Ezekiela 41:8 - Khumi Common Language Bible

^8-11 Kai ly Achura yhm ka-ki khailei kheubyn kakau awm nai niu; huni ly tengpang sahawi i khaileaung kakau tleaung y miu tariurei asang i, Achura yhm dengpangra sa nai takunchychi i kheutang hawi ahyh. Huni takunchy i angam mang angpang ly miu pangrei tho; khailei kakau hawi pathyp pi nai keungchi i takunchi sala, Achura yhm tengpang ka-ki khaileaung adym kakau miu apomrei awm. Achura yhm tosyh ngan mang y awm nai takunchyra kun ai nai katheu pa-kho harei, tokalawi ngan mang y awm nai takunchychi mang y kun ai nai katheu pa-kho harei awm. Achura yhm ka-kira y awm nai khailei kheubyn kakau ly ka miu pangrei awm nai ne.

Ezekiela 41:8 ပူးပေါင်းရင်းမြစ်များ

Ezekiela 40:5

Kai i niu nai ly Achura yhm ne; huni Achura yhm ai apai pahi meuh bo. Pata naira amto syn nai khumi ly miu tariurei sau nai pata naira amto hawi apai pata cham bo. Huni apai ly ka-sang miu tariurei, katho py miu tariurei awm.

Ezekiela 43:13

Achura yhm ai pata naira hawi maicham ai pata cham i, hina nai kamta ne. Maicham anui kheutang ka-ki kathiu miurei, kakau miurei awm nai tui lam awm; huni tui lam i angam mang i teng katho ly kiupui bi takawrei tho.

AMTENG HAI NAI 21:16

Naibaly avang pui ly ahilum nai ne; jeng ly ka khyrei awm teang: mymy ly huni cheaungvawi hawi avang pui pata i, hlau meaungkateaungrei bo y sang nyhrei awm: jeng ka hawi kasang py vanrei angeng khyp nai ne.