Ezekiela 8:11 - Khumi Common Language Bible

¹¹ Hunira y Shaphan i chapo Jaazaniah raurei, Israela cheng lu sa nai leaung vui saryhreichi awm. Nichi ly mui katui leng patlum nai khau ha harei syn u akyhkyh. Mui katuira i maikhyhchi py amhui kalau nai ne.

Ezekiela 8:11 ပူးပေါင်းရင်းမြစ်များ

2 ARENG KEH 22:12

Naibaly samrang ly pathyp pi nai keung Hilikiah, Shaphan i chapo Ahikam, Mikaia i chapo Akibor, samrang yhm secretary Shaphan hawi samrang i tamcheaung Asaiah, nichi ai palau iy,

2 ARENG KEH 22:14

Naibaly Hilikiah, Ahikam, Akidor, Shaphan hawi Asaiah, nichi ly Jerusalem mary kangthara y awm nai Huladah, napi nai neampachy amo teng y tym u i, leu deng u bo. (Huni neampachy i juvo ly Haraha i katu, Tikvah i chapo Shalum ne. Ni ly Achura yhm i baichu ateaung alangchi kry nai keung ne.)

2 ARENG KEH 22:3

Samrang Josia my peang nai saneng holai tajarei saneng y, Meshulam i katu, Azalia i chapo secretary Shaphan ai Achura yhm mang y pato bo.

2 ARENG KEH 22:8

Shaphan ly samrang i leu pei naichi, Helkia teng y thui pi. Naibaly Helkia my, mymy ly Achura yhm theung y Reita leu pei nai cha-iu niu nai thui pi bo. Helkia ly huni cha-iu ai Shaphan teng y pei pi i, Shaphan ly phain nai ne.

2 ARENG KEH 25:22

Babulon samrang Nebukhadnezar ly Shaphan i katu, Ahikam i chapo Kedalia ai Juda samrang i bangtang kalenra y khai bo. Ni ai ly Babulon pri mang y hawi naira y abawi y nai khumichi ai peang hai nai ne.

2 NENG SATANG 26:16

Na i py samrang Uzia ly sa thai naira len ryh len ryh nai khala y, amlyh am-e nai deaungkho y jy bo. Ni ly Achura yhm theung y kun iy maicham salo y mui katuichi leng patlum nai molam y, my i Areng tlang tleaung y kamngo sa nai ne.

2 NENG SATANG 26:19

Uzia ly mui katuichi leng patlum ai nai mai-ai takip iy, Achura yhm mui katui leng patlum nai maicham sahawi y angdo. Ni ly pathyp pi nai keungchi ai kado theu hai nai deaungkho y, ni i lupang ly vaimy ka-jei awm nai keaungsi man nai ne.

2 NENG SATANG 34:20

Ni ly Hilikia, Shaphan i chapo Ahikam, Mikaia i chapo Abadon,secretary Shaphan hawi tamcheaung Asaiahchi ai palau iy,

THEU NAI 24:1

Areng my Mosi teng y, “Nang ly Aron, Nadab, Abihu hawi Israela chengchi ai lu sa nai leaung vui saryhreichi ai hawi iy, kai teng y mawi saleung y lyn hai kalau; nangchi ly kamlo kyh mang dengdairei kai ai chiu u.

THEU NAI 24:9

Mosi, Aron, Nadab, Abihu hawi Israelachi ai lu sa nai leaung vui saryhreichi ly mawi saleung y lyn u bo.

ISAIA 44:13

Myn oh nai keung ly pjeng pata chum baly, chakaleaung hawi myn jyn iy mymy i ateaung alangchi hawi palum bo. Ni ly chiu nai meingtymra y khai ai nai khumi myn harei sa nai ne.

