HAKAI 2:17 - Khumi Common Language Bible

¹⁷ Kai ly nangchi atho sa iy pati nai amti amjang ngiereichi ai ali kabi hawi py, kaleung my cha iy jeirawm hai nai py, ji amai hawi py taphra bo. Na i py nangchi uikheih u y.

HAKAI 2:17 ပူးပေါင်းရင်းမြစ်များ

ATITI AWM ANGCHEI NAI 42:23

Josepha ly nichi ati thui u nai mo, nanai pany pi se; na i py nichi ly pany u y, ati mana nai mo nabaly nichi ly leu tapeang pi nai keung teaung iy, Josepha hawi arum u nai deaungkho y ne.

ATITI AWM ANGCHEI NAI 42:27

Nichi ly lam y i ai nai khala y, nichi theung i leaungrei ly mymy i keaungngo kano kasau ai teicha pei ai nai, my i paiso pui su baly theung y, my i tangka ai niu lawh.

ATITI AWM ANGCHEI NAI 42:6

Aikupta pri samrang i bangtang kalen Josepha ly pri tleirei i choh van ai nai tym nai khumichi teng y choh jo pi nai ne. Naibaly Josepha i amjochi py tym teang i mymy i mo y ambeu naimy chiu u bo.

1 ARENG KEH 8:37

“Hini pri y takang theu i py, chym thai nai no michi tym i py, amti amjangchi ly ali kabi avum nai, mipo avum nai, ti y baly akhutama kanghuchi tym miu nai molam y phra i py, nichi teng y patang naira hawi no mi ha harei tym i py,

2 NENG SATANG 28:22

Ahazi ly hina nai rai naira khri pa-rei avum nai neng khala py, Areng i tlang tleaung y vaichi khala i tleaung y kamngo sa tleaung sa ra bo.

2 NENG SATANG 6:28

“Hini pri y takang theu nai khala py, chym thai nai no michi tym nai khala py, amti amjangchi ali kabi avum nai, mipo avum nai, ti y baly akhutama kanghuchi tym miu nai molam y phra nai khala py, nang i khumichi ai paleung ka-echi my tiu nai khala py, nichi teng y ka-jeira, no mi ha harei tym nai khala py,

JOBA 36:13

Tameuh by y nai khumichi ly kado theu kari theu u jo nai ne; kamngo pajeng naira avum nai khala malawn py, mymy teng y kasabawmra hnei u y.

SAM 128:2

Nang ly nangmy i kiu hawi kalop sa naimy kajeu kawi ai; nang ly amo theu iy nang chawn ai.

SAM 78:46

Nichi i amti amjangchi cha pi pawn ai nai hawi li hlauchi taphra pi pawn ai nai akhutamachi pato nai ne.

ISAIA 28:2

Areng ly nichi ai tiu ai nai atho haiho len nai khumi leaungrei khai pi yb bo. Huni khumi ly ji akawi tla hai nai kamta py, kani satleu hai nai kamta py, paka pajau y nai tavo tui lemheu nai kamta py, jeu iy pri verei y khiu ai.

ISAIA 37:27

Huni marychira y awm nai khumichi ly atho by y; kaso theu naimy mynkym u na bo. Nichi ly nisi ali kabi aho nai khala y ngam ajawi nai lam teng i achachi, ti y baly yhm amphura y prau nai acha keungchi kamta atawm.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

ISAIA 9:13

Israela chengchi ly uikheih u y. Ati cheaungkhang sa thai nai Areng ly mymychi ai pajeng teu i py nichi ly mymy teang y ali u teang y.

JEREMIA 3:24

Na i py kaichi ly deaungdichy khala i ka-so, kangji hawi nai tameuhchi ai kachiu u nai deaungkho y, jangni khala i dengdairei amsi pajochi my lop-panra i beram kanghuchi, si kanghuchi, cho chanau hawi awm nai bawibawichi chau pawn nai ne.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

AMOS 4:6

“Kai ly nangchi i mary tleirei y takang theu hai i py, nangchi ly kai teng y jeu u teang y.

HAKAI 1:11

Kai ly hini pri y jengrawm hai bo. Hini pri i mawi aheungchi, li hlauchi, kreip akhochi hawi olive akhochira y py, khaileaung i theu nai amti amjang ngiereichira y py, khumi hawi tawnbawichi ai py, nangchi i atho sa naimy pati nai amti amjangchira y py, kani khang hai bo,” napi.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.

HAKAI 1:9

“Nangchi ly amti amjang neangneang pakym achu ai nai nga u ai, nanai athang khai i py, maidenreichy naini nga u khyh nai ne. Yhm y syn u nai khala py, kai ly hunichi ai kang hm pi pan vui bo. Ati mana nai y kai ly hina nai sa mo na baly, nangchi bawibawi ly nangmychi i yhmchi sa nai hawimy, kalop nawi ala iy, kai i Achura yhm ai ly phra seaungkhrang naimy awm hai jo nai deaungkho y ne.

HAKAI 2:16

nangchi ly chohpui chomaw teaung chungvai nyhrei awm ai nai athang khai nai ly teaung chungvairei naini awm khyh na a. Kreip hang palang chungvai atlo apom phai pangrei nga ai nanai thui u iy, kreip hang khai nai chy-y pui y khen nai khala, palang vuipangrei niu khyh na a.

MALAKHI 3:11

Kai ly mipochi ai nangchi i amti amjangchi taphra ai nai pei ai ny y; nangchi i kreip keungchi py athaichi pasu hai ai.

Leu Thui Nai 28:22

Areng ly nangchi teng y bau iy keaungno nai chym thai nai no-nachi tym hai ai. Kani khang nai, ali kabi aho nai pajengrachi deaungkho y, nangchi i amti amjangchi py phra ai. Nangchi myh kang ai nai pa-rei hini kamtangchi avum hai ai.

AMTENG HAI NAI 2:21

Kai ly uikhei ai nai neng pei i py ni ly angai nairachi uikhei ai nai ngai y.