Ezekiela 7:8 - Khumi Common Language Bible

⁸ “Kra y naimy nang ly kai i khri pa-rei kado theu nai kawi angym na pa-rei nang i tlang tleaung y kang leih ai. Kai ly nangmy i sa naichi molam y nang ai tara chih ai. Nangmy i sa nai amso ngai naichi vawilai ly nang ai vawitheung kang tha ai.

Ezekiela 7:8 ပူးပေါင်းရင်းမြစ်များ

2 NENG SATANG 34:21

“Nangchi ly chei u iy, hini cha-iu theung i thui naichi kai i vui hawi Juda pri hawi Israela pri y awm jo rai nai khumichi i vui py Areng teng y deng pi u cham. Achi i amsi pajochi ly Areng i leu tangai u y. Reita cha-iu theung y awm naichi so patawm u y nai deaungkho y, Areng ly achi i tlang tleaung y kado theu nai bo,” napi.

SAM 79:6

Nang ai chiu y nai khumichi hawi. nang teng y chiu sa hnei takeng y nai khumichi ai py, kado theu hai bo.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

JEREMIA 36:31

Nangchi i sa tamang nai kamngochi deaungkho y, kai ly nang hawi nang i katu chanauchi ai, nang i bangtangchi hawi vanrei kapajeng ai. Nang hawi Jerusalem mary i khumichi, Juda khumichi ly kaimy pany hai naichi ai tahm khai u y. Hunai deaungkho y kai ly kaimy kang pajei, kang pahyn nai ka-jeira ai nangchi i tlang tleaung y kang tym hai ai, nanai leu pei nai amti pi,” napi.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

TANGAM NAI LEU 2:4

Mymy ly paleung ka-e kamta achi ai thailiho hawi ang patyp rym iy, atho nga, amo theu, tahm akhai amlyh nai khumi bawibawichi ai py padei bebe bo. Jerusalem mary theung y achi ly mymy i angveaung nanai kado theu naira avum u bo.

TANGAM NAI LEU 4:11

Areng ly mymy i khri pa-rei kado theu nai haiho angym pa-rei tym hai bo. Mymy ly Zion mary y mai paeng iy, huni mary ai maidym saprawi lawm hai bo.

Ezekiela 11:21

Na i py kai ly amso ngai hawi nai mynchi mang y paleung apei naichi ai ly kapajeng ai,” napi. Hini ly sa thai naira angym nai Areng i leu pei nai ne.

Ezekiela 14:19

“Kai ly huni pri y no kanghawi tym hai iy kado theu naira my khumi neangneangchi hawi, tawnbawi neangneangchi ai dei hai baly,

Ezekiela 16:43

Nang ly nangmy deaungdi khala i satang ai tami veng iy, hawi y naira cheaungkhangchi sa nai ly kai ai kado theu hai nai ne. Huna nai y huni leaungsaichi molam y, kai ly nang ai kang pajeng ai. Nang ly hawi y nairachi sa nai bo y, takhra amso ngai hawi naichi ai ati mana nai sa panawi bi lawh mo?,” napi. Hini ly sa thai naira angym nai Areng i thui nai leu ne.

Ezekiela 16:59

Sa thai naira angym nai Areng my, “Nang ly nangmy i adeu nai leuchi ai tahm khai y, Leu Maikawm py taphra nai deaungkho y nang, nga ai ataing nai kamngolai kang pajeng ai.

Ezekiela 18:30

“Aw Israela chengchi awi, sa thai naira angym nai kai Areng ly vai, nangchi leaung leaungrei ai, nangmychi i hawi y sa nai leaungsai molam y tara chih ai, nanai thui u bo. Nangchi ly hawi y sa nai bawibawira i nai hi u vui; kamngo my ly nangchi ai taphra moh sy.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

Ezekiela 20:21

“Na i py huni khumi kangpreangchi py kai ai amtang u nai ne. Kai i leu pei nai tangai nai ngireichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Nichi ai daichi ka-vym y dei hai ai nai, kai ly kaimy i kado theu naira nichi i tlang tleaung y tym hai iy, pajeng naira avum hai ai, nanai kadawn bo.

