Ezekiela 5:6 - Khumi Common Language Bible

⁶ Na i py huni Jerusalem mary i khumichi ly kai i leu pei naichi tangai y iy, cheng takhrachi tleaung y malawn py hawi y keh bo. Nichi ly tengpang sahawi prichira i khumichi tleaung y py, kai i reita ai akhi u bo. Jerusalem mary i khumichi ly kai i leu pei naichi khai su iy, kai i reita py patawm u y.

Ezekiela 5:6 ပူးပေါင်းရင်းမြစ်များ

2 ARENG KEH 21:11

“Manase ly hini amso ngai naichi sa bo; kanan chengchi i hawi y sa nai tleaung y py, khri pa-rei hawi y naichi sa lawh bo. Ni ly my i sa nai mynchi hawi Juda khumichi ai kamngo lam mang y pahawi nai ne.

2 ARENG KEH 21:9

Na i py Juda khumichi ly Areng i leu tangai u y; mymy i khumichi ai, kanan pri y Israela chengchi kun u nai thym khala, Areng my patheu pawn nai khumichi tleaung y py, hawi y keh nai kamngo sa hai ai nai Manase ly lam patei nai ne.

NEHEMIA 9:34

Kaichi i amsi pajochi, samrangchi, lu sa naichi hawi pathyp pi nai keungchi ly nang i Reita leu pei nai ai patawm u y nai ne. Nichi ly nang i leu pei naichi, pany hai naichi tangai u y.

NEHEMIA 9:35

Kaichi i samrangchi ly nang i pei nai kau parai nai hawi apu parai nai pri theung y awm ai nga nai thym khala y, nang teng i amtheaung naira nga nai hawimy, nang i khumichi ai peang ai nai nga u nai ne. Na i py nichi ly kamngo ai en vui y, nang i kalop ai py so u y.

SAM 106:20

Nichi ly Tameuh i nang parai nai sai ai acha cha nai tawnbawi myn hawi katheung vui bo.

SAM 78:10

Nichi ly Tameuh hawi asa nai Leu Maikawm ai atyp u y; nang i reita leu pei naichi tangai akhi u bo.

THEU NAI 16:28

Huna nai khala Areng my Mosi teng y, “Nang i khumichi ly kai i leu tangai y ai nai mana tanrei awm u jo rai na mo?

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 8:5

Kai i khumichi awi, nangchi ly ati mana nai y kai teng i nai amphri vui iy jeu teang y lawh mo? Nangchi ly li-tapawp naira y paleung apei thleng nai deaungkho y, kai teng y ali teang ai nai akhi u bo.

JEREMIA 9:6

Nichi ly kamngo sa ai nai khai su y. Nichi ly li-tapawp u tamyhtyh nai ne. Areng my mymy i khumichi ly kai ai khai su bo, napi.

Ezekiela 11:12

Kai ly Areng ne, nanai py, saleaung deaungpa prichi i tara leu py patawm iy, kai i reitachi hawi leu pei naichi ai taphra nanai py, nangchi pany u ai,” nanai kai teng y leu pei bo.

Ezekiela 16:51

“Samari mary ly nang i hawi y sa nai ka-hyhrei tahm py so y. Nang ly ni i sa nai ngiereichi tleaung y amso ngai hawi keh naichi sa lawh nai ne. Nang ly amso ngai hawi parai nai deaungkho y, nang i ngamjo ngamnau neampachychi ly nang hawi dawn pata baly, nichi ly kamngo by y naichi, nanai palawn ai.

DANIELA 9:15

“Aw kaichi i Areng Tameuh, nang ly nangmy i khumichi ai Aikupta pri i dengdairei pahawi iy, sa thai naira patei pi bo. Kaichi ly nang i sa thai naira ai vai khrairei, pany pi jo nai ne. Kaichi ly kamngo sa u bo, hawi y naira kasa u lawh bo.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

DANIELA 9:8

Aw Areng, kaichi i samrangchi, samrang i cho chanauchi hawi amsi pajochi ly angji ngai nairachi sa naimy, nang i tlang tleaung y kamngo sa u bo.

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

I KORINTH 5:1

Naibaly angai nai ly, Cheng Takhrachi theung y py awm vai y nai, khumi leaungrei ly amhm to ai la nai, huni angai nai ly nangchi theung y awm, nanai leu amthang bo.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.