HAKAI 1:4 - Khumi Common Language Bible

⁴ “Kai i khumichi awi, nangchi ly yhm hlau kahawichira y awm u teu i py, kai i Achura yhm ly phra seaungkhrang lawh ly!

HAKAI 1:4 ပူးပေါင်းရင်းမြစ်များ

2 SAMUELA 7:2

Amo Nathan teng y,” “Khen cham, kai ly Seda keung hawi sa nai samrang yhm y awm ai nai nga teu i py, Tameuh i Leu Maikawm Pawm ly kanih yhm theung y awm jo lawh ly!” napi.

2 ARENG KEH 5:26

Na i py Elisa my, “Huni khumi ly nang hawi avum ai nai ka-ri salo mang satla nai meingtym y, kai i phailo ly tym nai ny y a? Huni neng ly tangka, ateaungchi, olive akhochi, kreip akhochi, beram hawi sichi, miseaungchi talam ai nai neng ny y!

SAM 102:14

Nang i miseaungchi ly Zion mary phra veng teu i py, huni mary ai khrei nai awm u asai rai; Zion mary phra seaungkhrang veng teu i py, huni mary ai pahen u asai nai ne.

SAM 74:7

Nichi ly nang i Achura yhm ai mai leng u bo; nang ai chiu naira meingtym ai taphra iy, chai hai y bo.

Parip nai leu 3:3

padei ai nai neng hawi no hawi sa ai nai neng py, taphra ai nai neng hawi sa palum ai nai neng py awm.

JEREMIA 22:14

Salo sambeura y takun puichi hawi kai ly kaimy awm ai nai yhm pui harei kasa ai, nanai thui nai khumi ly taham si. Ni ly huna nai thui chum baly my i yhm y thaibeng pa-khochi tleh bo. Saitleang keung hawi khangpuichi dang naira sa iy, an kamsen pathym nai ne.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 33:10

Areng my, “Hini meingtym ly khutaha daichi ka-vym kamta khumi angso, tawnbawichi by y naira ne, nanai khumichi thui u lengleang nai ne. Juda marychi hawi Jerusalem mary lamchira y khumi angso, tawnbawichi savai tlang veng bo, nanai ly teng khyp nai ne. Na i py huni meingtymchira y,

JEREMIA 33:12

Ati cheaungkhang sa thai nai keung Areng my, “Khumichi hawi tawnbawichi by y iy khutaha daichi ka-vym hawi atawm nai hini pri y, beram typ nai keungchi my beramchi ai sui patlai nai meingtymchi awm teang ai.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

TANGAM NAI LEU 2:7

Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

Levi 19:25

Na i py pa-ngo saneng tym baly nangchi ly thengthaichi cha pajau bo. Nangchi ly huna nai kamta leu tangai u baly nangchi i thengthai keungchi ly athai pasu ai. Kai ly nangchi i Areng Tameuh ne.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

HAKAI 1:3

nanai leu pei chum baly amo Hakai dengdairei, Areng i leu ly mipuichi teng y,

HAKAI 1:5

Ati mana mo, nanai nangchi niu y nai sai a?

HAKAI 1:9

“Nangchi ly amti amjang neangneang pakym achu ai nai nga u ai, nanai athang khai i py, maidenreichy naini nga u khyh nai ne. Yhm y syn u nai khala py, kai ly hunichi ai kang hm pi pan vui bo. Ati mana nai y kai ly hina nai sa mo na baly, nangchi bawibawi ly nangmychi i yhmchi sa nai hawimy, kalop nawi ala iy, kai i Achura yhm ai ly phra seaungkhrang naimy awm hai jo nai deaungkho y ne.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

PHILIPI 2:21

Nichi bawibawi ly Isu Krista i vui hau y naimy amy i vui hau u lawh veng.