HEBRAI 1:14 - Khumi Common Language Bible

¹⁴ Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 1:14 ပူးပေါင်းရင်းမြစ်များ

ATITI AWM ANGCHEI NAI 32:24

Mymy leaungrei kangkhym y awm jo. Huna nai khala, khumi leaungrei tym i mymy hawi khutawi pa-rei ani bo.

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

JOBA 1:6

Tameuh i mo y kani pri mang ichiahihawi nai neng kani tym nai khala, setanpy nichi hawi vanrei abawi teang.

SAM 104:4

Nang ly ali ai nangmy i savaichi kamta py, amlosadichi ai nangmy i miseaungchi kamta py, teaung nai ne.

SAM 34:7

Areng ai jei kaji nai khumichi ai, mymy i kani pri amtaw thau my kry iy, ka-jeira i nai atleu bo.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

MATTHAI 1:20

Na i py mymy ly huni leu adawn nai thym khala y khen cham, Areng i kani pri i amtaw thau nai leaungrei ly amang mang y ni teng y amteng i, “Davida i kangpreang Josepha awi, nang i aju mari ai pom ai nai jei moh: mymy i deaungdi aniu nai ly Phailo Kachai i aniu hai nai teu na a.

MATTHAI 13:41

Khumi i Chapo my ly mymy i kani pri i amtaw thau naichi ai pato ai i, mymy i peang naira i dengdairei kamngo sa hai reng nairachi ai hawi, atiti hawi y sa reng nai keungchi bawibawi ai ly patheu ai i, mai pui kangveaung y aphi ai:

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

MATTHAI 2:13

Naibaly nichi vawi nai bo y khen cham, Areng i kani pri i amtaw thau nai leaungrei ly Josepha teng y amang mang y amteng i, “Angthau ly, deaungdicho hawi amhm ai py hawi ly, Aikupta pri y preang la, kang thui pi ali y ryrei ly hu y awm veangveang; Heroda ly deaungdicho ai padei ai nai hau ai bo,” napi.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 4:11

Huni bo y ly diabola ly mymy ai khai su bo. Naibaly khen cham, kani pri i amtaw thau naichi ly jeu u iy Isu ai kry u bo.

MARKA 10:17

Naibaly mymy ly tako ai nai theu nai thym khala y khumi leaungrei ly mymy mang y angpreng naimy, mymy i mo y ateh chakrym i mymy teng y, “Sara kahawi, deungtasarei hengra kanga thai ai nai mana kasa ai mo?” nanai deng.

LUKA 1:19

Naibaly kani pri i amtaw thau nai my ly pathang i mymy teng y, “Kai ly Kabriela, Tameuh i mo y angdo reng nai ne: nang hawi arum ai nai hawi, hini satang kahawi kang thui pi ai nai ang pato nai he.

LUKA 1:23

Naibaly hina nai ne, mymy i kalop sa ai nai kani chi bo nabaly mymy i yhm y vawi ali teang.

LUKA 16:22

“Naibaly hina nai awm. Cheaung nai khumi ly dei i, kani pri i amtaw thau naichi my ni ai la veng iy Abraham i paleung tleaung y tapawm hai bo. Naibaly khumi kanang py dei i up bo.

LUKA 2:13

Naibaly tlenrei khyh my kani pri i amtaw thau nai teng y ly kani pri mang i awm nai mipui neangneang awm i,

LUKA 2:9

Naibaly Areng i kani pri i amtaw thau nai leaungrei ly mychi ahawi y angdo iy, Areng i nang parai nai ly mychi ahawi y angvang, hunaibaly nichi ly khri pa-rei jei.

AMTAW 11:22

Naibaly mymychi i satang ly Jerusalem y achu nai palau takhra kamkawmchi i kano y kun iy, nichi ly Bernaba ai Antiokei avang y khrairei pato bo.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

AMTAW 12:7

Naibaly khen cham, Areng i kani pri amtaw thau nai leaungrei ly mymy i ahawi y angdo, mymy ai paeung naira y py ati mo kangvang angvang. Naibaly mymy ly Petera i pana y tabeang i, ni ai palawi iy, “Angthau kaliki jau,’ napi. Naibaly sengkry ly mymy i kiu i nai tla vui bo.

AMTAW 13:2

Naibaly Areng i kalop sa nai hawi biu hai nai thym khala y Phailo Kachai my ly, “Barnaba hawi Sawla nini ai ly kai i khai rym nai atiti sa ai nai ly kai ai khai pi u takhra,” napi.

AMTAW 16:26

naibaly tlenrei khyh my kaleih khri pa-rei theu, hunaibaly theaung lengseaung leng nai mang y ahyn bo; katheu bawibawi py am-eaung praw iy, khumi leaung leaungrei i pakheng naira ly akheaung bebe veng.

AMTAW 27:23

Ati mana nai mo nabaly vaivum kai i ahawi y Tameuh i kani pri i amtaw thau nai angdo i (kai ly mymy i ne, mymy i kalop py kasa),

AMTAW 5:19

Na i py vum y Areng i kani pri i amtaw thau nai leaungrei my theaung katheu paeaung i nichi ai theu hai iy,

ROM AVANGCHI TENG Y PAWLA I CHA PA NAI 11:14

kai i chengchi ai katakho hai pajau tanga ai nai hawi, nichi theung y phyreichi ai kapaheng pajau ai nai py kai i kry nai sai tahm kapasang nai ne.

