HABAKKUK 3:8 - Khumi Common Language Bible

⁸ Aw Areng, nang kado theu ai nai kachyh nai ly tavochi, micheaungchi my a? Nang ai khri pa-rei kado theu hai nai ly pangli my a? Nang ly tamaichi theung y atang bo; nang i khumichi teng y eaung naira tym hai nai khala, ali kani hawi tamai ly nang i tavai keaungngo ka-ri ne.

HABAKKUK 3:8 ပူးပေါင်းရင်းမြစ်များ

SAM 104:3

kani khusangra i tui salo y nangmy i yhm sa. Nang ly tamaichi ai nangmy i ka-ri kamta, ali ai nangmy i pakhichi palawn iy atang bo.

SAM 114:3

Pangli kamsen ly niu i, angpreng veng bo; Jordan tavo ly leaung y naimy anawn veng bo.

SAM 114:5

Pangli awi, nang ly ati mana nai y preng vui mo? Jordan tavo awi, nang ly ati mana nai y, leaung y naimy anawn vui mo?

SAM 18:10

Mymy ly kheruben tleaung y atang naimy, ali kamrawi y satla kathiu bo.

SAM 45:4

Ka-ym awm nai hawi adyh adawi naira my peang ai nai molam, sa thai naira haiho hawi vanrei atiu iy, eaung naira ngo ba! Samrang nang ly nangmy i haiho hawimy, eaung pawi puichi avum ai.

SAM 68:17

Areng ly atho awm parai nai tavai ka-ri sang neangneangchi hawi, Sinai mawi i nai chai parai nai meingtymra y ang jeu bo.

SAM 68:4

Tameuh ai khulym thui pi u; mymy i amyn y palo nai khulym thui u; tamai tleaung y atangnai keung i vui lam so pi u; mymy i amyn ly Areng ne; mymy i mo y amo theu u.

SAM 77:16

Aw Tameuh, tuichi ly nang ai niu nai khala jei u bo; pangli thiu parai nairachi py jei hyn u nai ne.

THEU NAI 14:16

Nang ly cheaungvawi syn iy, pangli salo y pheu; Tui ly akhawi thla iy teng teng mang y akalym pawn ai i, Israela chengchi ly pangli paichi khaileaung kaphui mang tako ai nai nga u ai.

THEU NAI 7:19

Naibaly Areng my Mosi teng y, “Nang ly Aikupta pri y awm nai tavo katheang kalen, tuikan hawi ang-chi salo y cheaungvawi hawi lilei sy; hunaibaly pri verei i tui ly thi lawn be iy dengkeaung tui kadengra hawi lengseaung laawmchira i tui bawibawichi py thi lawm vui ai,’ nanai thui pi,” napi.

THEU NAI 7:20

Naibaly Mosi nini Aron ly Areng my leu pei nai kamta sa hawi nai ne. Aron ly samrang hawi bangtangchi i mo y cheaungvawi syn naimy tavo tui y pakhau i, tavo tui ly thi lawm be bo.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

NAHUM 1:4

Mymy ly pangli ai leu pei nai khala y, pangli tui ly kang vui na! Mymy ly tavochi ai py tui kang hai vui bo. Basan mawi ly jeirawm iy Karamela mawi ly a-au jawn bo. Lebanon mawi i kaseaung pauchi py rawm veng bo.

HABAKKUK 3:15

Nang ly nangmy i keaungngochi hawi, pangli y chiu nai khala, tuichi ly phawn theu na bo.

MARKA 4:39

Naibaly mymy ly anglaw i ali ai jo iy, ang teng y py, “Anawn ly, awm pypy jau,” napi. Naibaly ali ly aham i rym chauchau bo.

AMTENG HAI NAI 16:12

Hunaibaly tariu i nai ly mymy i khau i nai Euphratis jangpang y leu bo; hunaibaly nisi mang i dengdairei jeu nai samrangchi i vui y lam sa rym ai nai huni i tui ly kang veng bo.

AMTENG HAI NAI 19:11

Naibaly kani am-eaung iy khen cham, keaungngo kangleung hawi, huni tleaung y atang nai Ka-ym hawi Kateng nanai keung ai ly kaniu ; ni ly teng parai naimy tara chih iy atiu lawh.

AMTENG HAI NAI 19:14

Naibaly kani pri i atiu ai nai kamkawmchi ly kanih mai ka-syn kangleung hawi amchai nai akhiu naimy keaungngo kangleungchi tleaung y atang nai ni teng y abang u bo.

AMTENG HAI NAI 6:2

Naibaly kai ly khen i, khen cham keaungngo kangleung harei awm i, huni tleaung y atang nai keung ly thai syn bo; naibaly areng lukhym mymy teng y pei bo; mymy ly pajau nai thym khala y pajau ra ai nai theu bo.