Ezekiela 8:18 - Khumi Common Language Bible

¹⁸ Nichi ly dengkeaung changpi ai notareangra y bi naimy kai ai mei aniu y nai sa nai ly khen cham; nichi ly kai i khri pa-rei kado theu naira angym pa-rei avum u ai. Kai ly nichi ai kangheng patleaung ai ny y; mana mo i py kapahen ai ny y. Nichi ly kai teng y tao pajeng parai naimy aeu iy chiu sa u teu i py, kai ly kapathang pi ai ny y,” napi.

Ezekiela 8:18 ပူးပေါင်းရင်းမြစ်များ

LEU KACHENG 1:28

Huna nai khala nangchi ly kai ai palau u ai. Na i py kai ly kang pathang pi ai ny y. Nangchi ly kai ai meingtym tleirei y, hau teu i py niu ai ny y.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 59:1

Areng ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

ISAIA 59:2

Mymy thai y nai ly nangchi i kamngo nai deaungkho y teu. Nangchi ai Tameuh hawi taprei hai nai py, nangchi i kamngo my ne. Nangchi ly mymy ai chiu ai nai dawn nai khala y, Tameuh hawi nangchi ai taprei nai ly nangmychi i sa nai kamngo my ne.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 14:12

Nichi ly biu hai naimy kasabawmra hnei takeng teu i malawn py, kai ly khumichi i aeu nai raawi katangai pi ai ny y. Nichi ly kai teng y leng patlum nai kapathypra hawi katalamrachi talam i py, kai ly kawn pi ai ny y. Huna nai kakawn pi ai nai tleaung y ly tavai keung y dei hai ai. Takang theu hai iy no kanghawi y dei hai asi,” napi.

JEREMIA 23:39

Kai ly nichi ai akhi iy nichi hawi nichi i amsi pajochi ai pei pi nai mary hawi vanrei, kai teng i nai kamlo y aphi vui ai.

JEREMIA 44:3

Huna nai kamta kaimy tym hai nai ly huni mary i khumichi my hawi y nairachi sa iy kai ai kado patheu u nai deaungkho y ne. Nichi ly tameuh takhrachi teng y apathyp u iy, mychi kypkyp my, nangchi hawi nangchi i amsi pajochi chiu vai y nai tameuhchi ai chiu u bo.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

TANGAM NAI LEU 1:5

Ni i paleung ka-echi ly ni ai pajau i, nichi i peang nai anui y khai bo. Ni ly kamngo neangneang sa tamang i, Areng ly ni i tlang tleaung y, ngari kamtang tym hai nai ne. Ni i cho chanauchi ai ly patiu pawn iy, langheng hawi vui bo.

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

Ezekiela 16:42

Naibaly kai ly kado theu nai rym ai i, awmnem ai; kado theu bi ai ny y, ka-e paleung py awm bi ai ny y leang bo.

Ezekiela 23:25

Kai ly mei angai y i, kado theu nai deaungkho y nang ai kado katheu hawimy tara chih ai nai nichi teng y kapei ai. Nichi ly nang i notareang hawi kanochi seithlau iy cho chanauchi ai haisau y tleh ai. Nang i cho chanauchi ai ly hawi u pawn iy, kangheng tang naimy mai y leng angchi khyp ai.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

Ezekiela 9:10

Na i py kai ly nichi ai kapahen ai ny y, kangheng patleaung ai ny y. Huni khumichi my khumi takhra ai sa nai kamta nichi ai kaimy kasa ai,” napi.

Ezekiela 9:5

Naibaly Tameuh my takhra khumichi teng y, “Huni khumi nithun abang iy mary verei y tleh u; ami ai py kangheng khai moh, ami ai py pahen moh.

MIKHA 3:4

Nangchi ly Areng teng y vo naimy hnei takeng nai neng tym ai. Na i py mymy ly nangchi ai pathang pi ai ny y. Nangchi ly hawi y naira sa nai deaungkho y, mymy ly nangchi i hnei takeng nai raawi tangai pi ai ny y.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

ZEKHARIAH 1:2

Ati cheaungkhang sa thai nai Areng my Zekhariah teng y, “Kai, Areng ly nangchi i amsi pajochi ai, khri pa-rei kado theu hai bo.

ZEKHARIAH 7:13

Nichi ly kai i leu pei nai tangai u y nai deaungkho y, ati cheaungkhang sa thai nai Areng ly nichi i chiu sa nai raawi tangai pi y.

LUKA 13:25

Yhmkeung my angthau iy katheu kho veng nai bo y nangchi ly angam mang y angdo iy, ‘Areng, peaung pi kyh,’ nanai katheu y takhei nai khala y ni my ly, ‘Nangchi ma mang i awm nai mo kang pany kang pacha y leang,’ nanai ang pathang ai;

1 SAMUELA 8:18

Huni neng tym nai khala y, nangmychi my vawi takhra nai samrang molam y, tangam u naimy josei u ai. Na i py Areng my, nangchi i tangam nai, josei lengleang nai ly tangai pi ai ny y,” napi.