Ezekiela 8:16 - Khumi Common Language Bible

¹⁶ Hunai deaungkho y mymy ly kai ai Achura yhm apai theung y anghawi. Achura yhm y kun nai pa-kho sahawi i maicham hawi dangkhung sala y khumi leaung apom phai pangrei awm. Nichi ly Achura yhm y nithun thun u iy nisi mang y mo tha naimy kani si nai ai chiu u nai ne.

Ezekiela 8:16 ပူးပေါင်းရင်းမြစ်များ

1 ARENG KEH 8:29

Nang ai chiu ai nai nangmy vawi takhra pi nai, hini Achura Yhm ai vum kanithun typ pi jojo kyh ba. Hini Achura Yhm mang y mo tha naimy kai, chiu sa nai khala tangai pi kyh ba.

2 ARENG KEH 16:14

Areng teng y talam nai kheupaja maicham ly maicham kangtha hawi Achura yhm sala y awm nai ne i, Ahaz ly huni maicham ai maicham kangtha tosyh ngan mang y kasyh vui bo.

2 ARENG KEH 21:5

Achura yhm apai nyhrei theung y py, ka-sichi ai chiu ai nai maichamchi sa.

2 ARENG KEH 23:11

Ni ly kanito ai chiu ai nai Juda samrangchi my talam nai keaungngochi py la pi pawn iy, chiu naira y teaung nai ka-richi py, mai leng vui bo. (Hini ly tahm asang nai miteaung keh Nathan Meleh yhm sahawi i, Achura yhm apai pa-khora khai nai ne.)

2 ARENG KEH 23:5

Ni ly Juda marychi hawi Jerusalem mary tengpang sahawi y mynchi teng y apathyp ai nai, Juda samrang my khai nai pathyp pi nai keungchi ai py, Bala tameuh, kanito, lo, ka-si, tempochi teng y apathyp nai pathyp pi nai keungchi ai py, kalopra i nai patheu pawn nai ne.

2 NENG SATANG 29:6

Achi i amsi pajochi ly achi i Areng Tameuh i tlang tleaung y ka-ym by y iy, mymy i kangai so u y. Nichi ly mymy ai khai u su iy awm naira meingtym ai py nithun thun u vui bo.

2 NENG SATANG 7:7

Solomon ly Achura yhm mo y awm nai sala i ly-um khai takhra chum baly, huni meingtym y leng patlum nai kapathypra, amti amjang talam nai, amkawm nai katalamra i thauchi talam bo. Hina nai sa nai ly samrang i sa nai kheupaja maicham ly huni katalamra bawibawichi i vui theang ala nai deaungkho y ne.

JEREMIA 2:27

Dengkeaung keung teng y, ‘Nang ly kai i ampo ne,’ nanai py, lengseaung teng y, ‘Nang ly kai i amhm ne,’ nanai py nangchi thui u bo. Nangchi ly kai mang y amhi y, kai ai nithun thun u. Na i py nangchi ly ka-jeira avum nai khala y, kaichi ai sabawm ai nai jeu kyh ba, nanai kai teng y hnei u bo.

JEREMIA 32:33

Nichi ly kai ai nithun thun u bo. Kai ly nichi ai kaparip akheng teu i py, nichi ly tangai ai nai ngai u y; thui parip nai py ngai u y.

JEREMIA 44:17

Kaichi ly kaimychi vaichi khala kasa u reng naichi ai naini kasa u ai. Juda marychi hawi Jerusalem lamchira y, kaichi hawi kaimychi i amsi pajochi, kaichi i samrang hawi lu sa naichi my sa reng nai kamta, kani khusang samrangnu, napi nai kani anglo teng apathyp iy, ni i vui kreip hang katalamrachi leih pi ai. Huna nai thym khala kaichi ly kajeu kawi pa-rei cha ai nai nga; nang chawn naimy patang palai nai py by y nai ne.