JEREMIA 19:1

Areng ly chy-y harei van ai nai kai ai pato nai ne. Mymy ly kai hawi vanrei saneng len nai khumi mipuichi theng i lu sa nai miteaung keh phyreichi hawi, pathyp pi nai keung phyreichi ai hawi ai nai py,

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 26:22

Samrang Jehojakim py Uriah ai patiu ai nai Akhabo i chapo Elanathan hawi khumi phyreichi ai Aikupta pri y pato.

JEREMIA 26:24

Na i py kai ly Shaphan i chapo Ahikam my asa hai nai deaungkho y, khumichi i kiu y au i, padei y nai ne.

JEREMIA 29:3

Kai ly huni cha ai Juda samrang Zedekiah my samrang Nebukhadnezar teng y pato nai Shaphan i chapo Eleasah hawi, Helkia i chapo Kemaria nini lawi pei pi. Huni cha theung y,

JEREMIA 36:10

Huna nai khala y Baru ly cha aeangra i, kaimy labeaung mang thui pi nai ngiereichi ai, Achura yhm theung y awm nai khumichi thai pajau nai meingtym mang phain pi bo. Ni ly Kemaria i chapo, samrang ai tau pei nai keung Shaphan i takun mang my huni cha phain pi nai ne. Huni takun ly Achura yhm katheu pa-kho kangtha kunra sahawi, salo kangtheng theung y awm nai ne.

JEREMIA 44:21

“Juda marychi hawi Jerusalem mary lamchira y nangchi hawi, nangchi i amsi pajochi, nangchi i samrangchi hawi lu sa naichi, mipuichi my talam nai kapathyprachi molam y Areng pany y, nanai py, tami veng bo, nanai py, nangchi athang khai u a?

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

JEREMIA 52:27

samrang ly Hamath khu ka-peang Riblah mary y, nichi ai khyh pakhau iy padei hai bo. Hunai deaungkho y Juda khumichi ai ly langheng y palawn iy mymychi pri i nai hawi vui nai ne.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

Ezekiela 20:1

Pri palara avum nai saryh saneng, pa-ngo lo, lo si kani horei kani y Israela lu sa nai keung phyreichi ly Areng i kangai deng ai nai kai teng y tym u. Huni khumichi kai i mo y ateh u nai khala,

Ezekiela 8:10

Hunaibaly kai ly theung mang y kun iy khen bo. Apai dengpangra y pavuichi, takhra chai y nai tawnbawi mynchi hawi, Israela chengchi my chiu nai takhra mynchi kaniu.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

DANIELA 9:8

Aw Areng, kaichi i samrangchi, samrang i cho chanauchi hawi amsi pajochi ly angji ngai nairachi sa naimy, nang i tlang tleaung y kamngo sa u bo.

Kati Nai 11:16

Areng my Mosi teng y, “Israela cheng theung i tahm awm iy lu sa pajau nai keung leaung vui saryhreichi ai kai i awmra Tabynakora y jeu achu hai ly nang i sahawi y angdo hai.

Kati Nai 11:25

Naibaly Areng ly tamai theung y satla kathiu i, Mosi hawi leu arum bo. Areng ly Mosi teng y pei nai phailo phyrei la iy lu sa nai leaung vui saryhreichi teng y pei pi bo. Nichi ly phailo nga u nai khala amochi kamta aeu u; na i py nichi ly tlenrei aeu u khyh.

Kati Nai 16:17

Nangchi khumi luteng ly maichamra talam ai nai amymy i mai laawm syn akyhkyh ly hunira y rimui khai iy syn u ai nai tla,” napi.

Kati Nai 16:35

Naibaly Areng my mai kangveaung tla hai i, rimui mui katui talam nai khumi leaung 250reichi mai my kang be bo.

LUKA 10:1

Naibaly huni pajau khala y Areng my khumi takhra leaung vui saryhreichi ai vawi i, mymy i chei ai tau nai avang tleirei hawi, meingtym tleirei y mymy i mo mang y leaung nyh leaung nyhrei ai pato.