HABAKKUK 1:12 - Khumi Common Language Bible

¹² Aw Areng, nang ly angchei khala i dengdairei Tameuh ne. Nang ly kaichi i Tameuh, Chai parai naimy deungtasarei awm nai ne. Aw Areng, kai i Tameuh hawi abyhra lengseaung, “Nang ly Babulon chengchi ai vawi takhra iy, kaichi ai pajeng thai ai nai nichi ai atho angym hai bo.

HABAKKUK 1:12 ပူးပေါင်းရင်းမြစ်များ

ATITI AWM ANGCHEI NAI 21:33

Naibaly Abraham ly Beraseba meingtym y pangli maicha keungrei ui ato i, mymy ly deungtasarei awm jojo nai Areng Tameuh ai chiu bo.

2 ARENG KEH 19:25

“Jangni i dengdairei huni bawibawichi ai kaimy pasym yb nai ne, nanai nang, thai vai y nai sai a? Vai py huni atitichi ai kaimy lawm hai bo. Amtangra marychi ai anyn angso pakheng achu naira lawm hai pajau nai sa thai naira, nang teng y kang pei bo.

SAM 102:24

Aw Tameuh, kai miteaung cheang y naimy, kai ai lo vui moh kyh ba. Aw Areng, nang ly heng jojo nai keung ne.

SAM 118:17

Kai ly dei y naimy heng i, Areng i sa nai saichi thui pi ai.

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

SAM 17:13

Aw Areng, jeu ba! kai i paleung ka-echi ai neaung vui iy, taphra pi pawn ba! Nang i haisau hawi, khumi hawi y naichi kiu i nai kai ai atleu pi kyh ba.

SAM 18:1

Aw Areng, kai ly nang ai khri pa-rei tamen! nangmy py kai ai ama hai nai keung ne.

SAM 74:12

Na i py aw Tameuh, nang ly angchei khala i dengdairei kaichi i samrang ne. Nang ly kaichi ai neng neangneang atleu pi bo.

SAM 90:1

Aw Areng, nang ly deungtasarei kaichi i abyhra yhm ne.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

SAM 93:2

Aw Areng, nang i areng atehra ly angchei khala i dengdairei khaw parai nai ne; nang ly ati sai py by y rai khala my awm yb bo.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 37:26

“Jangni khala my, hini atitichi ai kaimy pasym yb nai ne, nanai nang ly mana khala py thai vai y nai sai a? Vai, huni atitichi ai kaimy tym hai bo. Amtangra marychi ai anyn angso pakheng achu nai meingtym palawn vui ai nai, nang ai sa thai naira kang pei bo.

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ISAIA 43:15

Kai ly nangchi i chai parai nai Areng Tameuh ne. Israela chengchi awi, nangchi ai kaimy sa nai ne; kai ly nangchi i samrang ne,” napi.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

JEREMIA 30:11

Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

JEREMIA 5:18

Areng my, “Huni neng kanichi khala malawn py, kai i khumichi ai katamyh be ai ny y.

TANGAM NAI LEU 5:19

Na i py aw Areng, nang ly deungtasarei samrang ne. Nang i peang naira ly deungtasarei awm jo ai.

Ezekiela 30:25

Kai ly ni ai jy hai angchi khyp ai i, Babulon samrang ai atho ham hai lawh ai. Kai i haisau ai Babulon samrang i kiu y au iy, ni ly Aikupta pri mang y haisau bo patheung nai khala, kai ly Areng ne, nanai khumi luteng my pany u ai.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

HABAKKUK 3:2

AwAreng, nang i sa nai leaungsaichi kai thai bo i, kai ly jei hyn naimy lyh na bo. Nang i sa nai nang parai nai saichi ly kaichi i deung y py, so pi teang kyh ba. Nang kado theu nai neng khala y py, pahen pi kyh ba.

HABAKKUK 3:6

Mymy anawn nai khala y, khaileaung amchyh na. Tlenrei khen lau nai ryrei my, khumi cheng cheaungkhangchi ahyn u bo. Deungrei awm nai mawichi ly dei lawm vui iy, jangni jangkhawn i neng y mymy aleaung reng nai, mymy awm jojo nai mawi katheangchi ly tama pawn veng bo.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MALAKHI 3:6

“Kai ly Areng ne nai deaungkho y takhra vai y; hunai deaungkho y Jakob i katu chanauchi lawm nai nangchi ly pipi sum y leang rai.

AMTAW 3:14

Khumi Kachai hawi Khumi kahawi ai ly nangchi my ngai y iy, kasi nga nai keung ai ly nangmychi teng y patheu ai nai takeng u lawh i, Hengra sa nai keung ai ly nangchi my padei;

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

HEBRAI 13:8

Isu Krista ly jangdyh py, vaini py, deungtasa khrairei py huna jojo.

AMTENG HAI NAI 1:11

“Nang i atiti niu nai ly cha-iu y tajiu iy, palau takhra kamkawm saryhrei, Ephesi avang hawi, Smurna avang hawi, Perkamon avang hawi, Thuatira avang hawi, Sardisa avang hawi, Philadelphia avang hawi, Leiodikeia avang teng y py pa,” nanai kathai.

AMTENG HAI NAI 1:8

Vai awm nai hawi, jangni i dengdairei awm nai hawi, vai momang y awm ai nai Atiti py Sa Thai Nai Keung Areng Tameuh my ly, “Alpha hawi Omeka kai ne,” napi.

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.