HABAKKUK 3:18 - Khumi Common Language Bible

¹⁸ Aw Areng Tameuh, nang ly kai i atleu keung ne nai deaungkho y, kai ly amo theu naimy awm ai.

HABAKKUK 3:18 ပူးပေါင်းရင်းမြစ်များ

2 SAMUELA 6:15

Naibaly samrang hawi Israela cheng bawibawichi ly amo theu nai aeu iy, bawchi eng naimy Leu Maikawm Pawm ai, Jerusalem mary mang y angjeaung u nai ne.

JOBA 13:15

Kai i vui ly athang khai naira by y bo i, Tameuh my kai ai dei hai teu i py, ati sai py ny y ai. Kai ly kaimy i sa nai sai, mymy teng y pany hai ai.

SAM 104:34

Mymy ly kai ai amo theu hai nai deaungkho y, kai i thui nai khulym ly mymy kawn pi sy.

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

SAM 25:5

Nang ly kai ai atleu nai Tameuh ne nai deaungkho y, nang i leu meitang kamta sa iy teaung thai ai nai kai ai patiu pi kyh ba. Kai ly nang ai ym jojo nai ne.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 33:1

Aw khumi kahawi bawibawichi awi, nangchi ly Areng my sa pi nai leaungsaichi molam y amo theu naimy aeu u. Mymy i leu tangai nai khumi bawibawichi awi, mymy ai ly palo u.

SAM 85:6

Kaichi ai atho kangtha pei kyh ba; hunaibaly nang i khumi lawm nai kaichi ly nang ai kang palo u ai.

SAM 97:12

Nangchi khumi kahawi bawibawichi awi, Areng i sa pi nai saichi molam y amo theu u! Chai parai nai Tameuh i sa nai saichi ai pany u jo ly mymy ai kawn nai palo u.

THEU NAI 15:1

Naibaly Mosi hawi Israela chengchi ly Areng ai palo nai khulym thui u bo; “Kai ly Areng ai palo ai, ati mana nai mo na baly mymy ly nang parai nai hawimy eaung naira nga hai bo; mymy ly tavaimichi, keaungngo atang nai tavaimichi ai pangli tui y anum hai chauchau nai deaungkho y ne.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

ZEKHARIAH 10:7

Israela khumichi ly tavaimi risachi kamta, atho awm naimy kreip hang nei nai khumichi kamta amo theu u ai. Nichi i katu chanauchi ly hini eaung naira pany u jo iy, Areng i sa pi nai saho y amo theu u ai.

LUKA 2:30

Ati mana nai mo nabaly Cheng Takhrachi teng y amteng hai ai nai kangvang hawi, Nang i khumi Israelachi ai tahm paseng ai nai py.

Leu Thui Nai 12:18

Nangchi hawi nangmychi i cho chanauchi, miseaungchi hawi nangchi i mary theung y awm nai Levi theaungchichi ly hini kapathyprachi ai nangchi i Areng Tameuh my vawi takhra pi nai chiu ai nai meingtym hareira y naini, cha nei u ai nai tla. Nangchi ly huni meingtym y nangmychi kalop sa iy nga nai teicha teineichi ai amo theu seu naimy cho u.

PHILIPI 4:4

Areng y ly kawn u jojo; kang napi bi ai kawn u.

JAKOB 1:2

Kai i amjo amnauchi awi, nangchi i ym naira cham nai ly kham pajau naira sa, nanai pany iy

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

1 SAMUELA 2:1

Hannah ly hina nai kamta chiu sa nai ne. Areng my kai ai paleung amo theu hai bo; kai ly mymy i sa pi nai saho y amo theu! kai ly paleung ka-echi ai panui hai ai nai nga bo. Tameuh ly kai ai ang sabawm i, kai ly amo theu bo.