HABAKKUK 2:19 - Khumi Common Language Bible

¹⁹ Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.

HABAKKUK 2:19 ပူးပေါင်းရင်းမြစ်များ

SAM 135:15

Khumi cheng cheaungkhangchi i chiu nai mynchi ly muku tangka hawi sa naichi ne; hunichi ly khumi i kiu hawi sa naichi ne.

SAM 135:17

Nichi ly kanochi awm i py thai y; taho py taho thai y leang.

SAM 97:7

Mynchi ai chiu u nai khumi bawibawichi ly kangji nga u bo; tameuh bawibawichi ly Areng i mo y lu meung u bo.

ISAIA 26:14

Huni khumichi ly vai i neng y, dei u pawn veng bo; heng u ali bi ai ny y. Nang ly nichi ai pajeng iy tamyh pawn veng nai deaungkho y, nichi i phailochi py, tapreaung i nai ang thau u ai ny y. Nichi ai ami my py pany u y leang bo.

ISAIA 40:19

Mymy ly kupe kakawpchi my patlawn iy pa-thengchi my muku hawi paleaung nai, tangka hawi langdeng khaw hai nai myn hawi atawm y.

ISAIA 41:26

Hini leu ly teng khyp, nanai kaichi thui pajau ai nai, hini atitichi tym ai, nanai nangchi theung i ami my kaichi ai thui pi yb vai sai a? Ami nai ly mo mang i satang thui vai mo? Nangchi theung y ami py hina nai thui vai y. Thui nai leu thai nai khumi leaungrei py by y leang!

ISAIA 44:17

Huni bo y ni ly takhra dengkeaung kamlai hawi myn harei sa i, lu meung naimy huni myn teng y, “Nang ly kai i tameuh ne; kai ai atleu kyh ba!” nanai chiu sa nai ne.

ISAIA 46:6

Khumichi ly mychi i muku chakeuchira i mukuchi adiheu iy, mukuchi ai sie khyry hawi neh u. Naibaly tameuh myn sa ai nai muku tangka thip nai khumi alai u bo. Hunaibaly nichi ly huni tameuh ai lu meung iy chiu u nai ne!

ISAIA 57:6

Hunira i suileng nai lengseaungchi la iy, nangchi i tameuhchi palawn iy chiu u. Nangchi ly kreip hang leih iy huni tameuhchi teng y talam u nai ne. Cha nei kapathypra py talam u bo. Nangchi hina nai sa nai ly kaimy kawn pi ai, nanai nangchi athang khai u a?

JEREMIA 10:14

Hini atitichi ai niu nai deaungkho y khumichi ly mynkym vui iy, khumi ka-khumchi lawm u bo. Kheupaja ngan thip kawp nai bawibawichi ly mychi sa nai tameuhchi ly tameuh tatang ny y nai deaungkho y kaji u bo. Ati mana nai mo nabaly mynchi ly hengra by y nai deaungkho y ne.

JEREMIA 10:3

Huni khumichi i reita ly ati sai py ny y leang. Daichi theung y dengkeaung paliu iy, myn-o kawp nai keung ly seuchi hawi myn-o iy,

JEREMIA 10:4

muku, tangkachi hawi ka-pu sa nai ne. Hunaibaly amchyh y pa-rei huni ai sengmo hawi tahen typ bo.

JEREMIA 10:9

Nichi i chiu nai mynchi ly Spain pri i theu nai tangka hawi py, Upha mary i theu nai muku hawi py, palum nai deaungkho y kupe kakawpchi i lasa ne. Huni mynchi ly kupe kawp keh naichi my aneng nai kamsen jeaung ngan, kamngau ngan hawi apu pa-rei sa bo.

JEREMIA 2:27

Dengkeaung keung teng y, ‘Nang ly kai i ampo ne,’ nanai py, lengseaung teng y, ‘Nang ly kai i amhm ne,’ nanai py nangchi thui u bo. Nangchi ly kai mang y amhi y, kai ai nithun thun u. Na i py nangchi ly ka-jeira avum nai khala y, kaichi ai sabawm ai nai jeu kyh ba, nanai kai teng y hnei u bo.

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

JEREMIA 51:17

Hina nai sa nai deaungkho y khumi bawibawichi ly cheng naira, pany thai naira by y nai khumichi lawm u bo. Myn sa nai khumi ngiereichi ly mymychi i sa nai mynchi ly tameuh tatang ny y nai deaungkho y paleung phra u bo. Huni mynchi ly hengra py by y.

JEREMIA 51:47

Hunai deaungkho y Babulon pri i mynchi taphra ai nai neng kani tym ai. Huni pri verei ly kangji nga ai. Mipui bawibawichi py padei nai avum ai.

DANIELA 3:1

Samrang Nebukhadnezar ly ka-sang miu vui tariurei, ka kalen miu tariurei awm nai muku myn pui sa hai iy, huni ai ly Babulon theung i Dura adym y khai hai bo.

DANIELA 3:18

Atleu y lawh teu i py, kaichi ly nang i tameuh ai chiu y, nang i muku myn pui ai py, lu meung ai ny y, nanai pany ba,” nanai pathang u.

DANIELA 3:29

Naibaly leu cheaungkhang katheu nai khumi bawibawichi hawi pri tleirei i ami py ne sy, Sadraka, Mesheka hawi Abedanekochi i Tameuh ai tahm khai y nai leu thui lawh baly, huni khumi ai tawp piupa iy ni i yhm py, maidym satlawi lawm hai sy, nanai vai, kaimy leu pei. Nichi leaung thomreichi i Tameuh kamta, mani tameuh py atleu pajau y leang,” napi.

DANIELA 3:7

Hunaibaly leu cheaungkhang katheu nai khumi bawibawichi hawi, pri tleirei i khumichi ly katyn kapau beu nai katyn thai phai thai baly, samrang Nebukhadnezar i sa nai muku myn pui ai lu meung naimy chiu u bo.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

DANIELA 5:4

muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo.

JONA 1:5

Sampho i khumichi ly jei hyn nai deaungkho y, amymy i ym nai tameuhchi teng y mymychi ai sabawm ai nai chiu sa u. Naibaly sampho vawn jang ai nai vawnsaichi tui theung y aphi u. Huna nai thym khala y Jona ly sampho taku theung y satla iy i vui nai ne.

AMTAW 17:29

Hunaibaly achi ly Tameuh i kangpreang ne baly, Tameuh i awm nai sai ly muku mo, tangka mo, lengseaung mo, khumi i kupe kakawp hawi ka-vo thip nai kamta, nanai dawn ai nai avo y leang.

AMTENG HAI NAI 17:4

Naibaly huni neampachy ly kanih kamsen jeaung hawi kani kamsenta akhiu i muku hawi amiachi hawi, khawisaleng lengseaungchi py amthyp i, atiti amso awm parai nai, mymy i angai naira i atiti chai y nai kawi meng nai muku khau mymy i kiu y syn bo;