Ezekiela 45:1 - Khumi Common Language Bible

¹ Israela cheng theaung bawibawichi ai khaileaung meingtym phy paji pi chum baly, Areng i vui khaileaung meingtym kachai harei khai takhra pi ai nai tla. Huni ly jeng mail tajarei, ka mail tariurei awm ai nai tla. Huni khaileaung meingtym verei ly chai ai.

Ezekiela 45:1 ပူးပေါင်းရင်းမြစ်များ

LEU KACHENG 3:9

Nang i li, hlaura i nga nai amti amjang athai chuluchi Areng teng y talam ba.

Ezekiela 42:16

Ni ly pata naira la iy nisi mang kakau patau, miu chungvai pangrei awm.

Ezekiela 48:29

Sa thai naira angym nai Areng my, “Hina nai thui pi nai kamta Israela nupaichi amtym hai ai nai khaileaung meingtymchi phy pi nai leaungsai ne,” napi.

Levi 25:23

Khaileaung ly nangchi peang y leang; Tameuh my peang nai deaungkho y jo kyp moh. Nangchi ly angvyn ne i, huni pri y tym iy khuteng sa nai khumichi lawm u ai.

Kati Nai 34:13

Hunai deaungkho y Mosi my Israela chengchi teng y, “Hini khu ka-peang ly Areng my nangchi theaung takawrei hawi theaung ka-hyhreichi teng y phy pi nai khu ka-peang ne i, nangchi ly tambe va iy aphy u ai nai tla.

JOSUA 13:6

Peang vui ai nai awm rai nai khu ka-peangchi ly Lebanon mawi hawi Misrepho Main mary sala, mawi aheung meingtym y awm nai Sidon chengchi i khu ka-peang bawibawi py abawi nai ne. Israela chengchi ly hini prichi ai peang vui ai nai amsa u nai khala, nichi bawibawi ai kaimy paryh vui ai. Kai ly nang ai leu kang pei nai kamta, Israela chengchi i vui khu ka-peang bawibawi ai phy paji pi ai nai tla.

JOSUA 13:7

Hunai deaungkho y vai, nang ly Israela cheng theaung takawreichi hawi Manase theaung ka-hyhreichi teng y, hini khu ka-peangchi amtym ai nai phy paji pi,” nanai leu pei bo.

JOSUA 14:1

Jordan tavo nidym mang y awm nai Kanan pri ai Israela chengchi teng y phy paji pi nai thui pi ai. Pathyp pi nai keung Elaza, Num i chapo Josua hawi Israela theaungchi i yhm dengtheung lu sa naichi my, Israela chengchi teng y huni pri ai phy paji pi bo.

JOSUA 14:2

Areng my Mosi teng y leu pei nai kamta, Jordan tavo nidym mang y awm nai khu ka-peang ai, Israela theaung takawrei hawi theaung ka-hyhreichi ai tambe va iy phy pi nai ne.

JOSUA 14:3

Mosi ly Jordan tavo nisi mang y awm nai khu ka-peang ai, Israela theaung nyhrei hawi theaung ka-hyhreichi teng y phy pi chum bo. (Josepha i kangpreangchi ai Manase theaung hawi Ephraim theaung, nanai nyhrei khawi takhra bo.) Mosi ly Levi theaung ai khu ka-peang phy pi y leang. Na i py nichi awm ai nai marychi hawi vanrei, tawnbawichi i vui sui tlaira naini phy pi nai ne.