Ezekiela 5:17 - Khumi Common Language Bible

¹⁷ Nang i cho chanauchi ai dei hai ai nai daichi mawi kasichi hawi cha nei takang nai py, nang ai padei ai nai no kanghawi khrukhra naira hawi tavai takaichi py kang pato ai. Hini ly kai, Areng i leu pei nai ne,” napi.

Ezekiela 5:17 ပူးပေါင်းရင်းမြစ်များ

2 ARENG KEH 17:25

Nichi hu y awm angchei nai khala y, Areng ai chiu u y; hunai deaungkho y mymy ly khrangsichi pato iy, khumi phyreichi ai kei hai bo.

THEU NAI 23:29

Kai ly huni khumi cheng bawibawichi ai sanengrei sala y my, kapatheu be ai ny y; huna nai kapatheu be lawh baly, huni pri ly daichi mawichi khri pa-rei hyn ai i, khumeung khuram lawm vui na.

JEREMIA 15:3

Nichi i tlang tleaung y ka-jeira hawi parai nai sai palyhrei katym hai ai nai, kai Areng my leu pacheang yb nai bo. Nichi ly tavai keung y dei u ai. Nichi i veuchi ai uichi my tawn ai. Huni kadei veuchi ai tavochi my patiu ai. Huni bo i nai ly mawi kasichi my cha ai.

Ezekiela 14:15

“Ti y baly kaimy khumichi ai tamyh ai nai mawi kasichi pato ai; huni pri y khumi angso savai tlang iy aki aleaung thai y na pa-rei, mawi kasichi deaungkho y khri pa-rei ka-jeira awm ai.

Ezekiela 14:19

“Kai ly huni pri y no kanghawi tym hai iy kado theu naira my khumi neangneangchi hawi, tawnbawi neangneangchi ai dei hai baly,

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 17:21

Mymy i tavaimi kahawi kehchi ly tavai keung y dei u ai; dei kamthumchi ly meingtym tleirei y ahei u ai. Huna nai khala kai, Areng i leu pei nai ne, nanai nangchi pany u ai,” napi.

Ezekiela 17:24

Kai ly Areng ne, nanai hini pri y awm nai dengkeaung bawibawichi my pany ai. Kai ly dengkeaung ka-sangchi paliu iy dengkeaung lochi asang hai ai. Dengkeaung ngam heng-up nai keungchi ai ly ngam ajawi hai iy, ngam ajawi rawm nai keungchi ai ly heng-up hai ai. Hini ly kai, Areng i leu pei nai ne. Kai ly kaimy i leu kamta kasa ai,” napi.

Ezekiela 21:3

Khumichi teng y kai, Areng ly nangchi i paleung ka-e ne, nanai py, kaimy i haisau aphiu iy nangchi bawibawi ai khumi hawi nai, hawi y nai py patleh y naimy, tamyh pawn ai nanai py,

Ezekiela 21:32

Nang ly mai teicha lawm ai. Nang i thi ly nangmy i pri y beu ai; nang ai ami py pany ali bi ai ny y,’ ” napi. Hini ly kai, Areng i thui nai leu ne.

Ezekiela 22:14

Nang ai kaimy pajeng chum baly, nang ly sorai paleung awm rai na a? Nang i kiu pheu ai nai atho awm rai na a? Kai, Areng my leu pei nai ne; kai ly kaimy i leu pei nai kamta kasa khyp ai.

Ezekiela 23:47

Nini ai lengseaung hawi aphi iy haisau hawi tleh; nini i cho chanauchi ai tleh iy yhmchi py mai leng pawn.

Ezekiela 26:14

Ngo sarachi i paleupy vau nai lengseaung naini awm jo ai. Mana khala py mary palum teang ai nai nga ai ny y, nanai sa thai naira angym nai kai, Areng i pei nai leu ne.”

Ezekiela 28:23

Kai ly nang teng y no kanghawi pato ai. Nang i lamra y thi leaung hai ai. Nang ai katanmeuh iy ang tiu u ai i, nang i khumichi ly dei u ai. Huna nai khala kai ly Areng ne, nanai nang pany ai,” napi.

Ezekiela 30:12

Kai ly Naing tavo tui kang hai iy Aikupta pri ai, khumi hawi y naichi i kiu y tym hai ai. Cheng takhra khumichi my ly huni pri verei phra hai ai. Hini ly kai, Areng i pei nai leu ne,” napi.

Ezekiela 33:27

“Kai ly Tameuh kangheng ne tatang; hunai y phra seaungkhrang nai marychira y awm nai khumichi ly tleh naira avum u ai, nanai sa thai naira angym nai kai, Areng i pany hai nai leu nichi teng y thui pi. Daichi avangchira y awm nai khumichi ly daichi mawichi i teicha lawm ai. Mawichi hawi tapiuchira y aheu nai khumichi ly no-na y dei u ai.

Ezekiela 37:14

Kai ly kaimy i phailo ai nichi teng y kapei iy, nichi ai heng hai ali teang chum baly, mymychi i saleaung khutengra y awm hai ai. Huna nai khala kai ly Areng ne, nanai nichi pany u ai. Kai ly hina nai sa ai, nanai adeu nai kamta sa ai. Hini ly kai, Areng my leu pei nai ne,” napi.

Ezekiela 38:22

Kai ly haisau tamo, no michi hawi ni ai parip ai. Ni hawi vanrei, ni i tavaimichi, abang nai khumi cheaungkhangchi tlang tleaung y kan hawi mai raurei, kani hawi ji akawi puichi khrikhri pa-rei nai hai ai.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

Ezekiela 5:16

Kai ly nang ai teicha teinei avaw hai iy kanglam kang khai ai. Nang ly thailiho tamo kamta, khri pa-rei kanglam kamtang avum hai ai. Kai ly nang ai taphra ai.

Ezekiela 6:1

Areng i leu ly kai teng y tym.

Ezekiela 6:12

Kamlo y tym nai khumichi ly no-na y dei u ai i, kang sa i khumichi ly tavai keung y dei u ai. Dei kamthumchi ly kajeu kanglam y dei u ai. Nichi ly kai i khri pa-rei kado thau nai angym pa-rei avum u ai.

Levi 26:22

Kai ly nangchi i awm naira y mawi kasichi kapato ai i, nangchi i cho chanauchi, si, beramchi ai kei hai ai. Khumi maidenreichy awm khyh nai y, aki aleaung nai khumi angso awm ai ny y.

MATTHAI 24:35

Kani khaileaung ly tama ai i, kai i leu ly tamo y ai.

Leu Thui Nai 32:24

Nichi ly kajeu kanglam hawi keaung nosora dei u ai; ka-jei awm nai no-na hawimy dei u bebe ai. Mawi kasichi ly nichi ai kei ai; pavui kangsochi my nichi ai patiu ai.

AMTENG HAI NAI 6:8

Hunaibaly kai ly khen i, khen cham, keaungngo ka-mang harei awm:huni tleaung y atang nai keung i amyn ly Dei Naira ne: naibaly Tavau Kho ly ni teng y abang bo. Naibaly nini ly haisau hawi, takang theu hai nai hawi, kanghawi kanglai tym hai nai hawi, khaileaung i mawi kasichi ai py teaung iy, khaileaung phy palyhrei ra y phyrei y padei ai nai leu nga bo.