Ezekiela 48:11 - Khumi Common Language Bible

¹¹ Hini meingtym kachai ly Zadok i kangpreang pathyp pi nai keungchi i vui lawm ai nai tla. Nichi ly kai i kalopra ka-ym awm parai naimy sa u nai ne. Takhra Israela chengchi lam tamang u nai khala nichi ly Levi khumichi kamta lam tamang u y.

Ezekiela 48:11 ပူးပေါင်းရင်းမြစ်များ

Ezekiela 14:11

Israela chengchi ly kai ai khai su nai y, mymychi kypkyp kamngora anum y ai nai hina nai kasa ai. Nichi ly kai i khumichi lawn ai i, kai py nichi i Tameuh lawm ai,” napi. Hini ly sa thai naira awm nai Areng i thui nai leu ne.

Ezekiela 40:46

Tosyh ngan mang y mo tha nai takun ly maicham i vui kalop sa nai pathyp pi nai keungchi i vui ne, nanai kai ai thui pi bo. Huni pathyp pi nai keung bawibawichi ly Zadok i kangpreang Levi khumichi ne. Nichi naini Areng i mo y kun iy, kalop sa ai nga u nai ne.

Ezekiela 43:19

Kai i mo y kun iy apathyp naichi ly Zadok i kangpreang Levi khumi pathyp pi nai keungchi ne ai nai tla. Hini ly sa thai naira angym nai kai, Areng i thui nai leu ne. Nang ly kamngo alawra apathyp ai nai si katai beaungjeaung harei, nichi teng y pei ai nai tla.

Ezekiela 44:10

Areng my kai teng y, “Mynchi ai chiu nai Israela chengchi hawi vanrei, kai ai hi vui nai Levi khumichi ly kamngo pajeng naira avum u ai.

Ezekiela 44:12

Na i py nichi ly Israela chengchi ai myn chiu naira y lu sa iy kamngo sa hai nai deaungkho y, kamngo pajeng naira avum u ai, nanai sa thai naira angym nai kai, Areng ly vaineng abeu bo.

Ezekiela 45:4

Huni ly Areng teng y ahihawi iy kalop sa nai pathyp pi nai keungchi i vui khai takhra nai meingtym kachai ne i, nichi i awm nai yhm meingtym hawi Achura yhm meingtym py abawi ai.

Ezekiela 48:12

Hunai deaungkho y nichi ly Levi khumichi hawi ka-bira awm nai khai takhra nai meingtym nga u ai. Huni meingtym ly chai keh nai meingtym lawm ai.

Levi 8:35

Nangchi ly Tabynako katheu pa-khora y Areng my leu pei naichi, kani saryhrei sala y vum, kanithun sa ai nai tla. Nangchi ly leu pei nai kamta so u y lawh baly, dei takengkei ai, nanai Areng my kai teng y leu pei bo,” napi.

I PETERA 5:4

Naibaly Beram Typ nai Keung kalen keh my ly amteng nai khala y ly nangchi ly rawm thai y nai nang parai nai areng lukhym nga u ai.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.