Ezekiela 7:23 - Khumi Common Language Bible

²³ Pri theung y khumi ai padei naichi hawi, marychira y khrukhra nairachi py kawi nanai deaungkho y, meingtym tleirei y khru nganglang naimy awm ai

Ezekiela 7:23 ပူးပေါင်းရင်းမြစ်များ

2 ARENG KEH 21:16

Manase ly Juda mipuichi ai myn chiu ai nai lam patei iy, Areng i tlang tleaung y sa tamang hai bo. Huni bo y kamngo by y nai khumi neangneangchi ai padei iy, Jerusalem mary lamchi ra y thi leaung hai bo.

2 ARENG KEH 24:4

mymy mei ka-niu i dengdairei, patheu pawn ai ngai nai deaungkho y, hina nai kamta sa nai ne. Huni kamngo molam y Areng ly Manase ai kamngo pahen pi y bo.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 59:3

Nangchi ly ka-chawi leu katheu nai, nangchi i kiuchi hawi kiu pajeungchira y thi abawi nai, khumi ai tleh nai, hunichi molam y kamngo awm u nai ne.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 27:2

Mawipeih vuinawnchi, si kaneaung y beung nai tamtleang sa iy, nang i kaneaungra y atleang ba.

JEREMIA 40:1

Tavai lu areng Nebuzaradan ly Ramah mary y kai ai kawmchengra i nai su pi chum nai khala, Areng ly kai teng y leu ang pei nai ne. Kai ly Babulon mary y langheng hawi nai takhra Jerusalem mary i khumichi, Juda khumichi hawi vanrei huni mary y abang nai ne.

JEREMIA 6:7

Tuikhora i tui leaung amjawn jo nai kamta, Jerusalem mary i hawi y nairachi ly leaung amjawn jo nai ne. Mary theung y khrukhra naira, alawm nairachi py kathai i, noso hawi tamo kalem nga naichi py kaniu bo.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

TANGAM NAI LEU 3:7

Mymy ly kai ai sengkrychi hawi ang pakheng cheng bo. Kai ly theaung tla nai khumi ne i, lawira nga ai nai athang khaira by y.

Ezekiela 11:6

Nangchi my padei nai khumichi ly khri pa-rei nawi nai deaungkho y, lamchi ly khumi veuchi hawimy kawi na veng bo.

Ezekiela 12:19

Sa thai naira awm nai Areng my pei nai hini leu ai ly Israela pri Jerusalem mary y vai, awm u rai nai khumichi i vui ne, nanai thui pi. Huni khumichi ly kaso theu naimy teicha teinei cha u ai nai tla ai i, jei hyn naimy tui py nei u ai nai tla ai. Khumi luteng ly reita leu ai pipi dawn y nai deaungkho y, nichi i pri ai khumi angso savai tlang nai lawm hai ai.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 22:13

“Kai ly nang i lawm nai hawi tleh naichi molam y, kiu makeng nyhrei atabeng nai ne.

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

Ezekiela 22:9

Nang theung i phyrei khumichi ly ka-jo pakei iy, khumi takhrachi ai padei ai nai tau u nai ne. Nang theung i phyrei khumichi ly mawi salo chiu nai meingtymra i mynchi teng y apathyp nai mawi cha u. Phyrei khumichi ly kamleaung sa naira y amo theu u nai ne.

Ezekiela 45:9

Sa thai naira angym nai Areng my, “Israela samrangchi awi, nangchi i kamngo sa nai ly kra bo! Nangchi i khrukhra naira hawi kamjau kamteang sa nai ly anawn u. Kataw kateng hawi adyh adawi nairachi so u. Nangchi ly kai i khumichi ai mymychi pri i nai mana khala py patheu bi reng moh. Hini ly nangchi teng y sa thai naira angym nai kai, Areng my pei nai leu ne.

Ezekiela 8:16

Hunai deaungkho y mymy ly kai ai Achura yhm apai theung y anghawi. Achura yhm y kun nai pa-kho sahawi i maicham hawi dangkhung sala y khumi leaung apom phai pangrei awm. Nichi ly Achura yhm y nithun thun u iy nisi mang y mo tha naimy kani si nai ai chiu u nai ne.

Ezekiela 8:17

Areng my kai teng y, “Nang khumi cho awi, hunichi nang niu lo-oh? Hini Juda chengchi ly nang i niu nai amso ngai nairachi sa u nai ly kamsi kamdi chychy teu i, nichi ly pri verei y khrukhra naira kawi hai be bo. Huni khyh ny y rai, Achura yhm y jeu u iy hina naichi sa u nai deaungkho y, nichi ly kai ai kado ang patheu haira bo. Khen cham, nichi ly mana tanrei kai ai mei aniu y nai sa u na ly!

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

NAHUM 3:10

thebe mary i khumichi ly pri pala naira avum u iy, nichi i cho chanauchi ly lam sangum tleirei y, khyh pakhau nai avum u bo. Nichi theung i tahm awm nai khumichi ai sengkry hawi pakheng iy, mychi tengtawi tambe va i aphy u bo.