Ezekiela 6:7 - Khumi Common Language Bible

⁷ Khumichi ai ly meingtym tleirei y tleh iy dei u ai. Hini ly kai, Areng ne, nanai pany u ai.

Ezekiela 6:7 ပူးပေါင်းရင်းမြစ်များ

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

THEU NAI 14:18

Huna nai samrang hawi ni i tavaimichi ai eaung nai deaungkho y, kai ly Areng ne, nanai Aikupta chengchi pany u ai,” napi.

THEU NAI 14:4

Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

THEU NAI 7:5

Huna nai Aikupta chengchi ai kai i kiu pheu iy, Israelachi ai kapatheu nai khala, kai ly Areng ne, nanai Aikupta chengchi pany u ai,” napi.

JEREMIA 14:18

Adym angdeang mang y kachei nai khala y, tavai keung y dei nai khumi tlaiveuchi kaniu nai ne. Mary theung y kun nai khala y, kajeu kanglam y dei nai kaniu bo. Amochi hawi pathyp pi nai keungchi ly mymychi ati sa mo, nanai tamang tyh naimy mychi ngaingai sa u bo.”

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 25:33

Huni kani tym nai khala ly Areng my padei nai khumichi i veuchi ly khaileaung pri verei y ahei ai. Nichi i vui ami py paleung si hai ai ny y; veuchi py la iy up ai ny y. Huni veuchi ly si eichi pakheng achu nai kamta, khaileaung salo y awm ai.

TANGAM NAI LEU 4:9

Tavai keung y dei nai khumichi ly teicha teinei avaw iy, heng ai nai lam by y naimy, kajeu kanglam y dei dudu nai khumichi tleaung y hawi keh alam nai ne.

Ezekiela 11:10

Nangchi ly nangmychi i khujyh y nangchi ai tara kangchih nai deaungkho y my, ‘Pri palara avum nai khumichi ly tavai keung y dei u ai. Huna nai khala kai ly Areng ne, nanai khumi lutengchi my pany u ai.

Ezekiela 11:12

Kai ly Areng ne, nanai py, saleaung deaungpa prichi i tara leu py patawm iy, kai i reitachi hawi leu pei naichi ai taphra nanai py, nangchi pany u ai,” nanai kai teng y leu pei bo.

Ezekiela 12:15

“Kai ly nichi ai pri tleirei hawi khumi cheng cheaungkhangchi theung y ahei hai nai khala, nichi my kai ly Areng ne, nanai pany u ai.

Ezekiela 12:19

Sa thai naira awm nai Areng my pei nai hini leu ai ly Israela pri Jerusalem mary y vai, awm u rai nai khumichi i vui ne, nanai thui pi. Huni khumichi ly kaso theu naimy teicha teinei cha u ai nai tla ai i, jei hyn naimy tui py nei u ai nai tla ai. Khumi luteng ly reita leu ai pipi dawn y nai deaungkho y, nichi i pri ai khumi angso savai tlang nai lawm hai ai.

Ezekiela 13:14

Sangum langdengchi amteng seaungkhrang hai ai nai patyp naimy, kai ly amochi my theung kangleung pajui nai apaichi panawi pawn ai. Mary apai anawi nai khala, nangchi ai ang ti iy dei u ai. Huna nai khala kai ly Areng ne, nanai nangchi pany u ai.

Ezekiela 13:21

Nangchi i lu y akawm nai sambynchi theng baw iy, kai i khumichi ai nang i kiu i nai lawi hai vui ai. Huna nai khala kai ly Areng ne, nanai nangchi pany u ai.

Ezekiela 13:23

Hunai deaungkho y nangchi ly teng y nai paleung mei y niu naichi ai, niu u ali bi ai ny y; lam tamang naira y tym hai nai leuchi thui u bi ai ny y. Kai ly Areng ne, nanai nangchi pany thai ai nai kai i khumichi ai, nangchi kiu i nai kaimy atleu ai,” napi.

Ezekiela 13:9

Teng y nai paleung mei y niu nai ai niu iy nangchi, teng y nai leu thui yb nai amochi ai kapajeng ai. Nangchi ly kai i khumichi leu ka-rum sa naira y kun ai nai nga u ai ny y. Israela pri khumi charangra py, nangchi i amyn tabawi pajau y. Nangchi ly nangmychi i pri y mana khala py, vawi ai nai nga u ai ny y. Huna nai khala kai ly sa thai naira awm nai Areng ne, nanai nangchi pany u ai.

Ezekiela 14:8

Kai ly nichi ai ka-awi kasa ai. Nichi ai amtiu naira hawi kangji pei nai lawm ai nai kai ly teang ai. Kai i khumi kamkawm theung i nai patheu vui ai. Huna i naini kai ly Areng ne, nanai nangchi pany u ai.

Ezekiela 15:7

kapajeng ai. Nichi ly mai i nai tleaung u i py vai, mai harei my kang vui ai. Huni khumichi pajeng naira avum nai khala, kai ly Areng ne, nanai nangchi pany u ai.

Ezekiela 20:26

Nichi ly mymychi i chapo chanauchi ai apathyp nai hawimy, mymychi ai chai hai y ai nai sa thai naira kapei pi. Huna nai sa thai naira kapei pi nai ly kai ly Areng ne, nanai patei ai nai hawi, nichi ai pajeng ai nai ne.

