HEBRAI 11:12 - Khumi Common Language Bible

¹² Hunaibaly khumi kadei kamta awm nai neampacho leaungrei teng i nai kani mang i ka-sichi nawi nai sai kamta hawi, pangli peang i spryh kamta kati pajau y nai pa-rei py peung u bo.

HEBRAI 11:12 ပူးပေါင်းရင်းမြစ်များ

ATITI AWM ANGCHEI NAI 15:5

Areng my Abram ai angam mang y theu hai i, “Kani mang y angdeang ly ka-sichi ai kati cham; nang i kangpreangchi ly hunai kamta nawi teang ai,” napi.

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 32:12

Nang i chei naira tleirei y kaimy kang pahawi ai, pangli spryh kamta nang i kangpreangchi kang peung hai ai, nanai nangmy adeu nai leu ai ly pany pi jo kyh ba,” nanai takeng bo.

2 SAMUELA 17:11

Nang ai kaimy tau pei ai ngai nai ly pangli spryh jirei nawi nai Israela cheng bawibawichi ai khuteng taki katem i dengdai temra y khrairei palau ai nai ne. Naibaly nichi ai nangmy lu sa iy tavai keung y thau ba.

1 ARENG KEH 4:20

Juda pri hawi Israela pri i mipuichi ly pangli peang i spryh jirei nawi nai ne. Nichi ly amo theu naimy cha nei iy awm u bo.

1 NENG SATANG 27:23

Areng my Israela khumichi ai kani mang i ka-sichi kamta peung hai ai, nanai adeu pi nai deaungkho y, samrang Davida ly saneng apomrei anui khumichi ai amyn vuikanai lo y.

NEHEMIA 9:23

Nang ly nichi ai kani mang i ka-sichi kamta, nawi parai nai cho chanauchi pei pi bo; naibaly nichi i amsi pajochi teng y nangmy i adeu nai pri peang hai iy, huni pri y awm hai nai ne.

THEU NAI 32:13

Nang i miseaung Abraham, Isaka hawi Jakobchi ai pany pi jo kyh; nang ly nichi i kangpreangchi ai kani mang i ka-sichi kamta peung hai ai, nanai hawi, nangmy adeu hai typ nai huni pri bawibawi ly nichi i kangpreangchi amtym jojo ai nai, nanai pany pi ba,” nanai ahui pi bo.

ISAIA 10:22

Vai i neng y Israela chengchi ly pangli spryh jirei vi nawi teu i py, phyreichi naini mymy teng y vawi u ali teang ai. Tameuh ly nichi ai tamyh ai nai paran yb nai ne. Nichi py huna nai tamyh ai nai ataing khyp bo.

ISAIA 48:19

Nangchi i kangpreangchi ly spryh jirei nawi iy, kai ly nichi ai mana khala py, myn kang hai ai ny y.”

JEREMIA 33:22

Kai ly kani mang i ka-si taukichi hawi pangli peang i spryhchi kamta, kati pajau y na pa-rei kai i miseaung Davida i kangpreangchi hawi kai i kalop sa nai Levi theaung pathyp pi nai keungchi i vuikanai peung hai ai,” napi.

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

HABAKKUK 1:9

“Nichi i tavaimichi ly athorei my tiu i eaung u bo. Khumichi ly nichi tym nai deaungkho y jei hyn u Nichi i patiu nai langhengchi ly spryh jirei nawi nai ne.

ROM AVANGCHI TENG Y PAWLA I CHA PA NAI 9:27

Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.

Leu Thui Nai 1:10

Nangchi i Areng Tameuh ly nangchi ai kani mang i ka-sichi tanrei ang peung hai bo.

Leu Thui Nai 28:62

Nangchi ly kani mang i ka-sichi tanrei vuikanai nawi u teu i py, Areng Tameuh i leu tangai u y nai deaungkho y, khumi maidenreichy naini heng u ai khyh.

JOSUA 11:4

Nichi ly pangli peang y awm nai sa-ichi jirei nawi nai tavaimi risachi hawi tavai thau u bo. Nichi teng y keaungngo hawi keaungngo ka-ri neangneang abawi.

AMTENG HAI NAI 20:8

ni ly khaileaung taki palyhrei y awm nai chengchi, Koka hawi Makoka ai tapawp iy, nichi ai tavai atiu naira y pahawi achu ai nai theu ai; hunichi i nawi nai sai ly pangli i spryh kamta ne.

TARA CHIH NAI KEUNGCHI 7:12

Midian chengchi, Amalek chengchi hawi, khutaha daichi ka-vymra y awm nai khumichi ly akhutama kanghuchi kamta, leaunghawira y i u bo. Nichi i kula-iuchi ly pangli peang y awm nai spryh jirei nawi nai ne.

1 SAMUELA 12:5

Samuela my, “Kai i tlang tleaung y ati sai py kamngo by y leang, nanai nangchi niu nai ly Areng my pany; mymy i khai takhra pi nai samrang py pany nai ne,” nanai thui pi baly, mipuichi my, “Ne mang, Areng ly kaichi i pany hai nai keung ne,” nanai thui u bo.