achi i amsi pajochi ly tavo y kheu mang angpeang u bo. Huna nai khala mymy i sa nai leaungsaichi molam y, achi ly amo theu u nai ne.
Huna nai khala Mosi my, “Jeih u moh, Vam parai nai awm u; vaini Areng my atleu nai nangchi niu u ai; Aikupta chengchi ai vaini nangchi niu nai ly vai mo mang y nangchi niu u ali bi ai ny y leang bo mang.
Hunaibaly Mosi ly pangli salo y kiu pheu i, khawn khutawi nai khala pangli tui ly angchei i kari kamta awm teang. Aikupta chengchi ly tui theung i lawi ai nai atho sa u; na i py Areng my ly nichi ai tui y anum hai chauchau bo.
Nangchi Aikupta pri i dengdairei theu u nai khala, Areng ly nangchi tako u nai mo y pangli kamsen tui kang hai vui nai satang kaichi thau u nai ne. Jordan tavo nisi mang y peang nai Amori samrang leaung nyhrei, Sihon hawi Oka ai nangchi my mana padei u mo, nanai satang py kaichi thai.