HABAKKUK 2:8 - Khumi Common Language Bible

⁸ Nangchi ly pri neangneangchira i khumichi ai tiu iy lawm u bo. Vai dei kamthum khumichi ly nangchi my khumi ai padei nai molam py, khaileaung pri i khumichi hawi, marychi ai tiu nai molam py, nangchi ai tiu iy lawm u ai.

HABAKKUK 2:8 ပူးပေါင်းရင်းမြစ်များ

SAM 137:8

Aw Babulon mary, nang ly taphra naira avum ai. Kaichi ai nangmy sa nai kamta nang ai vawitheung tha nai khumi,

LEU KACHENG 22:23

Areng ly nichi i mang y asa hai ai. Nichi i heng nai ai pajei pahyn nai khumichi ai Areng my pajei pahyn teang ai.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

ISAIA 33:4

Nichi i yhmtheaung katuichi ai py, tavai atiura i abawi nai vawnsaichi kamta palawn iy, lawm pi pawn nai avum u ai.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

JEREMIA 30:16

Vai ly nangchi ai ang pajawn nai khumi bawibawichi ly pajawn naira avum u iy, nangchi i paleung ka-e bawibawichi ai py, langheng y hawi u vui ai. Nangchi ai pahyp y naimy ana nai khumi bawibawichi ly mychi naimy pahyp y naimy ana naira avum u iy, nangchi ai tiu nai khumi bawibawichi py, tiu naira avum u ai.

JEREMIA 50:14

“Thailiho pa nai khumichi awi, tavai pasau u ly Babulon mary ai tiu iy katanmeuh u. Babulon mary ly kai Areng i tlang tleaung y sa tamang u bo. Hunai deaungkho y nangchi i thailiho bawibawi hawi, huni mary mang y ko u.

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 50:37

Nichi i keaungngochi hawi tavai ka-richi taphra u! Alai nai tavaimi risachi ly dei u ai. Nichi ly khri pa-rei atho bai u na bo! Babulon mary i yhmtheaung katuichi taphra u; Hunichi ai lawm u.

JEREMIA 51:13

Babulon mary ly tavo neangneang awm iy yhmtheaung katuichi nang chawn nai mary ne teu i py, phra ai nai neng tym nai deaungkho y, huni i hengra ly achai baw bo.

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

JEREMIA 51:48

Tosyh ngan mang jeu iy tiu nai khumichi i kiu theung y Babulon mary tym vui nai khala, khaileaung salo y py, kani khusangra py, awm nai ngiereichi ly amo theu nai deaungkho y aeu u sau ai.

JEREMIA 51:8

Babulon mary ly vaimy phra seaungkhrang ryrau veng bo! Huni mary i vui vo hai u! Ni i tamo kalemchi vui asi hau u. Ni i tamo kalemchi hawi sa baly, hawi tan hawi pajau lym ai.

Ezekiela 28:16

Nang ly ka-jo ka-van sa nai kalop nawi nai deaungkho y, kamjau kamteang sa nai hawi, kamngo nairachi sa lawh bo. Hunai deaungkho y kai ly kai i chai parai nai mawi salo i nai, nang ai athorei my theu hai nai ne. Aw tamcheaung typ nai kani pri amtaw thau nai awi, sadi nanai vang kateng lengseaungchira i nai nang ai kang paryh bo.

Ezekiela 39:10

Paleung ka-echi khai su nai tavai ateaungchi nga u ai i, nichi ly adym angdengra y theng ei ai nai hawi, daichi theung y dengkeaung paliu ai nai aly ngai ai ny y. Nichi ly mymychi ai tiu lawm nai khumichi ai tiu lawm u ali teang ai. Hini ly sa thai naira angym nai Areng my pei nai leu ne.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

OBADIA 1:15

“Kai, Areng my khumi cheng cheaungkhangchi ai tara chih ai nai neng kani tym hai ai. Aw Edom pri awi, amichi ai nangmy i sa nai kamta amichi my nang ai ang sa u teang ai. Nang ly nangmy i pei nai kamta nga teang ai.

HABAKKUK 2:10

Na i py nangchi i dawn tau naimy ly nangmychi i khumichi ai kangji nga hai bo. Nangchi ly khumi cheng cheaungkhangchi ai tamyh nai molam y, nangmychi naimy phra naira tym bo.

HABAKKUK 2:17

Nangchi ly Lebanon thengreungchi paliu u bo. Vai ly nangmychi kypkyp ai paliu nai avum u ai. Nangchi ly huni thengreung theung i amso tawnbawichi ai tleh u bo. Vai ly amso tawnbawichi my nangchi ai jei hyn hai ai. Nangchi my sa tamang nai khumi ai padei nai molam py, khaileaung pri y awm nai khumichi hawi marychira awm nai khumichi ai khrukhra hai naichi molam py, hina naichi tym ai.

ZEKHARIAH 1:15

Kai ly kaimy i khumichi tlang tleaung y tym ai nai kado theu nai kam-yh nai thym y, tlamsa naimy awm ai nga u nai khumi bawibawichi ly kai i khumichi avum nai ngari kamtang panawi ra bo. Naibaly kai ly huni khumichi ai khri pa-rei kado theu hai nai deaungkho y,

ZEKHARIAH 14:12

Areng ly Jerusalem mary ai tiu nai khumi cheng cheaungkhangchi tlang tleaung y, ka-jei awm nai no kanghawi tym hai ai. Nichi ly heng nai thym khala y my, ngan tlangchi veaung ai. Nichi i meichi hawi palaichi py veaung ai.

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.