HABAKKUK 3:2 - Khumi Common Language Bible

² AwAreng, nang i sa nai leaungsaichi kai thai bo i, kai ly jei hyn naimy lyh na bo. Nang i sa nai nang parai nai saichi ly kaichi i deung y py, so pi teang kyh ba. Nang kado theu nai neng khala y py, pahen pi kyh ba.

HABAKKUK 3:2 ပူးပေါင်းရင်းမြစ်များ

EZARA 9:8

Aw kaichi i Areng Tameuh, nang ly kaichi ai pahen nai deaungkho y, cheng takhrachi kiu i nai lawi hai iy, vai ly tahm asang parai nai kachai meingtym y, neng maidenreichy sala y phrumai by y pa-rei awm ai nai pei bo. Nang ly kaichi ai miseaungra i nai alaw hai iy khumi kangtha lawm ai nai pei bo.

JOBA 42:5

Vaichi khala kai ly nang i satang ai kano hawi thai khyh nai ne; na i py vai ly nang ai mei hawi kang niu bo.

SAM 119:120

Nang ai jei nai deaungkho y kai ly khuma phau na bo; nang i tara chih nai saichi molam y kai ly jei na bo.

SAM 25:6

Aw Areng, jangni i dengdairei nangmy patei pi nai pahen naira hawi khaw parai nai tamen nairachi pany pi jo kyh ba.

SAM 38:1

Aw Areng, kado theu iy kai ai kamngo pajeng moh kyh ba!

SAM 44:1

Aw Tameuh, jangni amsi pajochi deung y, nangmy sa pi nai leaungsaichi satang ai nichi my thui pi nai deaungkho y, kaimychi thai khyp bo.

SAM 71:20

Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

SAM 85:6

Kaichi ai atho kangtha pei kyh ba; hunaibaly nang i khumi lawm nai kaichi ly nang ai kang palo u ai.

ISAIA 53:1

Khumi mipuichi my, “Vai, kaichi my thui pi nai satang ai ami my ym ai mo? Hinira i Areng i kupe lasa, ami my niu pajau ai mo?

ISAIA 54:8

Kai ly kado theu nai deaungkho y, tanareichy kang hi pi veng nai ne. Na i py tamen naira ly nangchi teng y kang patei pi jojo ai, nanai nangchi ai atleu nai keung Areng my leu pei bo.

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

JEREMIA 10:24

Aw Areng, nang i khumichi ai thui parip kyh ba. Na i py kaichi i tlang tleaung y kado theu hai moh kyh ba. Nang i kado theu hai nai thym khala y, kaichi i tlang tleaung y khri pa-rei pajeng lawh baly, kaichi ly tama be ai bo.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 29:10

“Areng my, ‘Babulon mary saneng vui saryhrei chih nai khala y, kai ly nangchi ai kang khen ali teang ai. Kaimy leu adeu hai nai kamta nangmychi pri y kang pahawi ali teang ai.

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

TANGAM NAI LEU 3:32

Mymy ly achi ai paleung si vo tangam naira ang pei teu i py, achi i tlang tleaung y ang pei nai pahen naira hawi tamen naira ly len parai nai ne.

DANIELA 8:17

Kabriela ly kai i sahawi y jeu iy angdo nai khala, kai ly khri pa-rei kaso theu nai deaungkho y, khaileaung y atlym vui bo. Kabriela my kai teng y, “Dei nai khumi amjy awi, amteng hai nai i awm nai sai ai pany ba. Huni amteng hai nai ly kani khaileaung tem ai nai patei pi nai ne,” napi.

DANIELA 9:2

Ni i peang angchei nai saneng y kai, Daniela ly baibul leusaichi amtiu i, amo Jeremia teng y Areng my leu pei nai kamta, saneng vui saryh tym pa-rei, Jerusalem mary phra ai nai satangchi adawn pasym bo.

HABAKKUK 3:1

Hini ly amo Habakkuk i chiu sa nai ne.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

ZEKHARIAH 1:12

Naibaly kani pri amtaw thau nai my, “Aw ati cheaungkhang sa thai nai Areng, Jerusalem mary hawi Juda marychi ai nang i kado theu nai ly saneng vui saryhrei awm bo; huni marychi ai pahen y naimy, mana tanrei awm jo ai mo?,” napi.

JOHAN 10:10

Paviu nai khumi ly paviu ai nai hawi, padei ai nai hawi, taphra ai nai ny y baly jeu y leang; kai naini nichi hengra nga thai ai nai, nga tleaung nga ra thai ai nai kang jeu bo.

ROM AVANGCHI TENG Y PAWLA I CHA PA NAI 10:16

Na i py nichi bawibawi ly Satang Kahawi ym bawi y leang. Ati mana nai mo nabaly Isaia my ly, “Areng awi, kaichi i leu thui nai ly ami ym mo?” napi lawh.

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.

HEBRAI 12:21

naibaly nichi i atiti niu nai py khri pa-rei ka-jei awm na i, Mosi my ly, “Kai ly jei nai khri pa-rei kaso theu na,” nanai thui chy bo;

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.