Ezekiela 40:7 - Khumi Common Language Bible

⁷ Katheu kamlem mang y lamchy harei awm; huni lam i langvawi lamtang mang y ly tamcheaungchi i vui amora takunchy thomrei awm akyhkyh. Huni amora takunchy bawibawi ly jengka ameaung i, miu tariurei awm. Amora takun harei hawi harei sala i angpang ly miu pangrei tho nai ne. Hini amora takunchi kamlem y, ka miu tariurei awm nai lamchy harei awm. Huni lamchy ly Achura yhm mang y mo tha nai takun pui harei mang y chei nai lam ne.

Ezekiela 40:7 ပူးပေါင်းရင်းမြစ်များ

1 NENG SATANG 23:28

Nichi sa ai nai kalopchi ly Achura yhm theung y chiu sa nai khala, Aron i kangpreang pathyp pi nai keungchi ai sabawm ai nai, Achura yhm apai theung y hawi takunchi kry ai nai, tahm pateng nai atitichi ai kachai khai ai nai kalopchi ne.

1 NENG SATANG 9:26

Katheu pa-kho tamcheaung lu leaung palyhreichi ly Levi theaung ne i, kalop hawihai palai sa ai nai tla. Achura yhm theung i takunchi hawi, hunira khai nai vawnsaichi ai py kry ai nai tla.

2 NENG SATANG 3:9

Muku sengmo sa naira y muku sie 975 rei teaung bo. Salo takunchi i dengpangchi ai py, muku hawi palum nai ne.

2 NENG SATANG 31:11

Samrang i leu pei nai kamta Achura yhm apai theung y, vawnsaichi khai ai nai takunchi sa iy,

EZARA 8:29

Nangchi Achura yhm y tym y ryrei ly huni vawnsaichi kry iy pathyp pi nai keungchi i takun theung y neh u ly pathyp pi nai keung luchi, Levi theaung luchi hawi, Jerusalem mary i Israela mipui lu sa nai keungchi teng y au pi u,” nanai taviu bo.

JEREMIA 35:4

Achura yhm y palau iy amo Hanan nithun abang nai khumichi awm nai takun mang y pahawi bo. Hanan ly Ikadalia i chapo ne. Huni takun ly miteaung kehchi i takun sahawi, Achura yhm miteaung keh leaungrei, Shalum i chapo Maaseiah i takun salo kangtheng y awm.

Ezekiela 40:10

(Apai pa-kho lam i langvawi lamtang y awm nai tamcheaungchi i amora takun thomreichi ly katheang kalen atawm riri bo. Hunichi ai patleh nai dengpangchi py, katho atawm riri nai ne.)

Ezekiela 40:21

Lam i langvawi lamtang y awm nai takunchy thomrei riri awm nai tamcheaungchi i takunchychi, huni takunchychi ai patleh nai dengpangchi hawi takunchychi ly nisi pa-kho i kamta suju amto vanrei atawm teang. Huni lam ly jeng miu vuipangrei, ka miu apom phai pangrei awm.

Ezekiela 40:29

Huni apai pa-khora y tamcheaung typ naichi i amora takunchi, kunra takunchy hawi theung mang i dengpangchi ly takhra katheu pa-khochi kamta ne. Hini kunra takunchira py thaibengchi awm. Bawibawi ly jeng miu vui pangrei, ka miu apom phai pangrei awm.

Ezekiela 40:33

Huni katheu pa-khora y tamcheaungchi i amora takunchi, kunra yhmchy hawi theung mang i dengpangchi ly takhra pa-khochi kamta, suju amto atawm nai ne. Pa-kho tengpang hawi kunra takunchy ra y thaibeng pa-kho awm; bawibawi ly jeng miu vui pangrei, ka miu apom phai pangrei awm.

Ezekiela 40:36

Hunira y takhra pa-khochi kamta tamcheaungchi i vui amora takunchi, khen ka-pu sa nai theung mang i dengpangchi, kunra takun hawi thaibeng pa-khochi awm. Bawibawi ly jeang miu chungvairei, ka miu apom phai pangrei awm nai ne.

Ezekiela 40:8

Huni khumi ly huni takun pui ai pata cham i, ka miu tajarei awm nai avum; huni takun pui kachawn keh angpang ly katho miu nyhrei awm riri.

Ezekiela 42:5

Ka-sang mang i takunchi ly sala i hawi anui keh i takunchi tleaung y amchei keh. Ati mana nai mo na baly huni takunchi ai nithun mang y panaw iy sa nai ne.