HABAKKUK 2:9 - Khumi Common Language Bible

⁹ Nangchi ly taham si u! Athorei my tiu naira i nga nai yhmtheaung katuichi hawi, nangchi ly nangmychi i dengtheungchi ai nang chawn hai bo. Atho sa iy mychi i tabu ai ka-sangra y sa nai tavo kamta, mymychi i yhm ai phrumai by y pa-rei sa u bo!

HABAKKUK 2:9 ပူးပေါင်းရင်းမြစ်များ

SAM 49:11

Vaichi khala nichi ly khaileaung peang nai keungchi ne lawh teu i py, vai i neng y ly tapreaung angawmchira naini, huni khumichi awm jojo ai nai deungtasarei yhmchi lawm bo.

SAM 52:7

“Amy i chymme ai nai i vui y Tameuh ai ym ai nai tleaung y ly amy i nang chawn naira ai a-ym nai khumi ai khen u; ni ly my i hawi y naira molam y, amy i chymme naira hau nai khumi ne,” nanai thui u ai.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 5:8

Nichi ly taham si! Mymychi teng y awm yb nai yhmchi, li hlauchi vuikanai nawi pa-rei sa naichi awi, kra y naimy khumi takhrachi i vui awm naira meingtym awm ai ny y. Nangmychi tlairei, hini pri theung y awm u ai nai tla ai.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

JEREMIA 22:23

Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

JEREMIA 49:16

Nangchi i amlyh am-e naira my, nangchi ai ang tapawp bo. Nangchi i athang khai nai kamta, ami py nangchi ai jei u y leang. Nangchi ly mawi saleungra i lengseaung ka-sang salo y awm u nai ne. Na i py hunai kamta ahmtlau tanrei ka-sang y awm u teu i py, Areng ly nangchi ai pala kathiu ai. Hini ly Areng i thui nai leu ne.

JEREMIA 51:13

Babulon mary ly tavo neangneang awm iy yhmtheaung katuichi nang chawn nai mary ne teu i py, phra ai nai neng tym nai deaungkho y, huni i hengra ly achai baw bo.

JEREMIA 51:53

Babulon mary ly kani y angteu na pa-rei, amtangra yhm ka-sang sa pajau lawh teu i py, kai ly huni mary y taphra ai nai khumichi pato ai. Hini ly kai Areng i thui nai leu ne,” napi.

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

OBADIA 1:4

Nang ly ahmtlau i tabu kamta asang naira y awm nai deaungkho y, ka-si taukichi sala y awm nai ne teu i py, nang ai kaimy atheu kathiu ai.

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.