HABAKKUK 2:15 - Khumi Common Language Bible

¹⁵ Nangchi ly taham si u! Nangchi ly kado theu nai deaungkho y, nangmychi i yhm deaungpa prichi ai cheh iy kangji khai u bo. Nichi ai pavui tapai nai kamta atlym hai khikha bo.

HABAKKUK 2:15 ပူးပေါင်းရင်းမြစ်များ

ATITI AWM ANGCHEI NAI 9:22

Kanan i ampo, Hama ly ampo tlang ka-keu naimy jawn jo nai niu i, angam mang y theu iy amnau ni teng y thui pi.

2 SAMUELA 11:13

Davida ly ni ai dym biu cha ai nai palau i, pavui pa-rei nei cha hai bo. Na i py Uriah ly huni dym py yhm y vawi y naimy, samrang yhm tamcheaung typ naichi i meingtym y kanih bai iy i nai ne.

THEU NAI 32:25

Israela chengchi ly tengpang sahawi i paleung ka-echi my cheh ai naira lawm i, Aron my atho sa hai nai molam y, pakym paka lei y na pa-rei lang lengleang, nanai Mosi ly niu nai ne.

ISAIA 28:7

Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

ISAIA 28:8

Nichi i sabawichi ly khen amnu y na pa-rei, amleuchi akau tlitlai na.

ISAIA 5:22

Nangchi ly taham si! Nangchi rah palang soraichi awi! nangchi ly rah katlen naira y vam parai i, jei nai paleung by y lawh ly!

JEREMIA 25:15

Israela chengchi i Areng Tameuh my kai teng y, “Nang ly kai i kado theu naira kawi nai hini kreip hang khau ai, kai teng i nai la iy nang ai kang pato nai khumi cheng cheaungkhangchi ai panei.

JEREMIA 51:7

Babulon mary ly kai i kiu y syn nai muku khau hawi, khaileaung pri verei ai pavui hai nai kreip hang khau hawi atawm. Khumi cheng cheaungkhangchi ly huni khau i kreip hang nei iy, pathu tapai u be bo.

HOSEA 7:5

Samrang i sa nai pawi kani y samrang hawi ni i bangtangchi ai kreip hang panei iy, pavui tapai hai u bo.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.

AMTENG HAI NAI 17:2

Khaileaung pri i samrangchi ly mymy hawi angai iy, khaileaung pri y awm naichi py mymy i angai naira kreip athai hang y pavui u bo,” napi.

AMTENG HAI NAI 17:6

Naibaly huni neampachy ly khumi kachaichi i thi hawi, Isu deaungkho y dei naichi i thi y pavui nai kaniu. Naibaly kai ly ni ai niu makho makha baly rengrang tlai napi i, khra pa-rei lyh na.

AMTENG HAI NAI 18:3

Mymy i angai naira i kado theu naira kreip athai hang deaungkho y cheng cheaungkhangchi ly atlym bo, khaileaung pri i samrangchi py mymy hawi angai iy, khaileaung pri i ka-pai sa nai keungchi ly mymy i tlamsa ala nai sa thai naira deaungkho y nang ra nang ra bo,” nanai aeu bo.