Ezekiela 20:38

Nangchi theung i tiu nai khumichi hawi kamngo awm nai khumichi ai nawi su ai. Nichi ai mymychi vai awm nai pri i nai theu hai pawn ai. Na i py Israela pri y vawi ali teang ai nai pei ai ny y. Huna nai khala kai ly Areng ne, nanai nangchi pany u ai,” napi.

Ezekiela 20:42

Nangchi i amsi pajochi teng y kaimy pei ai adeu nai Israela pri mang y nangchi ai kang pahawi nai khala, kai ly Areng ne, nanai nangchi pany u ai.

Ezekiela 20:44

Aw Israela chengchi awi, kai ly kaimy i amyn saho y kaimy i tahm awm jo ai nai molam, nangchi i khumi aso y nai y, nangchi ai kang pajeng y nai khala, kai ly Areng ne, nanai nangchi pany u ai,” napi. Hini ly sa thai naira angym nai Areng i leu pei nai ne.

Ezekiela 22:16

Huna nai y nang ly cheng takhrachi i mo y thui tamawn naira avum ai. Na i py kai ly Areng ne, nanai nang pany ai,” napi.

Ezekiela 23:49

Amjo amnau ni awi, kai ly nangni i hawi y sa nai hawi, myn chiu nai kamngochi molam y, nangni ai kang pajeng ai. Naibaly kai ly sa thai naira angym nai Areng ne, nanai nangni pany hawi ai,” napi.

Ezekiela 24:24

Huna nai khala kai ly nangchi i vui rengrang ka-ma-ra lawm iy, nangchi ly kai i sa nai sai ngiereichi sa u ai. Huna nai thym khala mymy ly Areng ne, nanai nangchi pany u ai nai mymy ly leu pei nai ne,” napi.

Ezekiela 24:27

Huni kani y my nang i labeaung py am-eaung iy, huni khumi hawi leu arum pajau ai, awm pypy ai ny y leang bo. Huna nai kamta nang ly khumichi i vui rengrang ka-ma-ra lawm ai. Kai ly Areng ne, nanai py nichi pany u ai,” napi.

Ezekiela 25:17

Nichi ai khri pa-rei pajeng iy hawihai palai vawitheung katha ai. Huna nai khala kai ly Areng ne, nanai nichi pany u ai,” napi.

Ezekiela 26:6

Pri umtang i marychira i khumichi ai py haisau tamo y dei hai ai. Huna nai khala kai ly Areng ne, nanai Turu mary i khumichi pany u ai,” napi.

Ezekiela 28:23

Kai ly nang teng y no kanghawi pato ai. Nang i lamra y thi leaung hai ai. Nang ai katanmeuh iy ang tiu u ai i, nang i khumichi ly dei u ai. Huna nai khala kai ly Areng ne, nanai nang pany ai,” napi.

Ezekiela 30:26

Kai ly Aikupta pri khumichi ai khumi cheng cheaungkhangchi hawi, khaileaung pri meingtym tleirei y ahei hai vui ai. Huna nai khala kai ly Areng ne, nanai nichi my pany u ai,” napi.

Ezekiela 32:15

Aikupta pri y khumi angso savai tlang nai meingtym lawm hai ai i, yhmtheaung katuichi hawi, huni pri y awm nai khumi bawibawichi ai tamyh pawn nai khala, kai ly Areng ne, nanai nichi pany u ai.

Ezekiela 35:15

nang phra nai thym khala py, khaileaung pri verei amo theu u ai nai, kai ly nang ai khumi angso savai tlang nai meingtym lawm hai ai. Seira mawi napi nai Edom pri verei ly khumi angso savai tlang nai meingtym lawm ai. Huna nai khala kai ly Areng ne, nanai khumi lutengchi my pany ai,” napi.

Ezekiela 38:23

Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly Areng ne, nanai nichi pany u ai,” napi.

Ezekiela 6:13

Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

Ezekiela 6:6

Israela chengchi i mary bawibawichi ly khumi angso savai tlang iy chiu sa naira meingtym ka-sangchi ai taphra nai deaungkho y, nichi i maichamchi hawi mynchi ly taphra piu iy kawi seaungkhrang pawn ai. Mui katui leng patlum nai maichamchi py kawi piupa pawn iy, nichi i sa nai ngiereichi ly tama pawn ai.

Ezekiela 6:8

“Kai ly khumi phyreichi ai haisau tamo i nai tleaung hai iy, pri takhra tleirei y ahei hai ai.

Ezekiela 7:4

Kai ly nang ai kangheng kang patleaung ai ny y. Mana mo i py kang pahen ai ny y. Nangmy i sa nai amso ngai nairachi molam y kai ly nang ai kang pajeng ai. Huna khala naini kai ly Areng ne, nanai nang pany ai,” napi.

Ezekiela 7:9

Kai ly nang ai kangheng kang patleaung ai ny y, mana mo i py kang pahen ai ny y. Nangmy i sa nai amso ngai nairachi molam y, kai ly nang ai kang pajeng ai. Huna khala naini kai ly Areng ne, nanai py, nang ai pajeng nai keung ly kai ne, nanai py nang ly pany ai,” nanai ne.

Ezekiela 9:7

Tameuh my, “Achura yhm y amso ngai nai so u; apai ly-umchira y khumi kadeichi hawi kawi hai u; kalop so u amteaung jau!,” napi. Hunai deaungkho y huni khumichi ly mary theung y awm nai khumichi ai tleh amteaung bo.