Ezekiela 6:6 - Khumi Common Language Bible

⁶ Israela chengchi i mary bawibawichi ly khumi angso savai tlang iy chiu sa naira meingtym ka-sangchi ai taphra nai deaungkho y, nichi i maichamchi hawi mynchi ly taphra piu iy kawi seaungkhrang pawn ai. Mui katui leng patlum nai maichamchi py kawi piupa pawn iy, nichi i sa nai ngiereichi ly tama pawn ai.

Ezekiela 6:6 ပူးပေါင်းရင်းမြစ်များ

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

SAM 115:8

Huni mynchi ai sa nai khumichi hawi ym nai khumichi ly mychi sa nai mynchi kamta lawm u sy.

ISAIA 1:31

Dengkeaung kadei ly mai kali deaungkho y, mai amtawi nai kamta phum-ang len nai khumichi py, mychi i kamngochi deaungkho y phra u ai. Huna nai phra naira ai ly ami py paka ai nai nga ai ny y,” nanai thui bo.

ISAIA 2:20

Huni neng kani tym nai khala y, khumichi ly mychi i sa nai muku, tangka mynchi ai thangbui hawi phanglauchi sala y aphi iy khai su ai.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

JEREMIA 10:22

Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 2:15

Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 51:18

Hunichi ly ati sai py ny y i, amso ngai nairachi naini lawm bo. Areng ly kamngo pajeng ai nai jeu nai khala, huni mynchi taphra pawn ai.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

JEREMIA 9:19

“Kaichi ly myh kang naira avum bo! Tahm pipi by y nai avum u lawh bo ly! Kaichi i yhm hlauchi ly phra pawn veng bo i, kaichi ly kaimychi i pri khai su ai nai tla ai,” nanai Zion mary i khumichi i vo tangam nai raawi tangai u, nanai thui u bo.

Ezekiela 12:19

Sa thai naira awm nai Areng my pei nai hini leu ai ly Israela pri Jerusalem mary y vai, awm u rai nai khumichi i vui ne, nanai thui pi. Huni khumichi ly kaso theu naimy teicha teinei cha u ai nai tla ai i, jei hyn naimy tui py nei u ai nai tla ai. Khumi luteng ly reita leu ai pipi dawn y nai deaungkho y, nichi i pri ai khumi angso savai tlang nai lawm hai ai.

Ezekiela 16:39

Kai ly nang ai nichi i kiu y au ai. Nichi ly nangmy i chiu naira mynchi hawi, bima meingtymchi ai ang panawi pi pawn ai. Nichi ly nang i ateaungchi hawi lengseaung vang katengchi la pawn iy, nang ai tlang ka-keu naimy ang khai u su ai.

Ezekiela 30:13

Sa thai naira angym nai Areng my, “Kai ly Nopha mary i mynchi hawi tameuh mynchi taphra pawn ai. Aikupta pri ai peang nai keung leaungrei py awm ai ny y. Kai ly khumi bawibawichi ai jei hyn hai ai.

Ezekiela 35:4

Nang i marychi ai phra seaungkhrang hai iy nang ai khumi angso savai tlang nai meingtym lawm hai ai. Huna nai khala kai ly Areng ne, nanai nangchi pany u ai.”

Ezekiela 5:14

Tengpang sahawi i khumi cheng bawibawichi ly nang i sahawi mang aleaung u nai khala, nang i phra nai sai ai khen iy labeaung ang pi hai naimy asyn u pawn ai.

Ezekiela 6:4

Maichamchi panawi iy mui katui leng patlum nai maichamchi py kapakawi pawn ai. Khumi bawibawichi py mymychi chiu nai mynchi i mo y tleh iy dei u ai.

Ezekiela 6:7

Khumichi ai ly meingtym tleirei y tleh iy dei u ai. Hini ly kai, Areng ne, nanai pany u ai.

HOSEA 10:2

Nichi i paleung ly cheng y nai deaungkho y, vaimy kamngo pajeng naira avum u ai. Tameuh ly nichi i maichamchi taphra iy, nichi chiu u nai leungchengchi taphra ai.

HOSEA 10:8

Avan mary mawi salo y awm nai Israela khumichi i chiu nai meingtymchi ly phra ai. Nichi i maichamchi salo y aleng keungchi, acha keungchi prau ai. Huna nai khala khumichi my mawichi ai, “Kaichi ai deng khyp ba!” nanai py, mawi aheungchi teng y, “Kaichi ai taphum meuh ba!” nanai py, aeu naimy takeng u ai.

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

Levi 26:31

nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

MIKHA 1:7

Mynchi ai tleu hai piupa ai. Mynchi teng y talam nai langseaung bawibawichi ai, mai leng pawn ai. Myn ngiereichi ai anyn angso lawm hai ai. Samari mary ly hinichi ai achura yhm bima kalop sa naimy nga nai ne. Naibaly paleung ka-echi ly hunichi ai takhra achura yhm bimachi i vui syn u vui ai,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

MIKHA 5:13

Kai ly nangchi i chiu nai mynchi hawi nangchi i chiu nai leungchengchi taphra ai. Mo mang y ly nangmychi kiu hawi sa naichi ai chiu u moh.

HABAKKUK 2:18

Mynchi ly atira y teaung ai mo? Hunichi ly khumichi my sa nai teu i, katapawpra ny y baly ati sai py katheu thai y. Amy i sa naira ai ym nai ly ati kamran nga ai mo? Huni ly leu katheu thai y nai tameuh ne na a!

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.

ZEKHARIAH 13:2

Huna nai khala kai ly hini pri y awm nai mynchi amyn taphra vui ai i, hunichi ai mo mang y ami py pany u ali bi ai ny y. Amymy ai amo ne, nanai thui nai ngiereichi ai, kaimy tama hai vui ai. Myn y chiu ai ngai nai paleung ka-dawn ai py taphra vui ai.

1 SAMUELA 5:4

Huni bo i kani pa-nyh khawn angthodyh y, huni myn ly Leu Maikawm Pawm i mo y tla amkhiumeuh nai niu u taleang bi. Vai i nai ly myn i lu hawi kiu nyhrei py tleuleu pawn iy, katheu pa-kho sahawi y tym vui nai ne; tlang my tlairei naini awm su bo.