Ezekiela 8:17 - Khumi Common Language Bible

¹⁷ Areng my kai teng y, “Nang khumi cho awi, hunichi nang niu lo-oh? Hini Juda chengchi ly nang i niu nai amso ngai nairachi sa u nai ly kamsi kamdi chychy teu i, nichi ly pri verei y khrukhra naira kawi hai be bo. Huni khyh ny y rai, Achura yhm y jeu u iy hina naichi sa u nai deaungkho y, nichi ly kai ai kado ang patheu haira bo. Khen cham, nichi ly mana tanrei kai ai mei aniu y nai sa u na ly!

Ezekiela 8:17 ပူးပေါင်းရင်းမြစ်များ

ATITI AWM ANGCHEI NAI 6:11

Na i py khumi bawibawichi ly Tameuh i mei ka-niu y kamngo ne; meingtym tleirei y atho y khrukhra naira ly kawi bo.

ATITI AWM ANGCHEI NAI 6:13

Tameuh my Nova teng y, “Kaimy khumi angso bawibawichi ai tamyh vui ai nai dawn bo. Ati mana nai mo nabaly khaileaung pri ly khumichi i atho y khrukhra hai nairachi kawi nai deaungkho y kai ly nichi ai katamyh keng ai.

2 ARENG KEH 21:16

Manase ly Juda mipuichi ai myn chiu ai nai lam patei iy, Areng i tlang tleaung y sa tamang hai bo. Huni bo y kamngo by y nai khumi neangneangchi ai padei iy, Jerusalem mary lamchi ra y thi leaung hai bo.

2 ARENG KEH 24:4

mymy mei ka-niu i dengdairei, patheu pawn ai ngai nai deaungkho y, hina nai kamta sa nai ne. Huni kamngo molam y Areng ly Manase ai kamngo pahen pi y bo.

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 20:8

Kai ly leu thui nai tleirei aeu iy, “Khrukhra naira! Phra naira!” nanai aeu ai tla nai ne. Aw Areng, kai ly thui tamawn nai hawi panui hai naira avum bo; ati mana nai mo nabaly nang i leu pei nai thai hai nai deaungkho y ne.

JEREMIA 44:3

Huna nai kamta kaimy tym hai nai ly huni mary i khumichi my hawi y nairachi sa iy kai ai kado patheu u nai deaungkho y ne. Nichi ly tameuh takhrachi teng y apathyp u iy, mychi kypkyp my, nangchi hawi nangchi i amsi pajochi chiu vai y nai tameuhchi ai chiu u bo.

JEREMIA 6:7

Tuikhora i tui leaung amjawn jo nai kamta, Jerusalem mary i hawi y nairachi ly leaung amjawn jo nai ne. Mary theung y khrukhra naira, alawm nairachi py kathai i, noso hawi tamo kalem nga naichi py kaniu bo.

TANGAM NAI LEU 1:5

Ni i paleung ka-echi ly ni ai pajau i, nichi i peang nai anui y khai bo. Ni ly kamngo neangneang sa tamang i, Areng ly ni i tlang tleaung y, ngari kamtang tym hai nai ne. Ni i cho chanauchi ai ly patiu pawn iy, langheng hawi vui bo.

Ezekiela 11:6

Nangchi my padei nai khumichi ly khri pa-rei nawi nai deaungkho y, lamchi ly khumi veuchi hawimy kawi na veng bo.

Ezekiela 16:26

Paleaung ham parai nai yhm deaungpa Aikupta chengchi ai, mymy hawi vanrei i ahawi ai nai pei iy, bima sa nai ly kai ai kado patheu nai ne.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 23:25

Kai ly mei angai y i, kado theu nai deaungkho y nang ai kado katheu hawimy tara chih ai nai nichi teng y kapei ai. Nichi ly nang i notareang hawi kanochi seithlau iy cho chanauchi ai haisau y tleh ai. Nang i cho chanauchi ai ly hawi u pawn iy, kangheng tang naimy mai y leng angchi khyp ai.

Ezekiela 28:16

Nang ly ka-jo ka-van sa nai kalop nawi nai deaungkho y, kamjau kamteang sa nai hawi, kamngo nairachi sa lawh bo. Hunai deaungkho y kai ly kai i chai parai nai mawi salo i nai, nang ai athorei my theu hai nai ne. Aw tamcheaung typ nai kani pri amtaw thau nai awi, sadi nanai vang kateng lengseaungchira i nai nang ai kang paryh bo.

Ezekiela 45:9

Sa thai naira angym nai Areng my, “Israela samrangchi awi, nangchi i kamngo sa nai ly kra bo! Nangchi i khrukhra naira hawi kamjau kamteang sa nai ly anawn u. Kataw kateng hawi adyh adawi nairachi so u. Nangchi ly kai i khumichi ai mymychi pri i nai mana khala py patheu bi reng moh. Hini ly nangchi teng y sa thai naira angym nai kai, Areng my pei nai leu ne.

Ezekiela 7:11

Khrukhra naira ly aso y nairachi peung hai ai. Nichi hawi amtawn abi nai ngierei ly awm ai ny y. Nichi i nang chawn nai haiho ly akan ai ny y.

Ezekiela 7:23

Pri theung y khumi ai padei naichi hawi, marychira y khrukhra nairachi py kawi nanai deaungkho y, meingtym tleirei y khru nganglang naimy awm ai

Ezekiela 8:6

Tameuh my kai teng y, “Nang khumi cho awi, nichi i sa nai leaungsai nang niu lo-oh? Hini meingtym y Israela chengchi i sa nai amso ngai naichi khen cham; nichi ly kai ai meingtym kachai hawi palo tleaung palora naira mang y ang paryh bo. Nang ly hunichi tleaung y amso ngai hawi naichi malawn py niu ai,” napi.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

AMOS 6:3

Hawi y nai neng kani ang tym ai bo, nanai nangchi ym u y; nangchi i sa nai sai ly huni neng kani tym hai ai nai kasa bo.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

MIKHA 6:12

Yhmtheaung katui nang nai khumichi ly khumi kamawnchi tlang tleaung y thi pajawp u bo. Nangchi bawibawi ly tapawp nai khumichi ne.

ZEPHANIAH 1:9

Myn y chiu nai khumichi kamta sa naichi ai py, mychi i yhmkeung yhmy lawm nai vawnsaichi nga angym hai ai nai molam, khumichi ai padei naichi ai py, kaimy tamyh pawn ai,” napi.