HEBRAI 10:30 - Khumi Common Language Bible

³⁰ “Vawitheung nanai ly kaimy tha ai nai tla, kaimy heung ai,’ nanai hawi, “Areng my ly ni i khumichi ai chih ai” napi nai keung ai ly achi pany.

HEBRAI 10:30 ပူးပေါင်းရင်းမြစ်များ

SAM 135:14

Areng ly mymy i khumichi ai ama hai ai; mymy i miseaungchi ai pahen ai.

SAM 50:4

Mymy i khumichi ai tara chih nai khen u ai nai, mymy ly pany hai nai keungchi, kani hawi khaileaung ai palau bo.

SAM 94:1

Aw Areng, nang ly kamngo pajeng ai nai aly peang nai Tameuh ne; nang i kado theu nai amteng hai ba!

SAM 96:13

Ati mana nai mo nabaly Areng ly khaileaung pri y peang ai nai ang jeu nai deaungkho y ne. Mymy ly khaileaung pri khumi bawibawichi ai, leu meitang naimy peang ai.

SAM 98:9

mymy i mo y vanrei, amo theu khulym thui naimy palo u. Mymy ly khaileaung pri khumi bawibawichi ai leu meitang naimy peang ai.

ISAIA 59:17

Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

ISAIA 61:2

Areng ly mymy i khumichi ai atleu iy, paleung ka-echi ai taphra nai neng tym bo, nanai thai hai ai nai kai ai pato bo. Paleungsi tangam nai khumi bawibawichi ai awmnem naira pei ai nai,

ISAIA 63:4

Kai ly kaimy i khumichi ai atleu ai nai neng tym bo. Nichi i paleung ka-echi ai pajeng ai nai adawn yb veng bo.

Ezekiela 18:30

“Aw Israela chengchi awi, sa thai naira angym nai kai Areng ly vai, nangchi leaung leaungrei ai, nangmychi i hawi y sa nai leaungsai molam y tara chih ai, nanai thui u bo. Nangchi ly hawi y sa nai bawibawira i nai hi u vui; kamngo my ly nangchi ai taphra moh sy.

Ezekiela 34:17

“Huna nai y kai i beram kanghuchi awi, sa thai naira angym nai kai, Areng my leu pei nai ly Kai ly nangchi bawibawi ai tara chih ai. Hawi nai, hawi y nai beram hawi mi-i ai khai takhra ai.

Levi 19:18

Ami ai vawitheung tha moh, paleung ka-e khai moh. Nangmy ai atamen nai kamta saleaung deaungpa ai py tamen ai nai tla. Kai ly Areng ne.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

ROM AVANGCHI TENG Y PAWLA I CHA PA NAI 12:19

Ngai parai naichi awi, vawitheung atha u moh ly; “Areng my, ‘Vawitheung nanai ly kaimy tha ai nai tla, kaimy kaheung ai,’ napi,” nanai tajiu nai ne.

ROM AVANGCHI TENG Y PAWLA I CHA PA NAI 13:4

ni ly nang i hawi ai nai vui ly Tameuh i kalop sa nai keung ne. Na i py nang ly atiti hawi y nai sa baly jei phai jei; mymy i haisau syn nai ly jawm my syn atyhtyh nai ny y leang; mymy ly Tameuh i kalop sa nai keung ne i, atiti hawi y sa naichi i tlang tleaung y vawitheung tha ai nai keung ne.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

1 SAMUELA 25:26

Paleung ka-echi ai nangmy padei iy vawitheung tha y ai nai paka nai keung ly Areng ne. Nang i paleung ka-echi py, nang ai ka-jeira pei ai ngai nai khumi bawibawichi py, Nabala kamta kamngo pajengra avum u sy, nanai Tameuh kangheng i amyn y kai, vaineng abeu bo.

1 SAMUELA 26:10

Areng mymy khypkhyp malawn py dei ai nai neng tym nai y dei nai py ne sy, tavai keung y dei nai py ne sy, pajeng naira tym hai ai, nanai Tameuh kangheng i saho y kai pany.