HAKAI 1:11 - Khumi Common Language Bible

¹¹ Kai ly hini pri y jengrawm hai bo. Hini pri i mawi aheungchi, li hlauchi, kreip akhochi hawi olive akhochira y py, khaileaung i theu nai amti amjang ngiereichira y py, khumi hawi tawnbawichi ai py, nangchi i atho sa naimy pati nai amti amjangchira y py, kani khang hai bo,” napi.

HAKAI 1:11 ပူးပေါင်းရင်းမြစ်များ

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

2 ARENG KEH 8:1

Elisa ly mymy paheng pi teang nai deaungdi i amhm, Shunem mary i neampachy teng y, “Areng my pri verei y saneng saryhrei takang theu hai ai; hunai deaungkho y nang ly nangmy i yhm dengtheungchi hawi vanrei, meingtym takhra mang y ang pyn vui ba,” napi.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

JEREMIA 14:2

“Juda pri ly vo tangam naimy awm; Juda marychi ly paha naimy awm bo. Huni mary i khumichi ly paleung mawn nai deaungkho y, khaileaung y jawn u na bo. Jerusalem mary ly aeu iy kasabawmra hnei u bo.

TANGAM NAI LEU 1:21

“Kai i tangam nai raawichi tangai pi ba. Kai ai awmnem naira pei pajau nai khumi leaungrei py by y. Nang ly kai ai khri pa-rei ka-jeira avum hai nai deaungkho y, paleung ka-echi amo theu u nai ne. Nangmy i leu adeu nai neng kani tym hai kyh ba. Paleung ka-echi i tlang tleaung y kai kamta, patang naira avum hai kyh ba.”

AMOS 5:8

Areng ly ka-si taukichi ai sa. Mymy ly ka-si niprawn hawi eupui eulo ka-jeaung ka-si ai py sa nai ne. Mymy ly kaveng ai kangvang lawm hai iy, kanithun ai py vum lawm hai bo. Mymy ly pangli tui bawibawichi ai palau iy, khaileaung salo y leih nai ne. Mymy i amyn ly Areng ne.

AMOS 7:4

Kai ly sa thai naira angym nai Areng teng i paleung mei hawi kaniu bi bo. Huni paleung mei niu naira y mymy ly mymy i khumichi ai mai hawi pajeng ai nai angveirym nai kaniu. Huni mai ly khaileaung anui suida pangli verei mai kang chum baly, khaileaung salo y py mai kang amteaung bo.

AMOS 9:6

Areng ly kani mang y mymy i yhm sa nai ne. Khaileaung salo y alumkum nai kani khusang ai khai bo. Pangli tuichi ai palau iy khaileaung salo y leih bo. Mymy i amyn ly Areng ne!

HAKAI 2:17

Kai ly nangchi atho sa iy pati nai amti amjang ngiereichi ai ali kabi hawi py, kaleung my cha iy jeirawm hai nai py, ji amai hawi py taphra bo. Na i py nangchi uikheih u y.

HAKAI 2:19

Nangchi teng y chohpui chomaw by y bo i, kreip keungchi, thaidu keungchi hawi olive keungchi py athai y leang rai. Na i py kai ly vai i dengdairei, nangchi ai amtheaung naira pei ai,” napi.

MALAKHI 3:11

Kai ly mipochi ai nangchi i amti amjangchi taphra ai nai pei ai ny y; nangchi i kreip keungchi py athaichi pasu hai ai.

MALAKHI 3:9

Pri vereichi malawn py kai ai li-tapawp u nai deaungkho y, nangchi bawibawi ly vaineng lawi u bo.

Leu Thui Nai 28:22

Areng ly nangchi teng y bau iy keaungno nai chym thai nai no-nachi tym hai ai. Kani khang nai, ali kabi aho nai pajengrachi deaungkho y, nangchi i amti amjangchi py phra ai. Nangchi myh kang ai nai pa-rei hini kamtangchi avum hai ai.