ROM AVANGCHI TENG Y PAWLA I CHA PA NAI 13:6

Hunai deaungkho y nangchi ly akeu py pei u chy bo; huni atiti sa jojo ai nai nichi ly Tameuh i kalop sa nai keungchi ne.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

ROM AVANGCHI TENG Y PAWLA I CHA PA NAI 15:27

Ne, nichi ly paleung hawi parai naimy sa u nai bo, nichi ly hunichi ai kalai pe ai nai awm. Cheng Takhrachi ly nichi i phailo mang i atitichi ahum u makho baly, khaileaung pri mang i atitichi my nichi ai sabawm teang ai nai aeang nai ne.

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

I KORINTH 1:21

Khaileaung pri my amy i cheng naira teaung iy Tameuh ai pany y ai nai, Tameuh i cheng naira my sa; hunai deaungkho y Tameuh my ngai i ym naichi ai paheng ai nai cheng y nai leu thui naira y teaung.

II KORINTH 9:12

Hini sabawm nai sa nai sai ly khumi kachaichi i avaw naira y sabawm nai khyh ny y leang, Tameuh teng y kawn nai leu thui nai neangneangra y lem na pa-rei leaung nai ne;

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

KALATIA 3:7

Hunaibaly pany u, ym naira y awm naichi ly, hunichi kypkyp ly Abraham i chanauchi ne.

KALATIA 3:9

Hunaibaly ym naira y awm naichi ly ka-ym awm nai Abraham hawi amtheaung hai naira y ly awm teang nai ne.

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

PHILIPI 2:17

Ne, nangchi i ym naira apathyp naira y hawi atiti sa naira tleaung y ly kai ai lei vui nai awm teu iy py kakawn nai ne, nangchi bawibawi ai py kang kawn hai mang.

PHILIPI 2:25

Na i py Epaphrodita, kai i amjo amnau, kai i kalop sa ahawi nai hawi, kai hawi tavaimi lawn ahawi nai hawi, nangchi i amtaw thau nai hawi, kai atiti avaw nai khala y kai ai sabawm nai keung ai ly nangchi teng y pato ai aeang nai kapany.

II THESALONIKA 1:7

mymy ly mymy i kani pri i amtaw thau nai ham parai naichi hawi mai kangveaung theung y kani pri mang i dengdairei amteng nai khala y ly,

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

HEBRAI 10:11

Naibaly pathyp pi nai keung bawibawi ly mymy i sa avo nai kamta kani tleirei sa iy, kamngo nairachi mana khala y py tamo hai pajau y nai apathyp jojo naira talam nai angdo reng;

HEBRAI 2:3

achi ly hina tanrei paheng naira aly len parai nai ai dawndan y baly mana tleaung thai rengrang ai mo? Huni paheng nai satang ly angchei khala y Areng ai teaung nai thui veng bo i, thai nai keungchi ly achi ai ang khaw pi;

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

HEBRAI 6:12

hunaibaly nangchi ly atho si y naimy ym naira hawi kham pajau naira deaungkho y leu adeu nairachi amtym chum naichi i amtiu nai keung lawn ai.

HEBRAI 6:17

Hunaibaly Tameuh my leu adeu nai amtym naichi teng y ly mymy i sa tau nai pipi palai lawh thai y nai sai patei ai ngai nai, vaineng abeu kheng bo.

HEBRAI 8:6

Vai naini mymy ly sa nai sai hawi keh nai nga bo; ati mana nai mo nabaly mymy ly leu adeu naira hawi keh naichi salo y sa nai leu maikawm hawi ra hawi ra nai i savai aleaung bo.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

I PETERA 1:4

mawn thai y nai yhmtheaung kamtym, anyng akau y nai, rawm thai y nai kani pri mang y nangchi i vui khai pi nai py nga ai nai achi ai ang tapen hai bi bo;

I PETERA 3:7

Nangchi juvochi awi, hunai kamta teang neampachy ly laawm kawi rai y nai deaungkho y hawi, pahen nai heng naira nga ahawi nai keung ne nai deaungkho y py, nangni i chiu sa ai naira y paka y ai nai, tahm khai nai tarawi y hawihai palai dawn naimy ajuchi teng y awm u.

JUDA 1:14

Naibaly Adam i dengdairei kangthau saryhrei nai Enoka ly hunichi teng y py leu thui yb i, “Khen cham, khumi bawibawichi ai tara chih ai nai hawi,

AMTENG HAI NAI 5:6

Naibaly areng atehra hawi heng nai amjy palyhreichi i sala y hawi, miteaung kehchi i sala y py taki saryhrei hawi mei saryhrei awm nai Beram Cho tleh nai kamta angdo nai kaniu:hunichi ly Tameuh i Phailo saryhrei khaileaung pri verei y pato naichi ne.