Ezekiela 9:8 - Khumi Common Language Bible

⁸ Huna nai nichi my tleh u nai thym khala kai ly kaimy tlairei kaawm jo nai ne. Kai ly khaileaung y tabiu iy ambeu naimy, “Aw sa thai naira awm nai Areng, nang ly Israela pri y awm rai nai khumi ngiereichi ai padei hai ai nai pa-rei, Jerusalem mary y kado theu hai na bo a?,” nanai aeu naimy katakeng bo.

Ezekiela 9:8 ပူးပေါင်းရင်းမြစ်များ

ATITI AWM ANGCHEI NAI 18:23

Abraham ly Areng sahawi y athui i, “Nang ly khumi kamngochi hawi vanrei khumi kahawichi ai py meitang khyp taphra ai bo a?

1 NENG SATANG 21:16

Kani pri amtaw thau ly Jerusalem mary y taphra ai nai haisau syn naimy ali theung y angdo nai ai Davida my niu bo. Huna nai khala ni ly Israela miteaung kehchi hawi vanrei, khaileaung y tym pa-rei lu meung u. Nichi bawibawi ly paisiu akhiu u bo.

EZARA 9:5

Dym mang apathyp ai nai neng tym nai khala y kai ly tangam naimy atehra i nai ang thau iy aseih nai ateaungchi hawimy kheukhu di iy, kai i Areng Tameuh teng y kiu pheu naimy chiu kasa bo.

JEREMIA 14:13

Huna nai khala y kaimy, “Aw Areng, hini pri y tavai takai hawi takang theu nai ka-jeira tym ai ny y; tlamsa naira naini awm ai, nanai amochi my thui nai ly nangmy pany nai ne,” napi.

JEREMIA 14:19

Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

Ezekiela 11:13

Kai ly huni leu pei naichi thui pi nai thym khala y, Benaiah i chapo Pelatiah ly atlym i dei bo. Huna nai khala kai ly khaileaung y tabiu naimy ambeu vui iy, “Aw sa thai naira angym nai Areng! Nang ly awm rai nai Israela cheng ngiereichi ai tamyh pawn ai bo a?,” nanai aeu naimy thui pi nai ne.

Ezekiela 4:14

Na i py, “Sa thai naira awm nai Areng, kai ly kaimy mana khala py amso ngai hai vai y leng; deaungdichy khala i dengdairei alyly naimy dei nai tawnbawi mawi py, mawi kasichi my kei iy dei nai amso mawi py kacho vai y. Kai ly chai y nai teicha teinei mana khala py kacho vai y,” nanai pathang.

Ezekiela 7:8

“Kra y naimy nang ly kai i khri pa-rei kado theu nai kawi angym na pa-rei nang i tlang tleaung y kang leih ai. Kai ly nangmy i sa naichi molam y nang ai tara chih ai. Nangmy i sa nai amso ngai naichi vawilai ly nang ai vawitheung kang tha ai.

Kati Nai 14:5

Huna nai khala Mosi hawi Aron nini ly khumi mipuichi i mo y khaileaung y ambeu hawi bo.

Kati Nai 16:4

Mosi ly huni leu thai baly khaileaung y ambeu iy chiu sa bo.

Kati Nai 16:45

“Hini khumi mipuichi i ka-khan y asyn hawi veng. Kai ly nichi ai vaimy kataphra ai!” napi. Naibaly Mosi nini Aron ly khaileaung y ambeu hawi bo.

Leu Thui Nai 9:18

Nangchi ly Areng ai hi vui iy kado theu hai nai deaungkho y, kai ly kani vui palyhrei ati sai py cho nei y naimy khaileaung y ambeu iy kachiu bi nai ne.

JOSUA 7:6

Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.