Ezekiela 9:6 - Khumi Common Language Bible

⁶ Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

Ezekiela 9:6 ပူးပေါင်းရင်းမြစ်များ

ATITI AWM ANGCHEI NAI 4:15

Na i py Areng my, “Ny y leang; ami py ne sy, nang ai padei nai khumi i tlang tleaung y tlen saryhrei vawitheung katha teang ai,” napi. Hunai deaungkho y Ka-ina ai avum i py padei y ai nai, Areng my Ka-ina tlang tleaung y ka-ma-ra khai pi.

2 NENG SATANG 36:17

Hunai deaungkho y Areng ly Babulon samrang ai tiu hai nai ne. Huni samrang ly Juda thawndeang deaungdichi ai Achura yhm theung y tleh bo. Tameuh my miteaung deaungdi, neampacho neampachy, no naichi, no y naichi ai pahen y naimy, Babulon samrang i kiu y au nai ne.

THEU NAI 12:23

Areng my Aikupta chengchi ai padei ai nai Aikupta pri y amki prei nai khala y, mymy ly katheu lukau, katheu laibeaung y kaleu nai thi niu baly padei keung kani pri amtaw thau ai nangchi i yhm katlenhai vui ai. Nangchi ai ati sai py so hai y leang mang.

JEREMIA 16:6

Kamawn kanang patleh y naimy huni pri i khumichi ly dei u ai. Na i py ami py nichi i veu up ai ny y. Nichi i vui py vo tangam u ai ny y. Paleungsi nai ka-ma-ra amymy ai tamo kalem nga hai nai, sam avau nai py sa u ai ny y.

JEREMIA 25:29

Kai ly taphra nai kakop ai, kai i amyn apu nai mary pui dengdairei amteaung ai. Huni mary i khumichi ly pajeng naira avum u ai ny y, nanai athang khai u a? Ny y leang. Kai ly khaileaung pri y awm nai khumi bawibawichi teng y tavai ka-jeira kapato ai i, nichi ly pajeng naira avum u takengkei ai. Hini ly kai Areng thui nai leu ne.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

JEREMIA 44:8

Nangchi awm u ai nai tym nai hini Aikupta pri y, nangchi ly mynchi molam y hawi, tameuh takhrachi ai chiu nai molam y py, ati mana nai kai ai kado patheu u lawh mo? Nangchi ly nangmychi kypkyp my ataphra iy, khaileaung pri i khumi cheng cheaungkhangchi my cheh naira hawi panui hai naira lawm u ai. Nangchi i amyn y tau iy vaineng abeu u ai.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

JEREMIA 9:21

Dei areng ly achi i thaibeng pa-kho mang dengdairei, achi i yhm puichi theung y ang kun nai ne. Nichi ly lamchira y awm nai deaungdi chochi hawi, seng meingtym y awm nai thawndeang deaungdi ka-cheangchi ai padei bo.

Ezekiela 11:1

Tameuh i phailo ly kai ai ang kateang kalau iy Achura yhm nisi katheu pa-kho mang y ang hawi jo. Katheu pa-kho sahawi y pri i luchi napi nai Azura i chapo Jaazaniah hawi Benaiah i chapo Pelatiah nini abawi rau nai khumi leaung apom phai pangreichi ai kaniu bo.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

Ezekiela 9:5

Naibaly Tameuh my takhra khumichi teng y, “Huni khumi nithun abang iy mary verei y tleh u; ami ai py kangheng khai moh, ami ai py pahen moh.

AMOS 3:2

“Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

LUKA 12:47

Yhmkeung i kangai pany se iy, aeng rym y nai hawi, yhmkeung i kangai py so y nai miseaung ai ly neangneang pakhau ai.

Leu Thui Nai 2:34

Huna nai khala my, achi ly nichi i marychi peang be iy tamyh chau bo; neampacho, neampachy hawi deaungdi bawibawichi ai py, leaungrei ai py kangheng khai y.

Leu Thui Nai 3:6

Achi ly Hesabon samrang Sihon i peang nai marychi hawi, mary i khumichi ai tamyh pawn nai kamta, samrang Oka i peang nai mary bawibawichi ai taphra vui iy, neampacho, neampachy hawi cho deaungdi bawibawichi ai py tleh pawn bo.

Leu Thui Nai 32:23

“Kai ly nichi ai pajeng nairachi avum hai aninau ai. Kai i thailiho chynchi khei be na pa-rei nichi ai kako ai.

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.

AMTENG HAI NAI 7:3

“Kaichi ly Tameuh i miseaungchi ai ly nichi i lukati y pajawp typ nai ka-ma-ra so y ryrei ly kcheng ai hawi pangli ai hawi, dengkeaungchi ai py atiti hawi y nai sai py so hai u moh,’ nanai aeu u bo.

AMTENG HAI NAI 9:4

Naibaly Tameuh i pajawp typ nai ka-ma-ra lukati y by y nai khumichi harei khyh ny y baly, khaileaung pri i acha kangheng hawi, atiti heng yh nai amjychi hawi, dengkeaung ngiereichi ai py atiti hawi y nai so hai y ai nai nichi teng y thui pi bo.

1 SAMUELA 15:3

Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.