JEREMIA 7:18

Cho deaungdichi ly theng acheaung i, neampacho ka-cheangchi my mai paeng iy, neampachy ka-cheangchi ly kani khusang samrang nu, napi nai kani anglo teng y talam ai nai, tako dei katlen iy paawp pi bo. Nichi ly kai ai paleung aleng hai ai nai tameuh takhrachi i vui kreip hang katalamrachi py leih iy talam u nai ne.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

Ezekiela 10:3

Huni khumi kun nai khala y heng nai amjychi ly Achura yhm tokalawi ngan mang y angdo u. Achura yhm apai theung y py khupanym my kawi na.

Ezekiela 11:1

Tameuh i phailo ly kai ai ang kateang kalau iy Achura yhm nisi katheu pa-kho mang y ang hawi jo. Katheu pa-kho sahawi y pri i luchi napi nai Azura i chapo Jaazaniah hawi Benaiah i chapo Pelatiah nini abawi rau nai khumi leaung apom phai pangreichi ai kaniu bo.

Ezekiela 23:35

Sa thai naira angym nai Areng my leu pei nai ly “Nang ly kai ai tami vui iy nithun thun naimy kamleaung paleung hawi bima kalop sa nai molam y, nang ly patang naira avum ai,” napi.

Ezekiela 23:39

Kai i cho chanauchi ai mynchi teng y apathyp nai kani y my, kai i Achura yhm y jeu iy chai y naichi sa hawi lawh!

Ezekiela 40:28

Huni khumi ly tokalawi pa-kho tako prei iy, kai ai apai theung i ly-um y hawi bo. Ni ly apai pa-kho pata cham i, takhra apai pa-khochi hawi vanrei atawm teang nai ne.

Ezekiela 40:6

Naibaly ni ly nisi mang y mo amtheung nai apai katheu mang y chei i, khailei lyn iy salo keh i kheubyn dengdai katheu pa-kho y khrairei pata cham i, ka-sang miu tariurei awm nai avum.

Ezekiela 43:5

Areng i phailo ly kai ai ang kateang iy, apai theung i ly-um mang y ang hawi bo. Achura yhm ly Areng i nang parai nai hawimy kawi nanai ly huni mangmy niu nai ne.

Ezekiela 43:8

Samrangchi ly mychi i katheu chenghengchi hawi katheu kheutangchi ai, kai i Achura yhm katheu chenghengchi hawi katheu kheutangchira y tabiri iy sa u. Huna nai y kai hawi nichi sala ly angpang harei arai khyh bo. Nichi ly amso ngai hawi nai cheaungkhangchi sa iy, kai i amyn kachai ai thui tamawn u bo. Huna nai y kai ly kado theu i, nichi ai taphra nai ne.

Ezekiela 45:19

Pathyp pi nai keung ly kamngo alawra nga ai nai tawnbawi thi maidenreichy la iy Achura yhm chenghengchi, maicham taki palyhrei hawi apai theung i ly-um y kun nai katheuchira y kaleu ai nai tla.

Ezekiela 46:1

Sa thai naira angym nai Areng my, “Apai theung i ly-um mang y kun nai nisi katheu pa-kho ly kalop sa nai kani tariurei sala akho typ ai nai tla. Na i py huni pa-kho ly Anawn kani hawi lo si kani y paeaung jo ai nai tla.

Ezekiela 7:23

Pri theung y khumi ai padei naichi hawi, marychira y khrukhra nairachi py kawi nanai deaungkho y, meingtym tleirei y khru nganglang naimy awm ai

Ezekiela 8:15

Mymy ly “Nang khumi cho awi, hunichi ai niu lo-oh? Huni tleaung y malawn py amso ngai nairachi nang niu bi ai rai,” napi.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.

Leu Thui Nai 17:3

tameuh takhrachi hawi kani, lo, ka-sichi ai chiu u nai deaungkho y Areng i leu pei naichi py ei vui, nanai satang thai u.

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.