Ezekiela 5:13 - Khumi Common Language Bible

¹³ Nang ly kai i kado theu nai rym y nai ryrei ly kai i kado theu naira angym pa-rei avum ai. Kai Areng ly nang i ka-ym by y nai molam y kado theu nai ne i, hina nai leu kang pei nai ai nang ly hini atitichi tym nai khala pany thai ai.

Ezekiela 5:13 ပူးပေါင်းရင်းမြစ်များ

ISAIA 1:21

Vaichi khala ka-ym awm nai mary ly vai i neng y bimanu kamta lawm veng lawh bo ly! Vaichi khala huni mary theung y khumi kahawichi awm u nai ne teu i py, vai ly khumi ai padei naichi naini awm khyh bo.

ISAIA 1:24

Hunai deaungkho y sa thai naira angym nai Israela chengchi i Tameuh, ati cheaungkhang sa thai nai keung Areng my leu pei nai vai, tangai ba. Mymy ly “Kai ly kaimy i paleung ka-e napi nai nangchi ai vawitheung tha ai i, nangchi ly kai ai mana mo i py, khrukhra hai pajau ai ny y.

ISAIA 59:17

Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 14:12

Nichi ly biu hai naimy kasabawmra hnei takeng teu i malawn py, kai ly khumichi i aeu nai raawi katangai pi ai ny y. Nichi ly kai teng y leng patlum nai kapathypra hawi katalamrachi talam i py, kai ly kawn pi ai ny y. Huna nai kakawn pi ai nai tleaung y ly tavai keung y dei hai ai. Takang theu hai iy no kanghawi y dei hai asi,” napi.

JEREMIA 15:9

Cho chanau leaung saryhrei dei nai i amhm ly paleung pany y na bo. Ni i kanithun kangvang ly kaveng lawm veng bo. Ni ly kangji nga naimy paleung si ngam jo nai ne. Nangchi theung i dei kamthumchi ai ly kaimy paleung ka-echi ai katleh hai ai. Hini ly kai, Areng my thui nai leu ne.

JEREMIA 25:12

Naibaly kai ly Babulon samrang hawi khumichi teng y, mychi i sa tamang nai kamngo molam y pajeng ai. Nichi i pri ai taphra iy deungtasarei phra naimy awm hai ai.

TANGAM NAI LEU 4:11

Areng ly mymy i khri pa-rei kado theu nai haiho angym pa-rei tym hai bo. Mymy ly Zion mary y mai paeng iy, huni mary ai maidym saprawi lawm hai bo.

TANGAM NAI LEU 4:22

Zion mary ly my i kamngo vang apei nai tem bo; Areng ly achi ai pri pala naira avum hai ai ny y leang bo. Na i py Edom pri awi, Areng ly nang ai pajeng ai; nang i sa nai kamngo pany hai pi ai.

Ezekiela 13:15

“Mary apai hawi raurei, huni ai theung kangleung pajui u nai khumichi ly kai i kado theu nai y pajeng naira avum u ai. Huna nai khala mary apai ly anawi vui iy, theung kangleung pajui nai khumichi py tama pawn ai.

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 16:42

Naibaly kai ly kado theu nai rym ai i, awmnem ai; kado theu bi ai ny y, ka-e paleung py awm bi ai ny y leang bo.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 17:21

Mymy i tavaimi kahawi kehchi ly tavai keung y dei u ai; dei kamthumchi ly meingtym tleirei y ahei u ai. Huna nai khala kai, Areng i leu pei nai ne, nanai nangchi pany u ai,” napi.

Ezekiela 20:21

“Na i py huni khumi kangpreangchi py kai ai amtang u nai ne. Kai i leu pei nai tangai nai ngireichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Nichi ai daichi ka-vym y dei hai ai nai, kai ly kaimy i kado theu naira nichi i tlang tleaung y tym hai iy, pajeng naira avum hai ai, nanai kadawn bo.

