HABAKKUK 2:5 - Khumi Common Language Bible

⁵ Nang chawn nai ly li-tapawp reng; ngai phi ala naichi ly paleung len amlyh iy, paleung khaw y. Nichi ly dei areng kamta, mana khala py paleung anyp vai y. Hunai deaungkho y nichi ly pri harei bo baly pri harei ai tiu iy peang vui reng nai ne.

HABAKKUK 2:5 ပူးပေါင်းရင်းမြစ်များ

2 ARENG KEH 14:10

Amazia awi, vai nang ly Edom khumichi ai pajau nai deaungkho y, paleung len nai ne. Nangmy i amyn amthang nai hawimy paleung tuinem iy, nangmy i yhm y phai awmnem ba. Nang ly nangmy i khumichi tama hai ai nai patangra ly ati mana nai hau lawh mo?,” nanai leu pathang pi teang bo.

SAM 138:6

Nang ly tahm asang parai teu i py, tahm anem nai khumichi ai kry nai ne; paleung len amlyh nai khumichi ai ly kamlo mang my pany bo.

LEU KACHENG 20:1

Mhm-rah nei ala nai khumi ly leu raawi len iy sa tamang reng; mhm-rah pavui tapai reng nai ly khumi ka-khum ne.

LEU KACHENG 21:24

Paleung asang nai khumi nanai ly amlyh am-e nai khumi, paleung len nai khumi, kapahenra by y nai khumichi ne.

LEU KACHENG 27:20

Tavau saleaung y ly mana khala py, khumi kadei kawi vai y nai kamta, khumi i ngai naichi py, mana khala py angym bo, nanai by y.

Parip nai leu 5:10

Nang ly tangka paleung no lawh baly, mana khala py paleung awmnemra awm ai ny y. Nang chawn ai nai ngai teu i py nangmy i kadeaung nai ryrei, yhmtheaung katui nga ai ny y, huni py atyhtyh teu.

ISAIA 14:6

avaw by y pa-rei ana reng nai samrang hawi y naichi i sa thai naira ai, Areng my tama hai veng bo.

ISAIA 16:6

Juda mipuichi my, “Moba mipuichi ly mana tanrei paleung len na mo, nanai kaichi thai bo. Nichi ly paleung len amlyh u naimy mymychi ai tahm apasang u teu i py, nichi i amlyh naichi ly atyhtyh teu, nanai kaichi pany bo,” napi u.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 21:5

Paleung mei y dym biu cha nai pawi pui harei sawn yb nai kaniu nai ne. Angvynchi ateh ai nai sampraibyh bai yb bo. Nichi ly cha nei u nai thym khala y, “Tavai luchi awi! Nangchi i khupui angvei u rym!,” nanai leu pei nai vaimy tym ryp bo.

ISAIA 5:14

Tavau pri ly nichi ai pajawn ai ngai nai deaungkho y, my i labeaung ly ang pachaka na bo. Jerusalem mary i bangtangchi ai py, khru nganglang naimy kadosum nai khumi kanghu puichi hawi raurei, pajawn vui nai ne.

ISAIA 5:8

Nichi ly taham si! Mymychi teng y awm yb nai yhmchi, li hlauchi vuikanai nawi pa-rei sa naichi awi, kra y naimy khumi takhrachi i vui awm naira meingtym awm ai ny y. Nangmychi tlairei, hini pri theung y awm u ai nai tla ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

JEREMIA 51:39

Nichi ly cha ha u nai a? Kai ly nichi ai cha nei pawi pui sawn pi iy, amo theu pavui hai ai. Nichi ly i ngym ai i, mo mang y mana khala py i anglaw ai ny y.

HABAKKUK 1:15

Babulon chengchi ly khumichi ai ngo kamta sakawichi hawi patiu u bo. Nichi ly khumichi ai paleupychi hawi ryh iy patiu thai nai deaungkho y, amo theu nai aeu u sau bo!

HABAKKUK 1:17

Nichi ly mychi i haisau ai deungrei teaung iy, khumi cheng cheaungkhangchi ai, pahyp y naimy ana iy taphra u na a?

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.

I THESALONIKA 4:11

kham pajau kyh naimy awm u ai nai hawi, amymy i atiti sa u ai nai py, nangchi i kiu y sa u tanga ai nai kang pachei nai ne;

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.