HABAKKUK 3:4 - Khumi Common Language Bible

⁴ Mymy ly kanito kangvang kamta sangso angvang teaung naimy ang jeu bo. Sa thai naira awm nai kiuban i nai kangvang sangso theu nai ne.

HABAKKUK 3:4 ပူးပေါင်းရင်းမြစ်များ

NEHEMIA 9:12

Nang ly nangmy i khumichi ai kanithun y tamai hawi lam patei iy, vum y ly nichi i lam y maiteaung hawi angvang hai.

JOBA 26:14

Na i py hini leaungsaichi ly Tameuh i sa thai naira i, maidenreichy teu rai. Huni sa thai naira i satang ly khumichi i leu kamsyh y katheu nai ryrei khyh nai ne. Tameuh ly sa thai naira awm tatang, nanai ami pany khyp pajau ai mo?

SAM 104:2

Nang ly nangmy ai kangvang hawi khiu bo; nang ly kani khusang ai kanih tangbeung kamta kadai iy,

SAM 18:12

Mymy i mo y kani amai hawi mai kadeuchi ly amlosadi dengdairei theu i, panum biu nai khupanymchi ai ta-i vui iy tla bo.

THEU NAI 13:21

Nichi ai pahawi nai thym y, Areng my kani thun y ly tamai angjawi hawi nichi i mo y lam patei i, vum y ly maiteaung kangvang hawi mo mang y to pi bo. Huna nai kamta vum kani thun nichi ly khuleaung chei thai nai ne.

THEU NAI 14:20

Aikupta tavaimichi hawi Israela tavaimichi sala y awm pi khyp nai ne. Tamai angjawi ly Aikupta chengchi mang y veng hai cheng iy, Israela chengchi mang y angvang hai phang bo. Hunai deaungkho y nichi ly mang mang akai thai y nai ne.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

Ezekiela 1:27

Huni mo-cha awm nai i akeng leng mang ly mai kangveaung theung i kheupaja kamta sadi na; akeng i dengdai kheu kadeaung tym pa-rei, ni i anui mang ly mai kangvang hawimy tlang verei ang teaung na bo.

Ezekiela 43:2

hu y ly Israela chengchi i Tameuh i kangvang nang parai nai ly nisi mang dengdairei theu nai kaniu. Tameuh i raawi ly pangli tui kamsau katyn hawi atawm. Khaileaung pri py mymy i nang parai nai hawimy angvang na bo.

MATTHAI 17:2

naibaly nichi i mo y mymy i meimai awm nai sai ly takhra bo; my i meimai ly kanito kamta angvang iy, mymy i ateaung ly kangvang kamta kaleung bo.

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.