HABAKKUK 1:13 - Khumi Common Language Bible

¹³ Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

HABAKKUK 1:13 ပူးပေါင်းရင်းမြစ်များ

2 SAMUELA 4:11

Amy i takun theung y i nem nai, kamngo by y nai khumi ai padei nai khumi hawi y naichi ai ly huni tleaung y pajeng ai nai avo na a! Huni kamngo by y nai khumi ai padei nai molam y vai, kai ly nang ni tlang tleaung y vawitheung kangtha ai. Nangni ai hini khaileaung salo i nai, kang pasym vui ai!,” napi.

1 ARENG KEH 2:32

Kai i ampo Davida pany y naimy sa nai, khumi ai padei nai molam y, Areng ly Juaba y pajeng ai. Juaba ly mymy tleaung y hawi keh nai Israela tavailu areng Abana hawi, Juda tavailu areng Amasa napi nai, kamngo by y nai khumi leaung nyhrei ai padei nai ne.

ESTHER 4:14

Nang ly vai hini neng y ati sai py so naimy awm pypy vui lawh ai na baly, Juda chengchi ly kani pri mang i dengdairei kasabawmra nga iy atleura nga ai. Na i py nang ai ly ang padei ai i, ngampo i yhmtheaung py tama ai; nang samrangnu lawm nai ly hini neng i vui y ne na a!” napi.

JOBA 15:15

Tameuh ly mymy i kani pri amtaw thau naichi ai malawn py, ym y nai ne. Nichi malawn py, mymy i mo y kamngo by y naichi ny y.

JOBA 21:7

Tameuh ly ati mana nai khumi hawi y naichi ai heng sau hai iy nang chawn hai lawh mo?

JOBA 24:23

Tameuh ly ni ai tlamsa naimy awm ai nai pei lym ai; na i py khen patawm jojo reng nai ne.

SAM 10:15

Khumi aso y naichi hawi khumi hawi y naichi i sa thai naira ai khei pi pawn ba. Nichi ly hawi y nairachi so ali bi y pa-rei kamngo pajeng pi kyh ba.

SAM 18:26

Paleung chai nai khumichi teng y chai nai paleung ka-dawn py, khumi hawi y naichi teng y ka-jo ngai nai paleung ka-dawn py, amteng hai bo.

SAM 25:3

Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 35:17

Aw Areng, nang ly mana tanrei khen veangveang ai mo? Nichi my tiu naira i nai, kai ai atleu kyh ba. Hini khrangsichi teng i nai, kai i tlang ai atleu kyh ba.

SAM 35:22

Na i py aw Areng, nang ly hini leaungsai pany nai ne. Na i py aw Areng, awm pypy veng moh ba. Kai hawi kamlo parai naira y awm pi veng moh kyh ba!

SAM 35:25

“Achi i kangai angym bo, ni ai achi my pajau bo!,” nanai nichi thui pajau ai nai pei moh ba.

SAM 50:21

Nang ly hini leaungsaichi sa teu i py, kai ly kang thui y leang; Hunai deaungkho y kai ai nang hawi atawm, nanai dawn u bo. Na i py vai, kai ly nang ai kang thui kang parip ai. Nang i kamngo ai paleung theung y khai y naimy kang pany hai ai.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 73:3

kai ly kapathui khe i, atlym vi nai ne; kai i kheuchi py athei vi na bo.

SAM 83:1

Aw Tameuh, tyn teng y naimy awm pi vui moh ba; awmnem pi vui moh ba, amkyn pi vui moh ba!

ISAIA 21:2

Ana piupa nairachi, vaineng takan nai hawi taphra nairachi ai paleung mei y kaniu bo. Aw Elam tavaimichi awi, tiu u! Aw Media tavaimichi awi, marychi ai katanmeuh u! Tameuh ly Babulon mary i khumichi my pei nai ngari kamtang anawn hai ai.

ISAIA 24:16

Achi ly leu meitang teaung nai Israela chengchi ai, khaileaung khuteng takira y awm nai khumichi my palo nai khulym raawichi thai u ai. Na i py kai ly athang khai naira by y i, bengtlairei kaawm nai khyh bo ly! Ka-ym by y nai khumichi ly leu tangai y jojo i, tamangra tamangra nai ne.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

ISAIA 64:12

Aw Areng, nang ly hinichi molam y paleung no-ei y nai sai a? Nang ly awmnem iy kaichi ai, kaimychi kham pajau nai tleaung y, ngari kamtang tym hai ra ai a?

TANGAM NAI LEU 3:36

Jeung y tara chih nai sai tamang piupa nai thym khala py, mymy ly pany.

HABAKKUK 1:14

Nang ly ati mana nai y khumichi ai ngo kamta, mymychi ai peang nai keung by y nai mipo kanghu kamta, lawm hai lawh ai mo?

ZEKHARIAH 8:17

Nangchi ly amy tengtawi khrukhra hai ai nai ka-dawnchi so u moh. Vaineng abeu iy ka-chawi naimy pany hai u moh. Ka-chawi thui nai, teng y nai kalop hawi kamjau kamteang sa naichi ai kai ly niu ngai y,” napi.

AMTAW 2:23

Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

Leu Thui Nai 23:15

“Yhmkeung teng i nai preang vui iy nang teng y abyh ai nai ang tym nai miseaung ai ly my i yhmkeung teng y pato ali teang moh.