HAKAI 2:11 - Khumi Common Language Bible

^11-12 Mymy ly “Khumi leaungrei ly Tameuh teng y talam chum nai mawi ai, my i ateaung hawi tapau iy, kreip hang, olive asitui, ti y baly mani mo teicha teinei py ne sy, ateaung hawi abi lawh baly, huni teicha teinei ly katalamra teicha teinei lawm vui ai mo, lawm vui y mo, nanai reita leu pei nai kamta, leu pacheang pi ai nai pathyp pi nai keungchi teng y deng,” napi. Huni molam deng nai khala, pathyp pi nai keungchi my, “Huni teicha teineichi ly katalamra teicha teinei lawn y leang,” nanai pathang u bo.

HAKAI 2:11 ပူးပေါင်းရင်းမြစ်များ

Ezekiela 22:26

Pathyp pi nai keungchi py kai i reita taphra iy, kachai sa nai ai py tahm khai u y bo. Nichi ly chai parai naira hawi chai y naira ai py khai takhra nai by y. Nichi ly chai nai hawi chai y nai takhra nai sai py patiu pi y. Anawn kani ai py dawndan u y. Hunai deaungkho y Israela chengchi ly kai ai tahm khai u y nai ne.

MALAKHI 2:7

Tameuh i satang hawihai palai pany pajau ai nai leu patiu nai ly pathyp pi nai keungchi i kalop ne. Nichi ly ati cheaungkhang sa thai nai Areng i savaichi ne nai deaungkho y, khumichi ly kai i kangai pany pajau ai nai, nichi teng y chei u nai ne.

Leu Thui Nai 33:10

Nichi ly nang i khumichi ai nang i reita patawm ai nai patiu pi ai; Nichi ly nang i maicham tleaung y apathyp u ai.

TITA 1:9

ni ly patiu naira lam kateng y pachei thai ai nai hawi, aei nai keungchi ai sum naira nga hai thai ai nai py, reita kamta patiu nai leu ka-ym awm nai patawm thleng nai khumi ne teang ai nai tla.