HAKAI 2:5 - Khumi Common Language Bible

⁵ Aikupta pri i dengdairei nangchi vawi u nai khala y, kai ly nangchi hawi vanrei awm jo ai, nanai adeu nai kamta, vai khrairei nangchi hawi vanrei kai awm; hunai deaungkho y jei u moh.

HAKAI 2:5 ပူးပေါင်းရင်းမြစ်များ

2 NENG SATANG 20:17

Nangchi ly hini tavai atiu u ai ny y; meingtym naini la iy ajeng u. Areng my nangchi ai eaung naira pei nai niu u ai. Juda khumichi hawi Jerusalem mary i khumichi awi, paleung adi adiu nai awm u moh. Jei y naimy atiu u. Areng ly nangchi hawi vanrei awm ai!,” nanai leu pei nai thui pi bo.

NEHEMIA 9:20

Nang ly neaung hawi nai deaungkho y nichi i sa ai avo naichi lam patei pi; nichi ai Manna tako hawi pacho iy nei ai nai tui py pei.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

THEU NAI 19:4

“Kai ly Aikupta chengchi ai ati mana pajeng mo, nanai py, ahmtlau my chochi ai pakhi hawi akheang hai nai kamta, kaimy nangchi chymme naimy kang pahawi nai sai py nangchi niu bo.

THEU NAI 19:6

Nangchi ly kai i vui khai takhra nai khumi cheng, kai i kalop sa pi ai nai pathyp pi nai keungchi lawm u ai, nanai Israela chengchi teng y thui pi,” napi.

THEU NAI 24:3

Mosi ly Israela chengchi teng y vawi teang iy Areng i leu pei nai ngierei hawi, reita bawibawichi amti pi. Khumi bawibawichi my, “Kaichi ly Areng i leu pei nai ngirei tangai mang,” nanai vanrei pathang u krup bo.

THEU NAI 24:8

Naibaly Mosi my thi kadeng nai rahumchi la i ni my, “Hini thi ly Areng my leu pei nai nangchi hawi Leu Maikawm khaw hai typ nai ne,” napi nai thui nai tarawi y mipuichi i tlang tleaung y katheng bo.

THEU NAI 34:10

Areng my Mosi teng y, “Kai ly vai, Israela chengchi hawi Leu Maikawm asa ai. Khaileaung pri cheng takhrachi theung y py so vai y nai, nichi i mei ka-niu y atiti len parai tlai naichi sa pi ai. Kai, Areng leaungrei naini sa thai naira len parai naichi sa pajau khyh, nanai khumi bawibawichi my niu u ai; ati mana nai mo na baly nangchi i vui Kai, Areng my ka-jei hawi parai nai rengrang tlai naichi kang sa pi ai nai ne.

THEU NAI 34:8

Mosi ly tlenrei khyhmy khaileaung y ambeu i chiu iy,

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:13

Kai ly nangchi i Areng Tameuh ne iy, nangchi ai atho awm hai bo. ‘Jei u moh, kaimy sabawm ai,’ nanai nangchi ai kang thui pi bo,” napi.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

ZEKHARIAH 8:15

Na i py vai, kai ly Jerusalem mary i khumichi hawi, Juda khumichi ai amtheaung naira pei ai nai dawn bo. Hunai deaungkho y jei u moh.

MATTHAI 28:5

Naibaly kani pri i amtaw thau nai my ly neampachy nini teng y, “Jei hawi moh; nangni ly kraws tleaung y tahen nai Isu ai hau hawi nai ne, nanai kai pany.

AMTAW 27:24

‘Pawla, jei moh, nang ly kaisara i mo y angdo ai nai tla; naibaly khen cham, paleaung mang nang hawi chei ahawi nai bawibawichi py Tameuh my nang ai ang pei nai mang,’ ang napi.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

JOSUA 8:1

Areng my Josua teng y, “Nang ly tavaimi risachi hawi vanrei, A-i mary mang y tavai thau ba. Jei moh, paleung phra moh. Kai ly nang i kiu y A-i samrang hawi vanrei, mipuichi, ni i mary, ni i khu ka-peang kang pei ai.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,

1 SAMUELA 12:20

Samuela my, “Nangchi ly hina nai hawi y nai kalop sa lawh teu i py, Areng ai khai u su moh; mymy aipaleung hawi verei chiu u.