Ezekiela 48:8 - Khumi Common Language Bible

⁸ Juda pri khujyh ka-so nidym khujyh sala y, khai patyp nai khaileaung meingtym harei awm ai nai tla. Huni khaileaung meingtym kakau ly mail tajarei awm iy, jeng kasau ly Israela chengchi teng y vui pi nai khaileaung meingtym i jeang kasau tanrei awm ai nai tla. Achura yhm ly huni khaileaung meingtymra y awm ai nai tla.

Ezekiela 48:8 ပူးပေါင်းရင်းမြစ်များ

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

Ezekiela 48:21

Achura yhm, pathyp pi nai keungchi, Levi khumichi hawi mary i vui khai takhra nai khaileaung i nisi hawi nidym ngan mang y awm rai nai khaileaung ly peang thym nai samrang my amtym ai nai ne. Huni khaileaung ly nisi mang y nisi khujyh ryrei, nidym mang y Mrethe pangli ryrei tym iy, hini khaileaung tosyh mang y awm nai Judachi i khu hawi, tokalawi mang y awm nai Benjaminchi i khujyh sala y awm nai ne.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

Ezekiela 48:9

Areng i vui khai takhra pi nai khaileaung meingtym ly jeng kasau mail tajarei, ka kakau mail tariurei awm ai nai tla.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

KOLOSA 2:9

Mymy y ly Tameuh i angym naira cheaungkhang ly tlang nga nai awm veng.

AMTENG HAI NAI 21:22

Naibaly theung mang y ly achura yhm kalen pui kaniu y leang. Atiti py Sa Thai Nai Areng Tameuh hawi Beram Cho ly huni i achura yhm kalen pui ne.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

AMTENG HAI NAI 22:3

Naibaly amsawi, nanai ly awm ali bi ai ny y: Tameuh hawi Beram Cho i areng atehra ly hu y awm ai i, mymy i miseaungchi ly mymy i kalop sa u ai: