HAKAI 2:4 - Khumi Common Language Bible

⁴ Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

HAKAI 2:4 ပူးပေါင်းရင်းမြစ်များ

2 SAMUELA 5:10

Ati cheaungkhang sa thai nai deungtasa Areng Tameuh ly Davida hawi vanrei awm hai nai deaungkho y, sa thai naira awmra awmra nai ne.

1 NENG SATANG 22:13

Nang ly Israela chengchi i vui Mosi teng y Areng my pei nai reitachi ai kry baly, nang i dawn nai kamta eaung ai. Atho so ly ka-ym awm ba. Ati sai py jei moh.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

EZARA 10:18

Hini ly cheng takhra neampachychi hawi yhmtheaung sa nai khumichi i vuikanai ne. Nupai ka-thui pathyp pi nai keungchi Josua nupai hawi ni i amnauchi, Jehozada i chapochi napi nai Maaseiah, Elieza, Jarib hawi Kedalia.

EZARA 5:2

Sheltiel i chapo Zerubabela hawi Jehozada i chapo Josua nini ly hini amteng hai nai leuchi thai nai khala y, Jerusalem mary Achura yhm ai sa u amteaung teang bo. Amo leaung nyhrei ly nichi ai sabawm nai ne.

THEU NAI 3:12

Tameuh my, “Kai ly nang hawi vanrei awm ai; kaimy nang ai kang pato nai ka-ma-ra ly nangmy huni khumichi ai Aikupta pri i dengdairei pahawi nai khala, nangchi bawibawi ly hini mawi y kai, Tameuh ai chiu u ai,” napi.

HAKAI 1:13

Naibaly Areng i leu pei nai thui pi nai keung Hakai ly “Areng my, kai ly nangchi hawi vanrei awm ai,” nanai leu pei nai ly khumichi teng y thui pi.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

ZEKHARIAH 8:9

“Sorai paleung awm u! Nangchi thai u nai leuchi ly kai i Achura yhm sa palum teang ai nai langdeng pala nai neng khala y, amochi thui nai leuchi ne.

MARKA 16:20

Hunaibaly nichi ly theu u iy, meingtym tleirei y leu thui; Areng my ly nichi ai sa hai iy, ka-ma-rachi tym hai nai deaungkho y leu ai ly khaw hai jojo. Amen.

AMTAW 7:9

“Naibaly cheng holai nyhreichi i amsi sangumchi my Josepha ai ly keng i, Aikupta pri y jo vui; na i py Tameuh my mymy teng y awm hai i,

I KORINTH 16:13

Atyp u ly, ym naira y ly khaw pa-rei angdo u, vam u ly., ham parai naimy awm u.

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

Leu Thui Nai 31:23

Naibaly Areng my Nun i chapo Josua teng y, “Atho alo ly sorai paleung thau. Nang ly Israela chengchi ai lu sa iy kaimy adeu nai pri y kun ai nai nga ai, kai ly nang hawi vanrei awm hai ai,” nanai thui pi.

II TIMOTHEI 2:1

Hunaibaly kai i chanau awi, nang ly Krista Isu y awm nai pahenra deaungkho y ham naira nga ryh nga ryh nai awm ba.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

JOSUA 1:6

Nang ly atho sa iy vam parai naimy awm ba. Nang ly hini khumichi ai lu sa iy, nichi i amsi pajochi teng y kaimy pei ai adeu nai pri y kun iy tiu vui ai nai tla.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.

1 SAMUELA 16:18

My teng y awm nai miseaung leaungrei my, “Bethlehem mary y awm nai Jesai teng y, taro beu kawp nai chapo leaungrei awm; ni ly sorai paleung awm nai, mo-cha hawi nai, tavai atiu kawp nai, leu haidau awm nai khumi ne. Areng ly ni hawi vanrei awm,” napi.