Ezekiela 20:33

Sa thai naira angym nai kai, Areng ly Tameuh kangheng ne; kai ly kado theu naimy atho len parai nai sa thai naira hawi kiu pheu iy, nangchi ai kang peang ai.

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

Ezekiela 22:31

Hunai deaungkho y kai ly kado theu naira tym hai iy nichi i tlang tleaung y kado katheu mai kangveaung kamta tym hai ai. Nichi i sa nai saichi molam y nichi i lu tleaung y tym hai ai,” napi. Hini ly sa thai naira angym nai Areng i pei nai leu ne.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

Ezekiela 30:15

Aikupta pri i amtangra mary napi nai Pelusium mary ai kai i kado theu naira avum hai ai. Thebe mary i nang chawn nai taphra ai.

Ezekiela 33:20

Na i py nangchi Israela chengchi awi, nangchi my kai i sa nai ly teng y, nanai thui u bo. Kai ly nangchi i sa nai molam y nangchi ai tara chih ai,” napi.

Ezekiela 6:12

Kamlo y tym nai khumichi ly no-na y dei u ai i, kang sa i khumichi ly tavai keung y dei u ai. Dei kamthumchi ly kajeu kanglam y dei u ai. Nichi ly kai i khri pa-rei kado thau nai angym pa-rei avum u ai.

Ezekiela 7:27

Samrang ly vo tangam naimy awm ai; samrang i chapo py athang khai naira awm ai ny y; khumi mipuichi ly jei hyn naimy awm u ai. Kai ly nangchi ai nangmychi i sa naichi deaungkho y pajeng ai. Nangchi ly khumi takhra ai tara chih u nai kamta, nangchi ai kaimy tara kangchih ai. Hina nai hawi my kai ly Areng ne, nanai nangchi pany u ai,” napi.

Ezekiela 7:9

Kai ly nang ai kangheng kang patleaung ai ny y, mana mo i py kang pahen ai ny y. Nangmy i sa nai amso ngai nairachi molam y, kai ly nang ai kang pajeng ai. Huna khala naini kai ly Areng ne, nanai py, nang ai pajeng nai keung ly kai ne, nanai py nang ly pany ai,” nanai ne.

Ezekiela 9:10

Na i py kai ly nichi ai kapahen ai ny y, kangheng patleaung ai ny y. Huni khumichi my khumi takhra ai sa nai kamta nichi ai kaimy kasa ai,” napi.

Ezekiela 9:8

Huna nai nichi my tleh u nai thym khala kai ly kaimy tlairei kaawm jo nai ne. Kai ly khaileaung y tabiu iy ambeu naimy, “Aw sa thai naira awm nai Areng, nang ly Israela pri y awm rai nai khumi ngiereichi ai padei hai ai nai pa-rei, Jerusalem mary y kado theu hai na bo a?,” nanai aeu naimy katakeng bo.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

DANIELA 9:27

Huni samrang ly khumi neangneangchi hawi, saneng saryh ryrei khaw parai nai ka-dyh ka-dawi asa ai. Saneng thomrei bo y lo tariurei tym nai khala y ni ly kapathypra hawi katalamrachi anawn hai ai. Naibaly ka-jei awm nai amso ngai naira ai lyAchura yhm khumichi niu thai nai ka-sangra y banghau ai. Huni ly bang nai khumi i vui, Tameuh my sa yb nai phra nai neng tym pa-rei, Achura yhm y awm jo ai,” napi.

HOSEA 12:3

Nichi i amsi pajo Jakob ly amhm taku theung y awm nai khala my, amjo Esaw hawi ajo hawi bo. Jakob ly tleaungri acheang nai khala y, Tameuh ai ka-awi sa iy ajo hawi nai ne.

HOSEA 5:10

Areng my, “Juda chengchi ai lu sa nai keungchi ly Israela pri y tiu iy nichi i khaileaung paviu u nai deaungkho y, kai ly kado theu i tui hawi taphra nai kamta, nichi ai pajeng ai.

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai: