HABAKKUK 2:17 - Khumi Common Language Bible

¹⁷ Nangchi ly Lebanon thengreungchi paliu u bo. Vai ly nangmychi kypkyp ai paliu nai avum u ai. Nangchi ly huni thengreung theung i amso tawnbawichi ai tleh u bo. Vai ly amso tawnbawichi my nangchi ai jei hyn hai ai. Nangchi my sa tamang nai khumi ai padei nai molam py, khaileaung pri y awm nai khumichi hawi marychira awm nai khumichi ai khrukhra hai naichi molam py, hina naichi tym ai.

HABAKKUK 2:17 ပူးပေါင်းရင်းမြစ်များ

SAM 137:8

Aw Babulon mary, nang ly taphra naira avum ai. Kaichi ai nangmy sa nai kamta nang ai vawitheung tha nai khumi,

SAM 55:23

Na i py aw Tameuh, nang ly khumi ai padei nai keungchi hawi, tapawp nai keungchi ai, nichi i deung ka-hyhrei tym y rai khala my tapreaung angawm theung y ang vum hai ai; kai naini ly nang ai kang-ym ai.

LEU KACHENG 28:17

Khumi ai padei nai khumi ly amy i vui tapreaung angawm tai kaliki nai khumi ne. Huni khumi ai paka ai nai atho so moh.

JEREMIA 50:14

“Thailiho pa nai khumichi awi, tavai pasau u ly Babulon mary ai tiu iy katanmeuh u. Babulon mary ly kai Areng i tlang tleaung y sa tamang u bo. Hunai deaungkho y nangchi i thailiho bawibawi hawi, huni mary mang y ko u.

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

Ezekiela 28:16

Nang ly ka-jo ka-van sa nai kalop nawi nai deaungkho y, kamjau kamteang sa nai hawi, kamngo nairachi sa lawh bo. Hunai deaungkho y kai ly kai i chai parai nai mawi salo i nai, nang ai athorei my theu hai nai ne. Aw tamcheaung typ nai kani pri amtaw thau nai awi, sadi nanai vang kateng lengseaungchira i nai nang ai kang paryh bo.

Ezekiela 31:16

Huni saitleang keung ai kaimy tavau pri y ang vum hai nai khala, huna nai aheng nai katyn molam y, khumi cheng cheaungkhangchi ly kaso theu u ai. Huna nai khala khaileaung anui y tym nai Eden akho i dengkeaung keung ngiereichi hawi Lebanon mawi i tui bym pa-rei nga nai, hawi keh nai dengkeaung keungchi ly khri pa-rei paleung amo theu u ai.

JOELA 3:19

“Aikupta pri ly khutaha meingtym lawm iy, Edom pri ly phra ai i, khumi angso by y nai meingtym lawm ai. Ati mana nai mo nabaly huni prichi ly Juda pri ai tiu iy, khumi kahawichi ai padei u nai deaungkho y ne.

HABAKKUK 1:17

Nichi ly mychi i haisau ai deungrei teaung iy, khumi cheng cheaungkhangchi ai, pahyp y naimy ana iy taphra u na a?

HABAKKUK 2:8

Nangchi ly pri neangneangchira i khumichi ai tiu iy lawm u bo. Vai dei kamthum khumichi ly nangchi my khumi ai padei nai molam py, khaileaung pri i khumichi hawi, marychi ai tiu nai molam py, nangchi ai tiu iy lawm u ai.

ZEKHARIAH 11:1

Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.