Ezekiela 9:5 - Khumi Common Language Bible

⁵ Naibaly Tameuh my takhra khumichi teng y, “Huni khumi nithun abang iy mary verei y tleh u; ami ai py kangheng khai moh, ami ai py pahen moh.

Ezekiela 9:5 ပူးပေါင်းရင်းမြစ်များ

1 ARENG KEH 18:40

Elija my, “Bala i amochi ai patiu u; leaungrei py tleaung moh sy!” nanai leu pei bo. Khumichi ly amo bawibawichi ai patiu iy, Elija ly nichi ai Kishon micheaung mang y pahawi i, tleh chau chau nai ne.

THEU NAI 32:27

Mosi my nichi teng y, “Israela chengchi i Areng Tameuh my, ‘Nangchi khumi luteng ly haisau syn iy, tai naira apai pa-kho tleirei y chei u bawibawi ly nangchi i amjo amnau, ahawi ka-dawi, yhm deaungpachi ai tleh u,’ nanai leu ang pei,” napi.

ISAIA 13:18

Mychi i thailihochi hawi thawndeang deaungdichi ai ko iy padei u ai. Nichi ly deaungdi chymplei naichi ai pahyp ai ny y. Deaungdichi ai py pahen ai ny y.

ISAIA 22:14

Ati cheaungkhang sa thai nai keung Areng mymy kypkyp my kai teng y, “Huni khumichi ly hini hawi y naira molam y heng nai sala ryrei, mana khala py kamngo lawi naira nga u ai ny y. Hini ly ati cheaungkhang sa thai nai keung kai, Areng my thui pi nai leu ne,” napi.

ISAIA 5:9

Ati cheaungkhang sa thai nai Areng my, “Hini apu parai nai yhm puichi ly khumi angso by y nai yhm kaphrachi lawm ai.

JEREMIA 9:21

Dei areng ly achi i thaibeng pa-kho mang dengdairei, achi i yhm puichi theung y ang kun nai ne. Nichi ly lamchira y awm nai deaungdi chochi hawi, seng meingtym y awm nai thawndeang deaungdi ka-cheangchi ai padei bo.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

Ezekiela 43:3

Hini paleung mei y niu nai ly Tameuh my Jerusalem mary taphra ai nai ang jeu nai neng khala, kai i paleung mei y niu nai hawi Kheba tavo sahawi y kai i paleung mei y niu naichi ly atawm nai ne. Huna nai y kai ly atlym i, khaileaung y ambeu bo.

Ezekiela 5:11

Areng my leu pei nai ly “Nangchi ly amso ngai nai cheaungkhangchi sa u iy, Achura yhm ai py chai hai y nai deaungkho y, kai ly Tameuh kangheng ne nai y, nangchi ai pahen y naimy kang tamyh pawn ai.

Ezekiela 7:4

Kai ly nang ai kangheng kang patleaung ai ny y. Mana mo i py kang pahen ai ny y. Nangmy i sa nai amso ngai nairachi molam y kai ly nang ai kang pajeng ai. Huna khala naini kai ly Areng ne, nanai nang pany ai,” napi.

Ezekiela 7:9

Kai ly nang ai kangheng kang patleaung ai ny y, mana mo i py kang pahen ai ny y. Nangmy i sa nai amso ngai nairachi molam y, kai ly nang ai kang pajeng ai. Huna khala naini kai ly Areng ne, nanai py, nang ai pajeng nai keung ly kai ne, nanai py nang ly pany ai,” nanai ne.

Ezekiela 8:18

Nichi ly dengkeaung changpi ai notareangra y bi naimy kai ai mei aniu y nai sa nai ly khen cham; nichi ly kai i khri pa-rei kado theu naira angym pa-rei avum u ai. Kai ly nichi ai kangheng patleaung ai ny y; mana mo i py kapahen ai ny y. Nichi ly kai teng y tao pajeng parai naimy aeu iy chiu sa u teu i py, kai ly kapathang pi ai ny y,” napi.

Ezekiela 9:10

Na i py kai ly nichi ai kapahen ai ny y, kangheng patleaung ai ny y. Huni khumichi my khumi takhra ai sa nai kamta nichi ai kaimy kasa ai,” napi.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

1 SAMUELA 9:15

Sawla tym y rai nai kanirei nai khala y, Areng my Samuela teng y,