HABAKKUK 3:3 - Khumi Common Language Bible

³ Tameuh ly Edom pri mang dengdairei ang jeu ali teang ai; Chai parai nai Tameuh ly Paran mawi aheung mang dengdairei ang jeu ai. Mymy i phum-ang ly kani khusang y khiu na bo. Khaileaung py mymy ai palo nai raawi hawi kawi na bo.

HABAKKUK 3:3 ပူးပေါင်းရင်းမြစ်များ

ATITI AWM ANGCHEI NAI 21:21

Amhm my Aikupta neampachy leaungrei hawi apom hai bo.

1 ARENG KEH 11:18

Nichi ly Midian pri i nai theu iy Paran mary y tym u nai khala, hu i khumi phyreichi ly nichi mang y amkawm u. Naibaly nichi ly Aikupta pri mang y chei u i, Aikupta samrang teng y tym u nai khala, samrang ly Hadad ai khaileaung meingtym, yhm hawi teicha teineichi pei pi bo.

SAM 113:4

Areng ly khumi cheng cheaungkhangchi ai peang nai ne; mymy i nang parai nai phum-ang ly kani khusang salo y angvang bo.

SAM 148:13

Hunichi ly Areng i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

SAM 3:2

Nichi my thui nai ly “Tameuh ly kaichi ai sabawm ai ny y leang,” nanai thui u.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 4:4

Nangchi ly jei hyn naimy kamngo so y ai nai amkyn u; nangchi ly ira salo y nangmychi tlairei dawn amcheng iy, hini ai ka-dawn thiu parai naimy dawn patyp u.

SAM 48:10

Meingtym tleirei y khumi bawibawichi ly nang ai palo u; nang i satang ly khaileaung pri verei y amthang nai ne. Nang ly leu meitang naimy peang bo.

SAM 68:17

Areng ly atho awm parai nai tavai ka-ri sang neangneangchi hawi, Sinai mawi i nai chai parai nai meingtymra y ang jeu bo.

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

SAM 9:20

Aw Areng, nichi teng y jei hyn naira tym hai ba. Mychi ly dei ai nai khumi teu, nanai pany hai ba.

THEU NAI 20:18

Khumi mipuichi ly kani pajyh nai katyn, baw eng nai katyn hawi amlosadi theu nai, mawi verei mai khyh theu naichi ai niu nai, thai nai khala jei hyn u i, kamlo mang y angdo u bo.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

ISAIA 64:3

Tlenrei khala nang ly jeu iy, kaichi athang khai y nai ka-jeirachi sa pi bo. Mawichi ly nang ai niu i, jei nai paleung hawimy kaso theu u bo.

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

Ezekiela 43:2

hu y ly Israela chengchi i Tameuh i kangvang nang parai nai ly nisi mang dengdairei theu nai kaniu. Tameuh i raawi ly pangli tui kamsau katyn hawi atawm. Khaileaung pri py mymy i nang parai nai hawimy angvang na bo.

AMOS 1:12

Hunai deaungkho y kai ly Teman mary salo y mai kani nai hai iy, Bozarah amtangra yhmchi ai maidym satlawi palawn vui ai,” napi.

OBADIA 1:9

Tavai ateaung syn nai Teman mary i khumichi ly jei hyn u ai. Edom pri i tavaimi risa bawibawichi ly dei u ai.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

Kati Nai 10:12

Israela chengchi ly Sinai daichi ka-vym i nai khuleaung amsa u bi bo. Tamai ly Paran daichi ka-vym y tym nai khala anawn nai ne.

Leu Thui Nai 33:2

Areng ly Sinai mawi salo mang dengdairei ang jeu; mymy ly kanito kamta Edom pri salo y amteng iy, Paran mawi salo mang dengdairei mymy i khumichi teng y kangvang ko bo. Mymy i lamtang mang y mai kangveaung hawi sang neangneang chang y nai kani pri amtaw thau naichi abang u bo.

Leu Thui Nai 5:24

‘Achi i Areng Tameuh i raawi mai kangveaung theung mang dengdairei achi thai nai deaungkho y, mymy ly mymy i phum-ang hawi nang parai nai sai patei pi bo. Tameuh my khumichi teng y leu thui pi i py, khumichi ly dei y naimy heng pajau nai sai vaini achimy niu u bo.

1 SAMUELA 25:1

Samuela dei vui nai deaungkho y Israela cheng bawibawichi ly jeu achu iy vo tangam u bo. Naibaly nichi ly ni ai Ramah mary, mymy i yhm y up u nai ne. Huna nai up chum nai bo y Davida ly Paran daichi ka-vym mang y theu jo bo.