Ezekiela 6:13 - Khumi Common Language Bible

¹³ Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

Ezekiela 6:13 ပူးပေါင်းရင်းမြစ်များ

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

2 ARENG KEH 16:4

Myn y chiu nai meingtym mawi aheungchi hawi ka-khui hawi nai dengkeaung keungchi anui y Ahaz ly kapathyprachi talam iy, rimuichi patawi nai ne.

ISAIA 1:29

Nang ly dengkeaung keungchi ai chiu lawh nai deaungkho y, chiu ai nai akho baichi sa lawh nai deaungkho y, paleung si naira avum ai.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 66:17

Areng my, “Mynchi chiu ai nai hawi akho theung i na-yhmchi mang y chei ai nai molam y, amymychi ai apachai u nai khumichi, eu mawi, paju mawi hawi amso ngai ai hawi nai teicha teineichi cha nai khumichi i vui ly myh kang ai nai neng ly kasa bo.

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

Ezekiela 18:6

huni khumi ly Israela chengchi chiu nai mynchi ai chiu y, mawi saleung i chiu nai meingtymra y apathyp nai mawi py cho y. Ami i aju chanau ai py taphra y, tlangchai awm nai neampachy hawi py apho y.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 23:41

Nini ly myni i mo y sabawi khai hawi chum baly, apu parai nai ira kadang tleaung y ateh hawi; sabawi salo y naimy pei nai mui katui hawi olive asitui khai hawi bo.

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

HOSEA 4:13

Nichi ly mawi saleung i chiu sa nai meingtymchira y apathyp u iy, mawi aheungchira i, ka-khui hawi nai dengkeaung keung puichi anui y rimuichi patawi u bo. “Naibaly nangchi i chaniuchi ly bimanu lawm iy, nangchi i lengngochi ly kamleaungnu lawm u bo.

ZEPHANIAH 1:10

Areng my, “Huni neng kani y Jerusalem mary ngo apai katheu pa-khora y vo nai raawi thai u ai. Mary kangtha mang y khumichi vo nai raawi py, mawi aheungchira y phra nai katynchi py thai u ai.