HEBRAI 10:24 - Khumi Common Language Bible

²⁴ naibaly tamen naira y hawi atiti kahawi sa naira y py apachei ai nai dawn u leungtang sina;

HEBRAI 10:24 ပူးပေါင်းရင်းမြစ်များ

SAM 41:1

Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

LEU KACHENG 29:7

Khumi kahawi ly khumi kamawnchi i nga ai avo naichi pany pi thai. Na i py khumi hawi y naichi ly huni amjychi pany thai y leang.

AMTAW 11:29

Hunaibaly abangnaichi leaung leaungrei ly mymy i kamjau ryrei Judai pri y awm nai amjo amnauchi teng y sabawm nai pa ai nai tau;

ROM AVANGCHI TENG Y PAWLA I CHA PA NAI 11:4

Na i py Tameuh ly mymy teng y mana pathang mo? Mymy ly, “Baala i mo y meung vai y nai khumi sang saryhreichi ai kaimy i vui kakhai nai awm rai,” nanai pathang.

ROM AVANGCHI TENG Y PAWLA I CHA PA NAI 12:15

Amotheu naichi ai ly amo theu hai u ly; vo naichi ai ly vo hai u ly.

I KORINTH 10:33

hunai kamta teang kai py amy i chawn naira hau y naimy nichi heng naira nga thai ai nai, khumi neangneang i chawn naira hau lawh i, khumi bawibawichi ai cheaungkhangra y kakawn hai.

I KORINTH 9:22

Ham y naichi ai kanga thai ai nai, ham y naichi teng y ham y nai kamta kaawm; ati mo sairei kasa iy, phyreichi ai kapaheng thai ai nai kai ly khumi bawibawichi teng y ati cheaungkhang kalawn bo.

II KORINTH 8:8

Kai ly leu pei nai kamta kathui y leang, khumi takhrachi i hawihai palai sa naira y nangchi i tamen u tatang nai sai cham ai nai kathui nai teu.

II KORINTH 9:2

kai ly nangchi i dawn rym nai sai ly pany bo, huni molam y ly Akaia pri y dawn u rym nai ly sanengrei awm bo, nanai kai ly Makedonia pri i khumichi teng y nangchi ai kamlyh bo; hunaibaly nangchi i hawihai palai sa nai ly nichi theung y khumi neangneangchi ai amcheng hai bo.

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

KALATIA 6:1

Amjo amnauchi awi, ami my kamngo ati py sa nai thym khala y theaugma nai awm khyly nangchi phailo mang y, asa naichi awi, “Kai py parawi naira avum teang lawh na,” nanai hawihai atyp u nai tarawi y huna nai khumi ai ly leu kanem chy y my angdo hai u.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 5:11

Hunai deaungkho y nangchi i sa reng nai kamta ly apachei u leungtang iy akhaw hai u.

II THESALONIKA 3:9

kaichi ly pajau y nai deaungkho y ny y leang, nangchi ly kaichi i amtiu naichi lawn ai nai khen pata ai naira sa nai teu.

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

TITA 2:4

hunaibaly Tameuh i leu ai ly thui tamawn naira by y ai nai, anglochi ai ly mymychi i juvochi ai tamen ai nai hawi, mymychi i chanauchi ai tamen ai nai hawi, paleung hawi parai naimy awm ai nai hawi, chai parai naimy awm ai nai hawi,

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 13:1

Amjo amnauchi ai atamen naira ly awm jojo sy.

HEBRAI 13:3

Theaung y tla naichi hawi vanrei theaung y tla nai kamta nichi ai pany u jojo ly:nangchi py tlang y awm nai ne teang nai deaungkho y ngari patang naichi ai ly pany u jojo.

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

I JOHAN 3:18

Bechi awi, labeaung palai y khyh ny y naimy, atiti sa naira y hawi meitang khyp naira y py tamen u sina.