Ezekiela 7:24 - Khumi Common Language Bible

²⁴ Kai ly hawi y keh nai khumi chengchi ai hini meingtym y hawi iy, nangchi i yhmchi ly nichi teng y kapei vui ai. Huni khumichi ai nangchi i chiu nai meingtymchi chainem hai y ai nai kaimy kapei nai khala, nangchi atho len nai khumichi ly paleung phra u ai.

Ezekiela 7:24 ပူးပေါင်းရင်းမြစ်များ

ATITI AWM ANGCHEI NAI 47:26

Hunai deaungkho y Josepha my samrang i vui cho tyn nai khala y, phy pangrei theung i phyrei khai pi takhra ai nai Aikupta pri y reita sa pi bo. Huni reita ly vaini khrairei teaung jojo nai ne. Pathyp pi nai keungchi i khaileaung ly samrang i vui y lawm hai y leang.

SAM 106:41

Mymy ly nichi ai cheng takhra khumichi teng y khai su nai deaungkho y, paleung ka-echi my nichi ai peang bo.

SAM 74:7

Nichi ly nang i Achura yhm ai mai leng u bo; nang ai chiu naira meingtym ai taphra iy, chai hai y bo.

SAM 83:12

Zeeba samrang hawi Zalmona samrang nini my, “Ani ly Tameuh i peang nai pri lo veng sina,” nanai thui hawi nai ne.

ISAIA 5:14

Tavau pri ly nichi ai pajawn ai ngai nai deaungkho y, my i labeaung ly ang pachaka na bo. Jerusalem mary i bangtangchi ai py, khru nganglang naimy kadosum nai khumi kanghu puichi hawi raurei, pajawn vui nai ne.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 17:4

Nang i kamngo molam y nangchi ly kaimy kang pei nai pri khai su ai nai tla ai. Kai i kado theu nai ly mai hawi atawm iy, angveaung jojo ai. Kai ly nangchi ai nangmychi tym vai y nai pri i paleung ka-echi teng y miseaung achei hai ai,” napi.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 6:12

Nichi i yhmchi, li hlauchi hawi ajuchi ly ami i kiu y tym ai. Kai ly hini pri i khumichi ai kiu pheu iy pajeng ai.

TANGAM NAI LEU 5:2

Kaichi i yhmtheaung katuichi ly apany vai y nai khumichi kiu y tym lawh bo. Cheng takhra khumichi ly kaichi i yhmchira y athum u vui bo.

Ezekiela 21:2

Mymy ly “Nang khumicho awi, Jerusalem mary mang y hi iy, huni mary ai thui tamawn ba. Khumichi i chiu nai meingtymchi ai py thui tamawn ba. Israela pri y pany hai pi ba.

Ezekiela 21:31

Kai ly mai kangveaung kamta kai i kado theu naira ly nang i tlang tleaung y kang tym hai ai. Nang i tlang tleaung y pahyp y naimy ana nai keung, kataphra kawp nai khumichi teng y kang au ai.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

Ezekiela 28:7

kai ly pahyp y nai paleung ka-echi my nang ai tiu ai nai kang hawi ai. Nang i cheng naira hawi kawp naira hawimy, ko naira i apu parai nai vawnsaichi ai, nichi my ang taphra pi pawn ai.

Ezekiela 33:28

Kai ly huni pri y khumi angso savai tlang nai meingtym lawm hai ai. Khumi mipuichi amlyhra lawm nai sa thai naira py tama vui ai. Amimi py aki aleaung thai y na pa-rei, Israela mawichi ly khumeung khuram lawm ai.

ZEPHANIAH 1:13

Khumi takhrachi ly huni khumichi i yhmtheaung katuichi lawm iy, nichi i yhmchi taphra u ai. Nichi ly mychi sa nai yhmchira y, mana khala py awm ai nai nga u ai ny y. Mychi i ui nai kreip akhochira i kreip hang py, nei ai nai nga u ai ny y,” napi.