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

Ezekiela 21:17

Kai py kiu tabeang ai; naibaly kai i kado theu nai rym ai. Hini ly kai Areng i pei nai leu ne,” napi.

Ezekiela 21:22

Huna nai khala, ‘Jerusalem,’ nanai tajiu nai ka-ma-ra thaicheng ly ni i lamtang kiu y tym bo. Huni thaicheng ly ni teng y mary apai taphra ai nai dengkeaung beangpuichi tai iy tiu ai nai leu pei nai tavai kachyh nai katyn aeu ai nai py, katheu taphra ai nai dengkeaung beangpui ai py, abyhra khaileaungchi taphum nai hawi abyhra amkeuchi tai ai nai py thaicheng my patei ai.

Ezekiela 23:25

Kai ly mei angai y i, kado theu nai deaungkho y nang ai kado katheu hawimy tara chih ai nai nichi teng y kapei ai. Nichi ly nang i notareang hawi kanochi seithlau iy cho chanauchi ai haisau y tleh ai. Nang i cho chanauchi ai ly hawi u pawn iy, kangheng tang naimy mai y leng angchi khyp ai.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

Ezekiela 43:8

Samrangchi ly mychi i katheu chenghengchi hawi katheu kheutangchi ai, kai i Achura yhm katheu chenghengchi hawi katheu kheutangchira y tabiri iy sa u. Huna nai y kai hawi nichi sala ly angpang harei arai khyh bo. Nichi ly amso ngai hawi nai cheaungkhangchi sa iy, kai i amyn kachai ai thui tamawn u bo. Huna nai y kai ly kado theu i, nichi ai taphra nai ne.

Ezekiela 6:10

Kai ly Areng ne, nanai py, kai i pany hai yb naichi ly ram atyhtyh naichi ny y, nanai py nichi pany u ai,” napi.

Ezekiela 6:12

Kamlo y tym nai khumichi ly no-na y dei u ai i, kang sa i khumichi ly tavai keung y dei u ai. Dei kamthumchi ly kajeu kanglam y dei u ai. Nichi ly kai i khri pa-rei kado thau nai angym pa-rei avum u ai.

Ezekiela 7:3

Aw Israela pri awi, nang i phra ai nai neng tym bo. Nang i sa naichi molam y kai ly nang ai tara kang chih bo i, nang ly kai i kado theu naira avum ai. Nangmy i sa nai amso ngai naichi vawilai ly nang ai vawitheung kang tha ai.

Ezekiela 7:8

“Kra y naimy nang ly kai i khri pa-rei kado theu nai kawi angym na pa-rei nang i tlang tleaung y kang leih ai. Kai ly nangmy i sa naichi molam y nang ai tara chih ai. Nangmy i sa nai amso ngai naichi vawilai ly nang ai vawitheung kang tha ai.

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

DANIELA 9:2

Ni i peang angchei nai saneng y kai, Daniela ly baibul leusaichi amtiu i, amo Jeremia teng y Areng my leu pei nai kamta, saneng vui saryh tym pa-rei, Jerusalem mary phra ai nai satangchi adawn pasym bo.

HOSEA 10:10

Sa tamang nai hini khumichi ai tiu iy parip ai. Pri takhrachi ly amkawm i nichi ai tiu iy, nichi ly mychi i kamngochi molam y, pajeng naira avum u ai.

ZEKHARIAH 6:8

Naibaly kani pri amtaw thau naimy kai teng y, “Tosyh mang i Babulon pri y chei nai keaungngochi ly Areng i kado theu nai ai rym hai bo,” napi.

Leu Thui Nai 28:63

Areng ly nangchi ai nang chawn hai ai nai py, khumi neangneang peung hai ai nai py, nangchi ai paleung anyp nai kamta, nangchi ai tamyh naira py, nangchi ai phra hai naira py, paleung anyp ai. Nangchi peang ai nai pri i dengdairei nangchi ai patheu vui ai.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.