Ezekiela 7:16 - Khumi Common Language Bible

¹⁶ Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

Ezekiela 7:16 ပူးပေါင်းရင်းမြစ်များ

EZARA 9:15

Aw Israela chengchi i Areng Tameuh, nang ly leu meitang teaung nai keung ne. Na i py nang ly kaichi ai heng ai nai pei bo. Kaichi ly kaimychi i kamngo nai y ahui u bo. Hini kamngo nai deaungkho y nang i mo y jeu vam ai nai leaungrei py by y,” nanai takeng nai ne.

SAM 55:2

Kai i hnei takeng nai tangai iy, pathang pi kyh ba; kai ly paleung bi, paleung mawn naichi hawimy, atho khei na bo.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 37:31

Juda chengchi theung i dei kamthumchi ly khaileaung y tangjyn thiu pa-rei aviu iy athai nai thengthai keungchi kamta thawn-pa u ai.

ISAIA 38:14

Kai i raawi ly ahyn thlyhthlyh na; kai ly buhu kamta katangam bo. Kani mang y khen angdeang nai nawi ala nai deaungkho y, kai i mei khohai na bo. Aw Areng, hini patangra i nai kai ai atleu pi kyh ba.

ISAIA 59:11

Kaichi ly jei hyn naimy paleung mawn naira avum u nai ne. Kaimychi ai ana naichi kiu i nai atleu ai nai, Tameuh ai kadeaung u teu i py, khri pa-rei akhan na i, atyhtyh teu bo.

ISAIA 59:12

“Aw Areng, nang i tlang tleaung y kaichi i sa tamang nai kamngochi ly nawi parai nai ne. Huni kamngochi my kaichi ai neng hai nai deaungkho y, kaichi ly kaimychi i kamngochi hawihai palai apany u bo.

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

JEREMIA 44:14

Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.

JEREMIA 44:28

Na i py nangchi theung i maidenreichychi ly dei y naimy, Aikupta pri i dengdairei Juda pri y vawi u ai. Huna nai khala y Aikupta pri y tym u nai Juda khumi heng rai naichi ly mychi i leu hawi kai i leura y, ami i leu ly teng keh mo, nanai pany u ai.

JEREMIA 9:19

“Kaichi ly myh kang naira avum bo! Tahm pipi by y nai avum u lawh bo ly! Kaichi i yhm hlauchi ly phra pawn veng bo i, kaichi ly kaimychi i pri khai su ai nai tla ai,” nanai Zion mary i khumichi i vo tangam nai raawi tangai u, nanai thui u bo.

Ezekiela 14:22

Huni pajeng naira i law tleaung nai cho chanau awm iy nichi ly nangchi teng y ang tym u nai khala, nichi i amhi amtlau nai khen iy Jerusalem mary y kaimy pajeng nai ngiereichi py, teng nanai hawihai pany ai;

Ezekiela 34:6

Hunai deaungkho y mawichi hawi mawi aheungchira y ahi lengleang nai ne. Nichi ly khaileaung pri verei y ahei u bo. Nichi ai hau nai khumi hawi, hau ai nai atho sa nai khumi leaungrei py by y.

Ezekiela 36:31

Nangchi ly nangmychi i chai y nai sa nai saichi hawi, sa tamang naichi pany u ali teang ai. Nangmychi i kamngochi hawi, hawi y nairachi molam y nangmychi ai apaso u ai.

NAHUM 2:7

Samrangnu ai ly patiu veng bo; ni i aheaung apaichi ly buhuchi kamta, vo tangam u. Nichi ly paleung si nai deaungkho y, mymychi i paleung y atum u ryry bo.

ZEPHANIAH 1:14

Areng my tara chih ai nai kani kalen ly kasa bo i, kasa tleaung kasa ra bo. Huni neng kani ly tym kasa ai! Huni kani ly hawi y keh nai deaungkho y, sorai paleung awm keh nai risa malawn py, paleung phra naimy aeu ai.