Ezekiela 6:9 - Khumi Common Language Bible

⁹ Nichi ly huni meingtym y pri palara avum nai khumi kamta awm u ai. Huna nai khala law tleaung nai khumichi ly kai ai pany u ai. Mymychi i ka-ym by y nai paleung hawi kai ai khai su iy, mynchi ai kai tleaung y paleung bie u keh nai deaungkho y, kai ly mana tanrei paleung si na mo, nanai pany u ai. Hunaibaly mymychi i sa nai hawi y naichi molam y mymychi naimy apaso u ai.

Ezekiela 6:9 ပူးပေါင်းရင်းမြစ်များ

2 ARENG KEH 16:10

Samrang Ahaz ly empara samrang Tiklath Pilesa hawi avum ai nai Damaska mary y chei nai khala, huni mary y maicham niu i, huni maicham kupe ka-tawm khyp sa iy, pathyp pi nai keung Uriah teng y pa pi.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 137:1

Zion mary ai adawn nai thym khala y, kaichi ly Babulon pri i tavo micheaungchi peang y ateh naimy kavo u bo.

SAM 78:40

Nichi ly daichi ka-vymra y mymy ai avawrei tiu u; mymy ai avawrei paleung phra hai u lawh ly.

ISAIA 43:24

Nangchi ly kai teng y talam ai nai mui katuichi van u y. Tawnbawi thauchi hawi py, kai ai paleung pahawi u y. Huna nai sa ai nai tleaung y nangchi ly nangmychi i kamngochi hawi, kai ai mynji tleang hai u lawh. Nangmychi i sa nai kamngochi hawi naimy, kai ai paleung akawm hai u lawh bo.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

ISAIA 7:13

Huna nai khala Isaia my, “Aw samrang Davida i katu chanauchi awi, vai tangai ba. Nang ly khumi mipuichi ai niu ngai y ai nai pa-rei sa nai ly paleung anyp y i, Tameuh ai py niu ngai y ai nai pa-rei sa ai nai ngai lawh a?

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 51:50

Areng my Babulon mary y awm nai mymy i khumichi teng y leu pei nai ly “Nangchi ly deira i nai law tleaung u bo! Vaimy theu u! Kaneu u moh! Nangchi ly nangmychi i pri hawi palo parai teu i py, nangchi i Areng napi nai kai ai pany u. Jerusalem mary ai py pany u.

Ezekiela 12:16

Nichi theung i khumi maidenreichi ai ly tavai takai y, tahum takang y hawi no kanghawichira i nai kapaheng ai. Huna khala y naini khumi cheng cheaungkhangchi theung y tym nai khumichi ly mymychi i sa nai leaungsaichi ly amso ngai hawi nai ne, nanai pany u vau iy, kai ly Areng ne, nanai py pany u ai”, napi.

Ezekiela 16:43

Nang ly nangmy deaungdi khala i satang ai tami veng iy, hawi y naira cheaungkhangchi sa nai ly kai ai kado theu hai nai ne. Huna nai y huni leaungsaichi molam y, kai ly nang ai kang pajeng ai. Nang ly hawi y nairachi sa nai bo y, takhra amso ngai hawi naichi ai ati mana nai sa panawi bi lawh mo?,” napi. Hini ly sa thai naira angym nai Areng i thui nai leu ne.

Ezekiela 16:61

Nang i ngamjo hawi ngamnau neampachychi nang teng y tym ali teang nai khala, nang ly nangmy sa nai saichi adawn vau ai i, kaji ai. Nang hawi asa nai Leu Maikawmra y abawi y teu i py, kai ly nichi ai nang i chaniuchi kamta lawm hai ai.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 20:24

Huna nai kasa nai ly nichi kai i leu pei naichi khai su iy, kai i Reita py taphra; Anawn kani ai tahm khai y iy amsi pajochi chiu nai mynchi chiu lawh nai deaungkho y ne.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 20:43

Huna nai khala y nangchi ly nangmychi i sa nai amso ngai nairachi molam y, amymy ai apaso iy nangmychi ai mana tanrei chai y na mo, nanai adawn vau ai. Huna nai khala y nangmy ai nangmy apaso ai.

Ezekiela 20:7

Kai ly nichi i Areng Tameuh ne nai deaungkho y, mychi i ngai nai amso ngai nai mynchi khai u su ai nai hawi, Aikupta pri tameuh ka-chawichi ai chiu nai molam y, amymychi ai chai hai y nai awm y ai nai nichi ai thui pi.

Ezekiela 23:30

hina naichi avum nai ne. Nang ly khumi cheng cheaungkhangchi i vui bima lawm iy, nichi i mynchi hawi amymy ai chai hai y bo.

Ezekiela 5:13

Nang ly kai i kado theu nai rym y nai ryrei ly kai i kado theu naira angym pa-rei avum ai. Kai Areng ly nang i ka-ym by y nai molam y kado theu nai ne i, hina nai leu kang pei nai ai nang ly hini atitichi tym nai khala pany thai ai.

Ezekiela 6:10

Kai ly Areng ne, nanai py, kai i pany hai yb naichi ly ram atyhtyh naichi ny y, nanai py nichi pany u ai,” napi.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

AMOS 2:13

Naibaly kai ly nang ai khaileaung y kang chiu piupa ai i, nang ly choh pho kaji kawi cheng nai ka-ri kamta tangam ai.

MIKHA 5:13

Kai ly nangchi i chiu nai mynchi hawi nangchi i chiu nai leungchengchi taphra ai. Mo mang y ly nangmychi kiu hawi sa naichi ai chiu u moh.

ZEKHARIAH 10:9

Kai ly nichi ai khumi cheng cheaungkhangchi theung y ahei hai teu i py, huni palo parai nai meingtymchira i nai, nichi ly kai ai pany u jo ai. Nichi hawi mychi i cho chanauchi ly dei y naimy heng u i, mymychi i pri y vawi u ai.

Kati Nai 15:39

Nangchi ly huni thaiphelawmchi niu nai tleirei, kai i leu pei nai ngierei tangai iy teaung patawm jojo ai. Huna nai khala nangchi ly kai ai khai su iy, nangmychi ngaingai sa u ai ny y.

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!