Ezekiela 45:9 - Khumi Common Language Bible

⁹ Sa thai naira angym nai Areng my, “Israela samrangchi awi, nangchi i kamngo sa nai ly kra bo! Nangchi i khrukhra naira hawi kamjau kamteang sa nai ly anawn u. Kataw kateng hawi adyh adawi nairachi so u. Nangchi ly kai i khumichi ai mymychi pri i nai mana khala py patheu bi reng moh. Hini ly nangchi teng y sa thai naira angym nai kai, Areng my pei nai leu ne.

Ezekiela 45:9 ပူးပေါင်းရင်းမြစ်များ

JOBA 20:19

Ni ly khumi kamawnchi ai ana iy tahm khai y naimy, ami i sa yb nai yhm hlauchi lawm vui nai deaungkho y, my i yhmtheaung katui amtym ai ny y.

JOBA 22:9

Nang ly lumai cheaungtichi ai sabawm ai nai akhi nai khyh chang y i, nuro nukai chochi ai py tiu, lawm iy, pahyp y naimy ana bo.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 6:7

Tuikhora i tui leaung amjawn jo nai kamta, Jerusalem mary i hawi y nairachi ly leaung amjawn jo nai ne. Mary theung y khrukhra naira, alawm nairachi py kathai i, noso hawi tamo kalem nga naichi py kaniu bo.

Ezekiela 44:6

“Atiu reng nai Israela chengchi teng y, mymychi i sa reng nai amso ngai nairachi ai sa thai naira angym nai kai, Areng ly paleung amnym pi jojo ai ny y, nanai thui pi.

Ezekiela 7:11

Khrukhra naira ly aso y nairachi peung hai ai. Nichi hawi amtawn abi nai ngierei ly awm ai ny y. Nichi i nang chawn nai haiho ly akan ai ny y.

Ezekiela 7:23

Pri theung y khumi ai padei naichi hawi, marychira y khrukhra nairachi py kawi nanai deaungkho y, meingtym tleirei y khru nganglang naimy awm ai

Ezekiela 8:17

Areng my kai teng y, “Nang khumi cho awi, hunichi nang niu lo-oh? Hini Juda chengchi ly nang i niu nai amso ngai nairachi sa u nai ly kamsi kamdi chychy teu i, nichi ly pri verei y khrukhra naira kawi hai be bo. Huni khyh ny y rai, Achura yhm y jeu u iy hina naichi sa u nai deaungkho y, nichi ly kai ai kado ang patheu haira bo. Khen cham, nichi ly mana tanrei kai ai mei aniu y nai sa u na ly!

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

AMOS 5:24

Adyh adawi naira ly micheaung tui kamta, hawi naira ly tui kang vai y nai tavo kamta leaung na sy.

MIKHA 2:9

Nangchi ly kai i khumichi i neampachychi ai, mychi khrei nai yhm i dengdairei patheu u iy, mychi i cho chanauchi mo mang y hawi ai athang khai nai amtheaung nairachi phra hai bo.

MIKHA 6:10

Khumi hawi y naichi i yhmchira y, teng y nai kalop hawi nga nai vawnsaichi awm. Nichi ly teng y nai sie khyrychi teaung u bo. Huni teng y nai sie khyrychi ai kai ly niu ngai nai ne.

ZEKHARIAH 7:9

“Jangni y kai ly kaimy i khumichi teng y, ‘Nangchi ly leu meitang adyh adawi iy, leaung leaungrei apahen leungtang ai nai tla.

ZEKHARIAH 8:16

Nangchi sa ai avo naichi ly amy tengtawi leu kateng katheu ai nai hawi, adyh adawi ai nai molam, meitang naimy tara chih u ai nai ne.

LUKA 3:14

Naibaly tavaimichi ly mymy teng y, “Kaichi py mana sa ai mo?” napi. Mymy ly nichi teng y, “Ami ai py ano moh, seu py seu rumrang moh; nangmychi i nga nai jirei kawn u,” napi.

I PETERA 4:3

Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;