HAKAI 2:7 - Khumi Common Language Bible

⁷ Khumi cheng cheaungkhangchi ai taphra pawn ai. Huni khumichi i muku tangka, yhmtheaungchi ai, hini meingtym y khumichi ai syn hai ai. Achura yhm py muku tangka, yhmtheaungchi hawi kawi naimy awm ai, nanai ati cheaungkhang sa thai nai Areng my leu pei bo.

HAKAI 2:7 ပူးပေါင်းရင်းမြစ်များ

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

1 ARENG KEH 8:10

Achura Yhm theung i dengdairei pathyp pi nai keungchi theu u nai khala, Achura Yhm ai ly vaimy tamai khiu bo.

1 ARENG KEH 8:11

Huna nai Achura Yhm ly Areng i nang parai naimy kawi nanai deaungkho y, pathyp pi nai keungchi ly mychi i kalop sa ai nai Achura Yhm theung y kun ali teang thai y bo.

SAM 80:1

Israela chengchi i beram typ nai keung awi, kaichi i hnei takeng nai tangai pi kyh ba. Beram kanghuchi ai pahawi nai keung awi, kaichi i hnei takeng nai tangai pi kyh ba. Kheruben salo y awn nai keung awi,

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

ISAIA 2:19

Khaileaung amchyh hai ai nai, mymy jeu nai khala y khumichi ly Areng i kado theu nai, mymy i sa thai naira hawi nang parai naira i nai law tleaungra nga ai nai lengseaung tapiuchi ra y py, khaileaung angawm tai i py aheu u ai.

ISAIA 60:4

Nang i tengpang y ati mana awm mo, nanai khen cham; Nang i khumichi ly mychi i pri y vawi teang ai nai akachu u bo! Nang i chapochi ly kamlo i nai ang jeu u ai. Nang i chaniuchi ai tapawm naimy ang jeu u ai.

ISAIA 60:7

Kedar pri hawi Nebaioth pri i beram ngiereichi ai kapathypra tawnbawichi lawm ai nai nang teng y ang syn pi iy, Areng my kawn ai nai, maicham salo y apathyp u ai. Areng ly mymy i Achura yhm y mani hawi py atawm y pa-rei, phum-ang nang parai hai ai.

Ezekiela 21:27

Kai ly Jerusalem mary phra seaungkhrang hai ai, phra seaungkhrang hai ai. Phra seaungkhrang hai ai. Na i py huni mary ai peang nai yhmkeung tym y nai ryrei ly huni mary ai palum teang ai ny y; huni khumi teng y kaimy au ai.

Ezekiela 31:16

Huni saitleang keung ai kaimy tavau pri y ang vum hai nai khala, huna nai aheng nai katyn molam y, khumi cheng cheaungkhangchi ly kaso theu u ai. Huna nai khala khaileaung anui y tym nai Eden akho i dengkeaung keung ngiereichi hawi Lebanon mawi i tui bym pa-rei nga nai, hawi keh nai dengkeaung keungchi ly khri pa-rei paleung amo theu u ai.

Ezekiela 38:19

Kai i kado theu nai mai kangveaung saho y huni kani y ly Israela pri y khri pa-rei kalei theu ai, nanai kaimy leu pei bo.

Ezekiela 44:4

Naibaly huni khumi ly kai ai tosyh mang i katheu pa-kho tako prei iy Achura yhm mo y hawi i, kai khen nai khala, Areng i Achura yhm ly mymy i nang parai nai kangvang kawi nai kaniu; kai ly khaileaung y ambeu vui na bo.

HAKAI 1:8

Vaimy mawichi mang y chei u iy, dengkeaungchi lo u ly Achura yhm so u teang. Hunaibaly kai ly kawn ai; cheang baly avo nai kamta kai ai chiu u pajau ai.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

LUKA 19:47

Naibaly mymy ly kani tleirei achura yhm kalen pui y patiu reng. Naibaly pathyp pi nai keung kalenchi hawi, Reita patiu nai keungchi hawi, khumi mipuichi theung i miteaung kehchi ly mymy ai tama hai ai nai sai hau u.

LUKA 2:27

Naibaly Phailo i pany hai nai deaungkho y achura yhm kalen pui y kun i, deauungdicho Isu ai ly amhm ampo my Reita i leu kamta sa pi ai nai jeu hai khala y,

LUKA 2:46

Naibaly hina nai ne, kani thomrei khala ly sarachi theung y ateh nai, mychi i leu tangai iy atiti deng nai achura yhm kalen pui y niu hawi.

LUKA 20:1

Naibaly kanirei nai ly hina nai ne, mymy ly achura yhm kalen pui y khumichi ai patiu nai hawi, Satang Kahawi thui pi nai khala y pathyp pi nai keung kalenchi hawi Reita patiu nai keungchi ly miteaung kehchi hawi mymy teng y tym miu; naibaly nichi ly mymy teng y,

LUKA 21:38

Naibaly mymy i leu tangai ai nai khumi bawibawichi ly khawn angthodyh y achura yhm kalen pui y ni teng y chei reng.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

KOLOSA 2:9

Mymy y ly Tameuh i angym naira cheaungkhang ly tlang nga nai awm veng.